ប្រឈមមុខនឹងការភ័យខ្លាចចំពោះវីរុសកូវីដ-១៩ បំប្លែងខ្លួនថ្មី ហៅអូមីក្រុងអង្គការសុខភាពពិភពលោក WHO កាលពីថ្ងៃទី៣០ ខែវិច្ឆិកា ឆ្នាំ២០២១ បានណែនាំដល់ប្រជាជនមួយផ្នែកគួរចៀសវាង
វីរុសអូមីក្រុង ៖ ប្រឈមមុខនឹងការភ័យខ្លាចចំពោះវីរុសកូវីដ-១៩ បំប្លែងខ្លួនថ្មី ហៅអូមីក្រុងអង្គការសុខភាពពិភពលោក WHO កាលពីថ្ងៃទី៣០ ខែវិច្ឆិកា ឆ្នាំ២០២១ បានណែនាំដល់ប្រជាជនមួយផ្នែកគួរចៀសវាងកុំធ្វើដំណើរទៅបរទេស។
វីរុសអូមីក្រុងបន្តសាបព្រោះការភ័យខ្លាចលើពិភពលោក។ ប្រឈមមុខនឹងការគំរាមកំហែងថ្មីនេះ នៃវីរុសអូមីក្រុង WHO បានស្នើ ដល់បណ្ដាមនុស្សដែលមានបញ្ហាសុខភាពហៅក្រុមអ្នកមានហានីភ័យខ្ពស់ ព្រមទាំងបណ្ដាមនុស្សមានអាយុចាប់ពីជាង៦០ឆ្មាំទៅ ចៀសវាងទៅធ្វើដំណើរទៅក្រៅប្រទេស។
ក្នុងឯកសារបច្ចេកទេសមួយ WHO គូសបញ្ជាក់ថា គេត្រូវណែនាំដល់បណ្ដាមនុស្សដែលមានសុខភាពមិនល្អ ហើយងាយជួបប្រទះនឹងការឈឺធ្ងន់ ដោយសារជំងឺកូវីដ និងអាចស្លា.ប់ ជាពិសេសបណ្ដាមនុស្សចាស់មានអាយុលើសពី៦០ឆ្នាំទៅ និងបណ្ដាមនុស្សមានជំងឺប្រចាំកាយររ៉ាំរៃ ដូចជាជំងឹបេះដូង ជំងឹមហារីក និងជំងឺទឹកនោមផ្អែម ឲ្យពន្យារពេលការធ្វើដំណើរទៅក្រៅប្រទេស។
អ្នកឆ្លងវីរុស «អូមីក្រុង» ដំបូង កំណត់ឃើញកាលពីថ្ងៃទី៩ ខែវិច្ឆិកា។ គេនៅមិនទាន់ដឹងច្បាស់ថា តើវាឆ្លងខ្លាំងបែបណា និងគ្រោះថ្នាកបែបណាចំពោះវីរុសនេះ?។ គេទើបនឹងនិយាយពីវាបាន២សប្ដាហ៍ ហើយចំនួនអ្នកឆ្លងកូវីដ មានការកើនគុណនឹង១០ ក្នុងប្រទេសអាហ្វ្រិកខាងត្បូង ប្រភពនៃវីរុសបំប្លែងខ្លួននោះ។ ពេលនេះប្រជាជនអាហ្វ្រិកខាងត្បូង បានលើកគ្នាសម្រុករកចាក់វ៉ាក់សាំង ដោយបន្តកន្ទុយគ្នាចាំចាក់ នៅតាមមជ្ឈមណ្ឌលពាណិជ្ចកម្ម។ តែប៉ុន្មានម៉ោងប៉ុណ្ណោះ ប្រទេសជាច្រើន បានផ្ដាច់ទំនាក់ទំនងអាកាស ជាមួយអាហ្វ្រិកខាងត្បូង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ