ខេត្តកណ្តាល ៖ មានការភ្ញាក់ផ្អើលមួយបានកើតឡើង ខណៈបុរសម្នាក់បានបើករថយន្តធ្វើដំណើរឆ្លងដ តែអកុសលអាក្រក់បណ្តាលឲ្យខ្យល់បក់បោកក្រឡាប់ធ្លាក់ទឹកស្លា-ប់ក្នុងរថយន្ត។ ហេតុការណ៍នេះបានកើតឡើងនៅថ្ងៃទី២៦ ខែវិច្ឆិកា ឆ្នាំ២០២១ វេលាម៉ោង០៥ និង៣០នាទីព្រឹក នៅចំណុចស្ទឹងក្រោយវត្តទួលស្លែង ស្ថិតនៅក្នុងភូមិទួលស្លែង ឃុំលើកដែក ស្រុកកោះធំ ខេត្តកណ្ដាល។ ជនរងគ្រោះមានឈ្មោះ គីម ស៊ឹង ភេទប្រុស អាយុ ៣២ឆ្នាំ ជនជាតិខ្មែរ មានទីលំនៅភូមិព្រែកផ្អាវ ឃុំកំពង់កុង ស្រុកកោះធំ ខេត្តកណ្ដាល មុខរបរសង់មេរុបូជាសព។
បើតាមសមត្ថកិច្ចឲ្យដឹងថា នៅវេលាម៉ោងកើតហេតុខាងលើ មានរថយន្តម៉ាកហ៊ីយ៉ិនដាយ ពណ៌ខៀវ ពាក់ស្លាកលេខ ភ្នំពេញ 2 X-3530 ដឹកសម្ភារសម្រាប់(បូជាស-ព)បើកឆ្លងទូកដ វត្តទួលស្លែង មានទិសដៅពីត្រើយខាងជើង ទៅត្រើយខាងត្បូង(ភូមិត្រឡោកបែក-ភូមិទួលស្លែង)។ ពេលកំពុងតែឆ្លងមកជិតដល់ត្រើយខាងត្បូង ក៏មានខ្យល់បក់រេទូកដទៅទិសខាងលិចបណ្ដាលឲ្យក្រឡាប់លិចទូក និងរថយន្តតែម្តង។ ដោយឡែកសាក្សីនៅក្បែរកន្លែងកើតហេតុបានឲ្យដឹងដែរថា ជនរងគ្រោះធ្វេសប្រហែសខ្វះការប្រុងប្រយ័ត្ន មិនស្ដាប់តាមការណែនាំរបស់អ្នកបើកទូកដឲ្យរុះរើសម្ភារចុះខ្លះព្រោះ ចម្លងខ្លាចក្រែងមានឧបសគ្គ។ ជនរងគ្រោះមិនស្ដាប់ ហើយចចេសមិនធ្វើតាមដោយថា ខ្លួនថាប្រញាប់ទៅរៀបចំសង់មេរុបូជាស-ពអ្នកដទៃទៀត។
ដោយអ្នកបើកបររថយន្តបង្ខំពេក ទើបអ្នកបើកទូកដចម្លង ខណៈពេលកំពុងឆ្លងជិតដល់ត្រើយម្ខាងទៀតស្រាប់តែមានខ្យល់បក់រេលិចទាំងទូក និងអ្នកបើកបររថយន្តក្នុងទឹកស្ទឹង។ ចំពោះករណីនេះ ក្រោយពីទទួលបានព័ត៌មានភ្លាមលោក វរសេនីយ៍ឯក ស៊ីម ឃាង អធិការនគរបាលស្រុកកោះធំ បានដឹកនាំកម្លាំងជំនាញ និងប៉ុស្ដិ៍រដ្ឋបាល ចុះទៅដល់កន្លែងកើតហេតុ ដើម្បីធ្វើការស្រង់យកមធ្យោបាយ និងជនរងគ្រោះឡើងគោក(លទ្ធផលនៃការស្រង់ស-ព និងមធ្យោបាយអស់រយៈពេល៨ម៉ោង គិតត្រឹម៧ព្រឹករហូតដល់ម៉ោង១៤និង០០នាទី រសៀល។ ក្រុមគ្រួសារជនរងគ្រោះសំណូមពរសមត្ថកិច្ចមិនប្ដឹងផ្ដល់ទាមទារលើភាគីណាទេ ដោយសារប្ដីខ្លួនបើកបរធ្វេសប្រហែសដោយខ្លួនឯង។ ណាមួយទូកដជារបស់វត្ត ចម្លងមិនបង់ប្រាក់និយាយរួមគឺសម្រាប់ចម្លងប្រជាពលរដ្ឋ។ ក្រុមគ្រួសារសំណូមពរយកតែមធ្យោបាយ និងសាកស-ពជនរងគ្រោះយកទៅធ្វើបុណ្យតែប៉ុណ្ណោះ៕ ដោយ ៖ ប៉ឹង ឆដា
ចែករំលែកព័តមាននេះ