ADផ្ទាំងផ្សព្វផ្សាយពាណិជ្ជកម្ម

Picture

គង់ ច័ន្ទ​ស្រី​មុំ និង​ស្វាមី​ពញ្ញាក់​អារម្មណ៍​ហ្វេ​ន​ៗ ក្រោយ​បង្ហាញ​រូប​រៀប​ការ​ប៉ុន្មាន​សន្លឹក

1 ខែ មុន
  • ភ្នំពេញ

អ្នក​នាង គង់ ច័ន្ទ​ស្រី​មុំ និង​លោក គឹ​ម សីហា ជា​ស្វាមី បាន​បង្ហាញ​នូវ​ភាព​ភ្ញាក់ផ្អើល​ជា​ថ្មី​ម្តងទៀត តាម​រយៈ​ការ​តុបតែង​ខ្លួន​ជា​កូនកំលោះ និង​កូនក្រមុំ​។ អ្វី​ដែល​ពិសេស​នោះ គឺ​អ្នក​ទាំង​២ បាន​

រាជធានី​ភ្នំពេញ ៖ អ្នក​នាង គង់ ច័ន្ទ​ស្រី​មុំ និង​លោក គឹ​ម សីហា ជា​ស្វាមី បាន​បង្ហាញ​នូវ​ភាព​ភ្ញាក់ផ្អើល​ជា​ថ្មី​ម្តងទៀត តាម​រយៈ​ការ​តុបតែង​ខ្លួន​ជា​កូនកំលោះ និង​កូនក្រមុំ​។ អ្វី​ដែល​ពិសេស​នោះ គឺ​អ្នក​ទាំង​២ បាន​រចនា​ម៉ូ​ដ​សម្លៀក​បំពាក់ ម៉ូ​ដ​សក់ និង​គ្រឿងអលង្ការ​តាម​ទម្រង់​ឆ្នាំ​៨០​ជាង​ទៅ​ឆ្នាំ​៩០​ជាង ដែល​គូស្នេហ៍​ទាំងឡាយ​និយម​។

Picture

លើស​ពី​នេះ បាន​ទាំង​២​នាក់​ក៏​បាន​នាំ​គ្នា​ថត​នៅ​តំបន់​សួនច្បារ​វិមាន​ឯករាជ្យ កាន់តែ​ធ្វើ​អោយ​អ្នក​ធ្លាប់​ថតរូប​មង្គលការ​នា​ជំនាន់​នោះ​នឹកនា​ស្រណោះ​តែ​ម្តង​។ ហើយ​នេះ​គឺជា​គំនិត​ច្នៃប្រឌិត​មួយទៀត ដែល គង់ ច័ន្ទ​ស្រី​មុំ និង​ស្វាមី កសាង​បាន ហើយ​ក៏​មិន​នឹក​ស្មានថា នាង​និង​ស្វាមី ចេះ​នឹកឃើញ​ច្បិច​យក​នូវ​រូបភាព​បែប​នេះ មក​ពញ្ញាក់​អារម្មណ៍​មហាជន​សោះឡើយ​។

Picture

អ្នក​ទាំង​២ ពិតជា​ជាប់​ឈ្មោះ​ជា​អ្នក​ប៉ិនប្រសព្វ រក​នឹក​ស្ទា​យ​ប្លែក​ៗ បំបែក​ការ​ទាក់ទាញ ថតរូប​បង្ហាញ​ហ្វេ​ន​ៗ​នៅ​តាម​បណ្តាញ​សង្គម​។ ហើយ​កម្រង​រូបភាព​លើក​ឡើង​នេះ ឃើញ​ថា ពិតជា​ដាស់​អារម្មណ៍ លោក​អុំ អ្នក​មីង ដែល​ស្រឡាញ់​គ្នា ហើយ​បាន​ចូល​រោងការ​សំពះ​ផ្ទឹម ជា​ពិសេស​តំបន់​សួនច្បារ​វិមាន​ឯករាជ្យ នាគ​បាញ់​ទឹក​នេះឯង ដែល​ជា​កន្លែង​ថតរូប​ពេល​ការកូន​ប្រុស​ស្រី​ជំនាន់​នោះ​។ កត្តា​បែប​នេះ​ហើយ ទើប​ធ្វើ​អោយ គេ​នឹក​ស្រណោះ ថ្ងៃ​ការ​ក្នុង​កាលៈទេសៈ​សង្គម​ជាតិ ទើបតែ​រួច​ផុត​ពី​សង្គ្រាម ហើយ​តស៊ូ​កសាង​ប្រទេស​ពី​មួយ​ជំហាន​ទៅ​មួយ​ជំហាន​។

Picture

បើ​ទោះបីជា ស្រី​មុំ ក្លាយជា​អ្នកជំនាញ​លើ​ជំនួញ​អន​ឡាញ ក៏​អ្នក​នាង​មិន​ដែល​ចោល​តួនាទី​ជា​អ្នកសិល្បៈ​ដែរ គឺ​រមែង​រក​គំនិត​ប្លែក​ៗ​បំបែក​ទីផ្សារ​ក្នុង​ការ​ទាក់ទាញ​។ ទោះជា​ផ្អាក​ការ​សម្តែង​មួយ​រយៈ​ធំ តែ ស្រី​មុំ បាន​បង្ហាញ​វត្តមាន​បែប​ពិធី​ការិនី​លើ​បណ្តាញ​សង្គម ហើយ​ពាំនាំ​ដោយ​ភាព​សំណើច ។ ចំណែក​អ្នក​តាមដាន​វិញ នៅ​តែ​រង់ចាំ​មើល​តទៅ​ទៀត​ថា តើ​គូស្នេហ៍​១​គូ​នេះ នឹង​ច្នៃ​ទម្រង់​សិល្បៈ​បែប​ណា​ទៀត ដើម្បី​អោយ​ទស្សនិកជន​បាន​ប្លែក​ភ្នែក ប្លែក​អារម្មណ៍​ជា​ថ្មី​ម្តងទៀត​នោះ?។

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture