ធី សុវណ្ណថា ប្រកាសធ្វើបាតុកម្មទម្លាក់លោក កឹម សុខា
រាជធានីភ្នំពេញ ៖ កញ្ញា ធី សុវណ្ណថា បានប្រកាសនៅលើបណ្តាញទំនាក់ទំនងសង្គម (Facebook) កាលពីរសៀលថ្ងៃទី០៣ ឧសភា ថា កញ្ញានឹងធ្វើយុទ្ធនាការទាមទារទម្លាក់លោក កឹម សុខា
រាជធានីភ្នំពេញ ៖ កញ្ញា ធី សុវណ្ណថា បានប្រកាសនៅលើបណ្តាញទំនាក់ទំនងសង្គម (Facebook) កាលពីរសៀលថ្ងៃទី០៣ ឧសភា ថា កញ្ញានឹងធ្វើយុទ្ធនាការទាមទារទម្លាក់លោក កឹម សុខា ពីអនុប្រធានគណបក្សសង្គ្រោះជាតិក្នុងពេលឆាប់ៗនេះ ។
នៅលើ Facebook ធី សុវណ្ណថា បានសរសេរមានខ្លឹមសារទាំងស្រុងថា «សុំទោស បងប្អូនអ្នកគាំទ្របក្សសង្គ្រោះជាតិ ខ្ញុំមិនចង់ប្តឹងលោក កឹម សុខា ទេ ប៉ុន្តែគាត់ជ្រុលខ្លាំងពេក ៣ឆ្នាំហើយ គាត់តែងនិយាយបរិហារ ចោទលាបពណ៌ខ្ញុំ ប្រាប់ទៅតំណាងរាស្ត្រ សមាជិកបក្ស និងម្ចាស់ជំនួយ… គាត់បានចេញលិខិតបដិសេធខ្ញុំឲ្យអង្គរក្សបណ្តេញខ្ញុំចេញពីលើឆាកវេទិការ បណ្តេញខ្ញុំចេញពីក្បួនហែរបក្ស និងរារាំងសកម្មភាពខ្ញុំជាច្រើនទៀត ។ ខ្ញុំបានអត់ធ្មត់ ខាំមាត់ស្រក់ទឹកភ្នែកជាច្រើនឆ្នាំមកហើយ ខ្ញុំមិនអាចទ្រាំឲ្យ កឹម សុខា មើលងាយជាន់ឈ្លីខ្ញុំទៀតទេ ខ្ញុំនឹងធ្វើយុទ្ធនាការទាមទារទម្លាក់លោក កឹម សុខាឆាប់ៗនេះ….» ។
យ៉ាងណាក៏ដោយកាលពីពេលថ្មីៗនេះ ធី សុវណ្ណថា បានលើកឡើងថា កញ្ញានៅតែស្រឡាញ់គណបក្សសង្គ្រោះជាតិ ។
មកដល់ល្ងាចថ្ងៃទី០៣ឧសភា គេហទំព័រ«កោះសន្តិភាព»មិនអាចរកការសុំអត្ថាធិប្បាយបានទេពីលោក កឹម សុខា ជុំវិញការលើកឡើងរបស់កញ្ញា ធី សុវណ្ណថា ខាងលើនេះ ៕
ចែករំលែកព័តមាននេះ