គ្មានវាចានឹងថ្លែង! ទៅរកសង្សារជាស្ត្រីមេម៉ាយមិនជួប បែកគំនិតចាប់កូនស្រីនាងរហូតសន្លប់
- ភ្នំពេញ
រសជាសង្ស័យម្នាក់មានសង្សារជាកម្មការិនីរោងចក្រ ដែលបានស្រលាញ់គ្នារយៈពេល២ឆ្នាំកន្លងមកហើយ លុះដល់
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសជាសង្ស័យម្នាក់មានសង្សារជាកម្មការិនីរោងចក្រ ដែលបានស្រលាញ់គ្នារយៈពេល២ឆ្នាំកន្លងមកហើយ លុះដល់វេលារសៀលថ្ងៃទី១៦ ខែវិច្ឆិកា ឆ្នាំ២០២១ នេះ ជនសង្ស័យក៏បានទៅរកនាងជាសង្សារដល់បន្ទប់ជួល ដែលមានទីតាំងស្ថិតនៅសង្កាត់ដង្កោ ខណ្ឌដង្កោ ប៉ុន្តែពុំបានជួបនាងឡើយ ព្រោះនាងចេញទៅធ្វើការរោងចក្របាត់ទៅហើយ ដោយទុកឲ្យកូនស្រីអាយុ៦ឆ្នាំម្នាក់នៅចាំបន្ទប់ម្នាក់ឯង។
សេចក្តីរាយការណ៍បន្តថា ខណៈពេលនោះជនសង្ស័យបែកគំនិតក៏បានធ្វើសកម្មភាពចាប់កូនស្រីសង្សារខ្លួនដែលមានអាយុ៦ឆ្នាំរំលោភសេពសន្ថវៈរហូតបានសម្រេច និងបណ្ដាលឲ្យក្មេងស្រីរូបនេះទទួលរងការឈឺចាប់រហូតដល់សន្លប់បាត់ស្មារតីទៀតផង។
ជនសង្ស័យខាងលើនេះមានឈ្មោះ លី សេងចិន អាយុ៤៨ឆ្នាំ មុខរបរលក់ដូរ ស្នាក់នៅភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ ហើយត្រូវបានកម្លាំងនគរបាលប៉ុស្តិ៍ដង្កោ ចុះទៅឃាត់ខ្លួនដល់ផ្ទះវេលាម៉ោង៨ព្រឹក ថ្ងៃទី១៧ ខែវិច្ឆិកា ឆ្នាំ២០២១ ។ជននេះក៏បានសារភាពថា ខ្លួនពិតជាបានចាប់រំលោភក្មេងស្រីរូបនោះប្រាកដមែន ។ ចំណែកក្មេងស្រីរងគ្រោះមានអាយុ៦ឆ្នាំ និងមានម្ដាយជាស្រីមេម៉ាយអាយុ៣៦ឆ្នាំ មុខរបរកម្មការិនីរោងចក្រកាត់ដេរ ស្នាក់នៅក្នុងបន្ទប់ជួលកើតហេតុខាងលើ។
បើតាមនគរបាលបានឲ្យដឹងថា នៅថ្ងៃកើតហេតុខាងលើ ជនសង្ស័យបានធ្វើដំណើរទៅរកម្តាយក្មេងស្រីរងគ្រោះដែលជាសង្សាររបស់ខ្លួនដល់បន្ទប់ជួល ប៉ុន្តែពុំជួបដូចបំណងនោះទេ ព្រោះស្ត្រីជាសង្សារបានចេញទៅធ្វើការរោងចក្របាត់ទៅហើយ។ នៅសល់តែក្មេងស្រីរងគ្រោះកំពុងតែរត់លេងនៅមុខបន្ទប់ជួលម្នាក់ឯង ខណៈពេលនោះជនសង្ស័យក៏ឲ្យលុយមួយចំនួនទៅក្មេងស្រីរងគ្រោះ ដើម្បីទៅទិញនំហូប បន្ទាប់មកទៀតក៏បានល្បួងក្មេងស្រីឲ្យដេកមើលទូរស័ព្ទនៅក្នុងបន្ទប់ជួលជាមួយខ្លួន។
ប្រភពដដែលបានបន្តថា លុះបន្តិចក្រោយមក ជនសង្ស័យខាងលើនេះ ក៏បានធ្វើសកម្មភាពចាប់រំលោភក្មេងស្រីរហូតបានសម្រេច បណ្ដាលឲ្យនាងតូចសន្លប់បាត់ស្មារតី ក្រោយមកទើបជនសង្ស័យដើរចេញពីបន្ទប់ រួចត្រឡប់ទៅផ្ទះរបស់ខ្លួនវិញ ធ្វើដូចជាមិនមែនរឿងអ្វីកើតឡើងឡើយ។ ចំណែកស្ត្រីជាម្តាយ ក្រោយពីត្រឡប់មកពីធ្វើការវិញ ក៏បានឃើញកូនស្រីរបស់គាត់មានសភាពឈឺចាប់ ក៏បានសួរនាំរហូតដឹងការពិត ហើយក៏នាំកូនស្រីទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសង្កាត់ដង្កោ ដើម្បីឲ្យជួយអន្តរាគមន៍។
ប្រភពដដែលបន្តទៀតថា រំលងបាន១ថ្ងៃ ទើបកម្លាំងនគរបាលប៉ុស្តិ៍ ចុះទៅឃាត់ខ្លួនជនសង្ស័យខាងលើដល់ផ្ទះ រួចនាំយកទៅធ្វើការសាកសួរនៅប៉ុស្តិ៍នគរបាលសង្កាត់ដង្កោ ដើម្បីកសាងសុំណុំរឿងបញ្ជូនទៅកាន់តុលាការចាត់ការតាមផ្លូវច្បាប់៕
ចែករំលែកព័តមាននេះ