ឧទ្ធម្ភាគចក្រដឹកឧត្តមសេនីយ៍ និងមនុស្សជាង១០នាក់ជួបគ្រោះ ធ្លា.ក់នៅតំបន់ភ្នំ
ឥណ្ឌា ៖ ឧទ្ធម្ភាគចក្ររបស់កងទ័ពឥណ្ឌាដែលមានដឹកនាយសេនាធិការការពារជាតិគឺលោកឧត្តមសេនីយ៍ Bipin Rawat បាន
ឥណ្ឌា ៖ ឧទ្ធម្ភាគចក្ររបស់កងទ័ពឥណ្ឌាដែលមានដឹកនាយសេនាធិការការពារជាតិគឺលោកឧត្តមសេនីយ៍ Bipin Rawat បានធ្លា.ក់នៅតំបន់ភ្នំ Coonoor ក្នុងរដ្ឋ Tamil Nadu នៅថ្ងៃពុធ ទី8 ធ្នូនេះ។ នេះបើយោងតាមការចុះផ្សាយរបស់សារព័ត៌មាន India Today។
មនុស្សចំនួន ៤នាក់ត្រូវគេរាយការណ៍ថាបានស្លា.ប់ក្នុងហេតុការណ៍នោះ។ មិនទាន់មានព័ត៌មានភ្លាមៗអំពីស្ថានភាពរបស់លោកឧត្តមសេនីយ៍ Bipin Rawat ឡើយ។
រហូតមកដល់ពេលនេះមនុស្សចំនួន៣នាក់ដែលរងរបួសរលាកធ្ងន់ធ្ងរត្រូវបានជួយសង្គ្រោះ ខណៈដែលការស្វែងរកអ្នកផ្សេងកំពុងបន្ត។
ប្រភពបានឲ្យដឹងថា មានមនុស្សចំនួន ១៤នាក់នៅលើយន្តហោះមុនពេលវាធ្លា.ក់។ អ្នកទាំងនោះរួមមានឧត្តមសេនីយ៍ Bipin Rawat ភរិយារបស់លោក ជំនួយការ កងកម្មង់ដូរពិសេស និងអ្នកបើកយន្តហោះ។
កងទ័ពអាកាសឥណ្ឌាបានបញ្ជាក់ពីហេតុការណ៍នោះនៅលើបណ្តាញសង្គម Twitter និងបាននិយាយថា ការស៊ើបអង្កេតកំពុងត្រូវបានធ្វើឡើងដើម្បីរកមូលហេតុនៃការធ្លា.ក់។
«ឧទ្ធម្ភាគចក្រប្រភេទ IAF Mi-17V5 ដោយមាននាយកសេនាធិការគឺឧត្តមសេនីយ៍ Bipin Rawat បានជួបឧបទ្ទវហេតុមួយនៅក្បែរភ្នំ Coonoor ក្នុងរដ្ឋ Tamil Nadu។ ការស៊ើបអង្កេតត្រូវបានធ្វើឡើងដើម្បីរកមូលហេតុ»។
នាយករដ្ឋមន្ត្រីឥណ្ឌាលោក Narendra Modi និងរដ្ឋមន្ត្រីការពារជាតិ Rajnath Singh ត្រូវបានគេផ្តល់ដំណឹងពីការធ្លាក់យន្តហោះនោះ។ រដ្ឋមន្ត្រីការពារជាតិឥណ្ឌានឹងត្រូវធ្វើសេចក្តីរាយការណ៍ជូនរដ្ឋសភាអំពីហេតុការណ៍ធ្លាក់យន្តហោះក្នុងពេលឆាប់ៗនេះ៕ (យោងតាមប្រភព៖ India Today)
ចែករំលែកព័តមាននេះ