រាជធានីភ្នំពេញ ៖បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា នៅទីស្តីការក្រសួងអប់រំ យុវជននិងកីឡាវេលាម៉ោង៤រសៀលថ្ងៃទី២៦ មេសា ២០១៦ មានរៀបចំពិធីប្រគល់ប្រាក់រង្វាន់ជូនដល់កីឡាការិនីជម្រើជាតិតៃក្វាន់ដូ កញ្ញា ស៊ន សៀវម៉ី ដែលទទួលបានមេដាយមាសនិងប្រាក់ពីការចួលរួមប្រកួតជម្រុះអូឡាំពិករដូវក្តៅនៅប្រេស៊ីលនិងជើងឯកអាស៊ីនៅប្រទេសហ្វីលីពីនកាលពីពេលថ្មីៗនេះ និងកីឡាការិនី ឈឿង ពុទ្ឋារីម ទទួលបានមេដាកសំរឹទ្ឋ និងគ្រូបង្វឹកជនជាតិកូរ៉េខាងត្បូង លោក ឆយ យ៉ុងសុកផងដែរ ។
សេចក្តីរាយការណ៍បានបន្តថា ពិធីប្រគល់ប្រាក់រង្វាន់នេះប្រព្រឹត្តតៅក្រោមអធិបតីលោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជននិងកីឡា និងថ្នាក់ដឹកនាំក្រសួងអប់រំ និងគណៈកម្មាធិការជាតិអូឡាំពិកកម្ពុជាជាច្រើនរូបទៀត ។
ប្រភពបន្តថា សម្រាប់ សៀវ ម៉ី ទទួលបានប្រាក់រង្វាន់សរុប៩៣លានរៀល (មេដាយមាស៨០លាននិងប្រាក់១៣លានរៀល ) កីឡាការិនី ឈឿង ពុទ្ឋារីម ទទួលបានប្រាក់រង្វាន់ ១១លានរៀល និងលោកគ្រូ ឆយ យ៉ុងសុក ទទួលបាន ១៣លានរៀល ៕
ចែករំលែកព័តមាននេះ