ADផ្ទាំងផ្សព្វផ្សាយពាណិជ្ជកម្ម

Picture

ក្នុងរដូវ​ធ្លាក់​ខ្យល់​​ អ្នកស្រុកមង្គលបុរី​នាំគ្នាឆ្អើរ​ត្រី​​តាមផ្ទះ ខណៈឆ្នាំនេះសំបូរ​ជាង​ឆ្នាំ​មុន​​

1 ខែ មុន
  • បន្ទាយមានជ័យ

ខេត្តបន្ទាយ​មាន​ជ័យ​ ៖​ រដូវ​ធ្លាក់​ខ្យល់ឆ្នាំនេះ​ធ្វើឱ្យ​ត្រីសំបូរជាងឆ្នាំមុន​ ហើយត្រូវបាន​​ប្រជាពលរដ្ឋ​​​នៅស្រុកមង្គលបុរី ​ក្នុង​ខេត្ត​បន្ទាយមាន​ជ័យ នាំគ្នាទិញ​ត្រីឆ្អើរទុក​​​សម្រាប់​រដូវ​ប្រាំង​ ហើយ​គេចូលចិត្តធ្វើ​​ដូច​ជា​ត្រី​រ៉ស់ ​និង​ត្រីរៀល​ឬត្រី​ស​ ​។ ហើយជា​ទម្លាប់…


ខេត្តបន្ទាយ​មាន​ជ័យ​ ៖​ រដូវ​ធ្លាក់​ខ្យល់ឆ្នាំនេះ​ធ្វើឱ្យ​ត្រីសំបូរជាងឆ្នាំមុន​ ហើយត្រូវបាន​​ប្រជាពលរដ្ឋ​​​នៅស្រុកមង្គលបុរី ​ក្នុង​ខេត្ត​បន្ទាយមាន​ជ័យ នាំគ្នាទិញ​ត្រីឆ្អើរទុក​​​សម្រាប់​រដូវ​ប្រាំង​ ហើយ​គេចូលចិត្តធ្វើ​​ដូច​ជា​ត្រី​រ៉ស់ ​និង​ត្រីរៀល​ឬត្រី​ស​ ​។ ហើយជា​ទម្លាប់ ប្រជា​ពលរដ្ឋ​ស្រុក​មង្គល​​បូ​រី​​ ក្នុងពេល​រដូវ​ធ្លាក់​ខ្យល់​​បែបនេះនៅ​តាម​ផ្ទះនីមួយៗតែង​យកត្រីមក​ឆ្អើរ​នៅមុខផ្ទះតែម្តង​ ​។

Picture

ប្រជាពលរដ្ឋ​បាន​បញ្ជាក់​ថា​ ​នៅ​ឆ្នាំ​២០២១​នេះ​ ត្រី​សំបូរ​ជាង​ឆ្នាំ​មុន​ នៅ​ពេល​ដែល​ធ្លាក់​ខ្យល់​ ឃើញអ្នក​នេសាទ​យកមកលក់​តាម​ទីផ្សារ​តំលៃ​ត្រីរ៉ស់​ធំ​១​គីឡូក្រាម​ តំលៃ​១២.០០០​រៀល តូច​១​គីឡូក្រាម​តំលៃ​៧.០០០​រៀល ត្រី​សឬត្រី​រៀល ​១​គីឡូក្រាម​តំលៃ​៥.០០០​រៀល តូច​១​គីឡូក្រាម​តំលៃ​៣.០០០​រៀល ​។

Picture

ប្រជាពលរដ្ឋ​បាន​បញ្ជាក់​ថា ​​ត្រី​​​ដូច​ជា​ត្រីរ៉ស់ ​បើ​ធំ​យក​មក​ងៀត​ហើយ​ឆ្អើរ តូច​មក​ដោត​ជាក​ង្កា​ក់ ​ហើយ​ដាក់​ងៀត។ ត្រី​ស​និង​ត្រី​រៀល​ដោត​ចង្កាក់​៥​ ទៅ​៦​ត្រី​ហើយ​ឆ្អើរ​រយៈពេល​១​ថ្ងៃ​ពេញឬ៧​ទៅ​៨​ម៉ោង​ឃើញ​ថា​ ក្រៀមហើយ​យក​ទុក​ពេល​មាន​ថ្ងៃ​យក​ទៅ​ហាល ​បាន​២​ទៅ​៣​ថ្ងៃ​ទៀត​ទើប​យក​ទុក​បើ​ត្រី​រ៉ស់​ទុក​បាន​យូរ​ជាង​ត្រី​ស​ឬត្រី​រៀល ។

Picture

ប្រជាពលរដ្ឋ​បាន​បញ្ជាក់​ថា​ នេះ​ជា​ទំលាប់​ប្រជាពលរដ្ឋ​អ្នកស្រុក​មង្គល​បូ​រី ​ដែល​ភាគច្រើន​ជា​ប្រជា​កសិករ​នៅ​ពេល​រដូវ​ធ្លាក់​ខ្យល់​រក​ត្រី​បាន​ពី​ដាក់​ទ្រូ ឬ​លប​និង​អន្លង់​ បាន​យក​មក​ឆ្អើរ​ទុក ឬងៀត​សម្រាប់​នៅ​ពេល​ដែល​ចុះ​ប្រមូល​ផល​ស្រូវ​គ្រាន់​មក​វិញ​យក​មក​ហូប​ដោយ​មិន​ចាំបាច់​ទៅ​រក​ត្រី​ ឬ​ទិញ​ម្ហូប​អ្វី​ឡើយទើប​នាំ​គ្នា​ឆ្អើរត្រី​ទុក​ហូប ​។

Picture
Picture
Picture
Picture
Picture
Picture
Picture