នៅពេលមុតអំបែងគួរជួយសង្គ្រោះបែបណា ?
បើនិយាយពីការមុតកម្ទេចអំបែង (អំបែង ចាន ដប កែវ…) វាជាហានិភ័យមួយ ចំពោះ មនុស្សទូទៅ បើសិនជាយើងមិនមានការប្រុងប្រយ័ត្ន ពិសេសនៅពេលអ្នកដើរមិនបានពាក់ទ្រនាប់ជើងឱ្យបានត្រឹមត្រូវ។
បើនិយាយពីការមុតកម្ទេចអំបែង (អំបែង ចាន ដប កែវ…) វាជាហានិភ័យមួយ ចំពោះ មនុស្សទូទៅ បើសិនជាយើងមិនមានការប្រុងប្រយ័ត្ន ពិសេសនៅពេលអ្នកដើរមិនបានពាក់ទ្រនាប់ជើងឱ្យបានត្រឹមត្រូវ។ ប៉ុន្តែប្រការដែលសំខាន់ នៅពេលមនុស្សណាម្នាក់ជួបហេតុការណ៍បែបនេះ តើយើងត្រូវសង្គ្រោះតាមវិធីណា ? ខាងក្រោមនេះជារបៀបត្រូវជួយ សង្គ្រោះបឋម៖
-ឃាត់ឈាមដោយការសង្កត់ជុំវិញមុខរបួសរួចច្របាច់មុខរបួសភ្ជិតគ្នា ។
-គួរឲ្យជនរងគ្រោះដេក បើមានកម្ទេចអំបែងមុតដោតជាប់ចូលដកអំបែងនោះចេញដោយប្រុងប្រយ័ត្នហើយយកក្រណាត់និងសំឡីមកបិទទប់ត្រង់មុខរបួសកុំឱ្យហូរឈាមច្រើន ។
-បន្ទាប់មកប្រើបង់រុំរបួសពីលើក្រណាត់ និងសំឡីដែលបានបិទត្រង់មុខរបួសនោះ ។
-ប្រើបង់រុំអមពីក្រោមបរិវេណរបួសដោយរុំទាញទៅផ្នែកម្ខាងទៀត ។
-រុំរហូតទាល់តែជិតសំឡីមិនឱ្យរបូតចេញមកបាន ។
ទាំងនេះគឺជាវិធីងាយៗក្នុងការជួយសង្គ្រោះបឋមដើម្បីទប់ស្កាត់ការហូរឈាមខ្សោះខ្លួនអ្នករងគ្រោះ ។ ប៉ុន្តែទោះជាយ៉ាងណាក៏ដោយ បន្ទាប់ពីសង្គ្រោះបឋម អ្នកគួរបញ្ជូនជនរងគ្រោះទៅកាន់មន្ទីរពេទ្យព្យាបាលទៅតាមជំនាញដើម្បីការពារការចម្លងមេរោគវិវឌ្ឍន៍ទៅជាបញ្ហាធ្ងន់ធ្ងរ ៕
ចែករំលែកព័តមាននេះ