ការសិក្សាមួយដែលធ្វើឡើងដោយក្រុមអ្នកស្រាវជ្រាវអាមេរិកបានបង្ហាញថា ការប្រើថ្នាំបំបាត់ការឈឺចុកចាប់ដែលបណ្តាលដោយការរលាកដូចជា ibuprofen (Advil)ឬ diclofenac (Voltaren) អាចបង្កើនអត្រាកើតមានជំងឺគាំងបេះដូង
ការសិក្សាមួយដែលធ្វើឡើងដោយក្រុមអ្នកស្រាវជ្រាវអាមេរិកបានបង្ហាញថា ការប្រើថ្នាំបំបាត់ការឈឺចុកចាប់ដែលបណ្តាលដោយការរលាកដូចជា ibuprofen (Advil)ឬ diclofenac (Voltaren) អាចបង្កើនអត្រាកើតមានជំងឺគាំងបេះដូង ដាច់សរសៃឈាមក្នុងខួរក្បាល ហើយអត្រាស្លាប់ដែលទាក់ទងនឹងជំងឺនេះអាចឡើងដល់ប្រហែលជា១/៣ ។
លោក Marie Griffin មកពីសាកលវិទ្យាល័យ Vanderbilt University Medical Centre ក្រុង Nashville សហរដ្ឋអាមេរិកបានថ្លែងថា «បណ្តាឱសថប្រឆាំងនឹងការរលាក non-Steroid (NSAIDS) ត្រូវបានគេប្រើប្រាស់យ៉ាងសាមញ្ញព្យាបាលការឈឺចាប់ខ្លាំងក៏ដូចជាការឈឺចាប់រាំុរ៉ៃ» ។ ជាទូទៅឱសថនេះត្រូវបានណែនាំឱ្យប្រើប្រាស់សម្រាប់តែការព្យាបាលលក្ខខណ្ឌឈឺចាប់ណាមួយតែក្នុងរយៈពេលខ្លីប៉ុណ្ណោះ ។ ការប្រើប្រាស់ជាប់ៗគ្នាច្រើនជាង១សប្តាហ៍ ឬ១០ថ្ងៃគឺសម្រាប់តែការព្យាបាលការឈឺចាប់ឆ្អឹងខ្នង ក្បាលជង្គង់ ឆ្អឹងកង.ក ឬការឈឺក្បាលរាុំរ៉ៃ ។ ប្រភេទឱសថ diclofenac មានកម្រិតនៃការប្រើប្រាស់១ថ្ងៃគឺ១៥០មីល្លីក្រាម ខណៈ ibuprofen មានកម្រិតនៃការប្រើប្រាស់ប្រចាំថ្ងៃ២៤០០មីល្លីក្រាម ។
វេជ្ជបណ្ឌិត Griffin បានថ្លែងថា «កម្រិតនៃការប្រើប្រាស់ឱសថទាំងនេះខ្ពស់ ជាទូទៅគឺអាចធ្វើទៅបានល្គឹកណាមានវេជ្ជបញ្ជាពីគ្រូពេទ្យប៉ុណ្ណោះ» ។
ដោយឡែក ការសិក្សាមួយកាលពីពេលមុននេះបានបង្ហាញថា ប្រើពពួកឱសថទាំងនោះប្រឈមខ្ពស់នឹងការរលាកក្រពះ ។ ទោះជាយ៉ាងនេះក្តីអ្នកជំនាញមិនសូវជាចាប់អារម្មណ៍ប៉ុន្មានទេ ចំពោះលទ្ធផលនៃការសិក្សាលើកទី១នេះដ្បិតការរលាកក្រពះមិនធ្ងន់ដូចជំងឺបេះដូងឡើង ៕
ចែករំលែកព័តមាននេះ