អាមេរិកអញ្ជើញតៃវ៉ាន់ចូលរួមកិច្ចប្រជុំកំពូលខែក្រោយ តែចិន និងរុស្សីគ្មានឈ្មោះឡើយ
អាមេរិក ៖ រដ្ឋបាលប្រធានាធិបតីអាមេរិក Joe Biden បានអញ្ជើញកោះតៃវ៉ាន់ឲ្យចូលរួមកិច្ចប្រជុំកំពូលដើម្បីប្រជាធិបតេយ្យ
អាមេរិក ៖ រដ្ឋបាលប្រធានាធិបតីអាមេរិក Joe Biden បានអញ្ជើញកោះតៃវ៉ាន់ឲ្យចូលរួមកិច្ចប្រជុំកំពូលដើម្បីប្រជាធិបតេយ្យ
អាមេរិក ៖ រដ្ឋបាលប្រធានាធិបតីអាមេរិក Joe Biden បានអញ្ជើញកោះតៃវ៉ាន់ឲ្យចូលរួមកិច្ចប្រជុំកំពូលដើម្បីប្រជាធិបតេយ្យ (Summit for Democracy) នៅខែក្រោយ។ នេះបើយោងតាមបញ្ជីឈ្មោះអ្នកចូលរួមដែលត្រូវបានផ្សព្វផ្សាយកាលពីថ្ងៃអង្គារ ទី23 វិច្ឆិកា ម្សិលមិញនេះ។
ការអញ្ចើញតៃវ៉ាន់ ទំនងជាធ្វើឲ្យចិនខឹងសម្បារយ៉ាងខ្លាំង ខណៈដែលចិនតែងចាត់ទុកតៃវ៉ាន់គឺជាផ្នែកមួយរបស់ខ្លួន និងប្រកាសរួបរួមគ្នាវិញនៅថ្ងៃណាមួយ។
បើតាមបញ្ជីរបស់ក្រសួងការបរទេសអាមេរិក អ្នកចូលរួមចំនួន ១១០នាក់ នឹងធ្វើការចូលរួមកិច្ចប្រជុំកំពូលនិម្មិត ដើម្បីប្រជាធិបតេយ្យនៅថ្ងៃទី ៩ និងទី ១០ ខែធ្នូខាងមុខ។ វាមានបំណងជួយបញ្ឈប់ការដើរថយក្រោយលទ្ធិប្រជាធិបតេយ្យ និងការបាត់បង់សិទ្ធិ និងសេរីភាពទូទាំងពិភពលោក។
ប្រទេសកុម្មុយនីស្ត ចិន និងរុស្សី មិនត្រូវបានអញ្ជើញឡើយ។
ការអញ្ជើញកោះតៃវ៉ាន់នេះកើតឡើង ចំពេលដែលចិនបានបង្កើនការដាក់សម្ពាធទៅលើប្រទេសនានាឲ្យបន្ថយ ឬផ្តាច់ទំនាក់ទំនងជាមួយកោះតៃវ៉ាន់។ កោះតៃវ៉ាន់បាននិយាយថា ទីក្រុងប៉េកាំងមិនមានសិទ្ធិនិយាយជំនួសខ្លួនឡើយ។
សូមបញ្ជាក់ថា ចិនតែងចាត់ទុកកោះតៃវ៉ាន់ជាផ្នែកមួយរបស់ខ្លួន និងប្រកាសរួបរួមគ្នាវិញនៅពេលអនាគត ប៉ុន្តែមេដឹកនាំតៃវ៉ាន់ បានប្រកាសធ្វើអ្វីៗគ្រប់យ៉ាងដើម្បីការពារសេរីភាព និងប្រជាជនរបស់ខ្លួន។
តៃវ៉ាន់បានផ្តាច់ចេញពីចិននៅក្នុងឆ្នាំ ១៩៤៩ បន្ទាប់ពីមានសង្គ្រាមស៊ីវិល៕ (យោងតាមប្រភព៖ Channel News Asia)
ចែករំលែកព័តមាននេះ