ប្ដីប្រពន្ធមួយគូ ចោរប្លន់ម៉ូតូបានសម្រេច នៅខណ្ឌសែនសុខទៀត…!
រាជធានីភ្នំពេញ ៖ ប្ដីប្រពន្ធមួយគូបានទៅអង្គុយលេងនៅក្នុងបុរីអង្គរក្បែរដីឡូត៍មួយកន្លែងស្ថិតក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ។
រាជធានីភ្នំពេញ ៖ នៅមុននេះបន្តិច យប់ថ្ងៃទី ២៩ ខែមេសា ឆ្នាំ២០១៦នេះ ប្ដីប្រពន្ធមួយគូបានទៅអង្គុយលេងនៅក្នុងបុរីអង្គរក្បែរដីឡូត៍មួយកន្លែងស្ថិតក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ។ ជនរងគ្រោះមានឈ្មោះ ឡូត ហ្វីលីព ភេទប្រុស អាយុ៣៥ឆ្នាំ មុខរបរគ្រូបង្រៀនភាសាបរទេស ស្នាក់នៅផ្ទះលេខ១១-១២អ៊ីក ភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ មានស្រុកកំណើតនៅខេត្តកណ្ដាល ។ ចំណែកម៉ូតូម៉ាកFTR ពណ៌ខៀវ ពាក់ស្លាកលេខភ្នំពេញ 1FC-7755 តាមប្រភពព័ត៌មានពីជនរងគ្រោះបានឲ្យដឹងថា មុនពេកើតហេតុរូបគាត់ពីរនាក់ប្ដីប្រពន្ធទើបតែចេញពីធ្វើការហើយក៍បានជិះម៉ូតូមកអង្គុយលេងនៅកន្លែងកើតហេតុខាងលើ ដើម្បីលំហែអារម្មណ៍ ពេលគាត់រៀបបម្រុងនឹងជិះម៉ូតូត្រឡប់ទៅផ្ទះវិញស្រាប់តែមានជនសង្ស័យពីរនាក់ជិះម៉ូតូមួយគ្រឿងម៉ាកMSX បានជិះមកឈប់ជិតហើយបានដកកាំភ្លើងខ្លីភ្ជង់ជនរងគ្រោះទាំងពីរនាក់ប្ដីប្រពន្ធហើយបានដេញឲ្យជនរងគ្រោះដើរឲ្យឆ្ងាយពីម៉ូតូ ហើយហាមស្រែកបើមិនស្ដាប់តាមគេ គេនឹងបាញ់សម្លាប់ចោល ។
លុះក្រោយមកជនសង្ស័យម្នាក់ក្នុងចំណោម២នាក់បានឡើងជិះម៉ូតូជនរងគ្រោះចេញទៅបាត់ដោយសុវត្ថិភាពបន្សល់នៅតែជនរងគ្រោះនៅនឹងកន្លែងកើតហេតុដោយរួមទាំងការសោកស្ដាយម៉ូតូជាពន់ពេក ។ ក្រោយពេលកើតហេតុជនរងគ្រោះបានទៅដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលឃ្មួញដើម្បីកំណត់ភិនភាគជនសង្ស័យយកមកដាក់ទោសទៅតាមនីតិវិធី ៕
ចែករំលែកព័តមាននេះ