ភ្នំពេញ៖ រដ្ឋបាលរាជធានីភ្នំពេញ បានចេញលិខិត កែសម្រួលចំពោះការអនុញ្ញាតឲ្យរៀបចំពិធីអាពាហ៍ពិពាហ៍ ពិធីបុណ្យប្រពៃណី ពិធីសាសនា ការជួបជុំ និងកម្មវិធីផ្សេងៗ បែបសាសនា នៅរាជធានីភ្នំពេញ…
ភ្នំពេញ៖ រដ្ឋបាលរាជធានីភ្នំពេញ បានចេញលិខិត កែសម្រួលចំពោះការអនុញ្ញាតឲ្យរៀបចំពិធីអាពាហ៍ពិពាហ៍ ពិធីបុណ្យប្រពៃណី ពិធីសាសនា ការជួបជុំ និងកម្មវិធីផ្សេងៗ បែបសាសនា នៅរាជធានីភ្នំពេញ ដោយមិនកំណត់ចំនួនអ្នកចូលរួមឡើយ។ ក៏ប៉ុន្តែក្នុងលិខិត បានកំណត់ថា អាស្រ័យទៅតាមទីតាំងប្រារព្ធពិធី ដែលអាចធានាបានការរក្សាគម្លាតសុវត្ថិភាពសង្គម-បុគ្គល និងវិធានសុខាភិបាល ចាប់ពីថ្ងៃទី១២ ខែវិច្ឆិកា ឆ្នាំ២០២១ នេះតទៅ។
កាលពីមុន រដ្ឋបាលរាជធានីភ្នំពេញ កំណត់តាមការសម្រេចរបស់សម្តេចតេជោ នាយករដ្ឋមន្ត្រី ហ៊ុន សែន គឺការរៀបចំពិធីអាពាហ៍ពិពាហ៍ ពិធីបុណ្យប្រពៃណី ពិធីសាសនា ការជួបជុំ និងកម្មវិធីផ្សេងៗ បែបសាសនា ត្រូវមានអ្នកចូលរួម មិនឲ្យលើសពី ២០០នាក់ឡើយ ដោយមិនគិតបញ្ជូនអ្នកបម្រើសេវា ដូចជា ចុងភៅ អាចារ្យ អ្នកសំអាងការ ឬជាងថត អ្នកភ្លេង នោះទេ។ ប៉ុន្តែនៅល្ងាចថ្ងៃទី១២ ខែវិច្ឆិកានេះ សម្តេចតេជោ នាយករដ្ឋមន្ត្រី ហ៊ុន សែន បានសម្រេចជាថ្មីថា អ្នកចូលរួមពិធីអាពាហ៍ពិពាហ៍ ពិធីបុណ្យប្រពៃណី ពិធីសាសនា ការជួបជុំ និងកម្មវិធីផ្សេងៗ បែបសាសនា គឺអាចមានពី ៥០០នាក់ ឬ ៧០០នាក់ ឬក៏ ១០០០នាក់ ទៅតាមទំហំទីកន្លែងរៀបចំពិធី ដែលអាចធានាបាននូវការរក្សាគម្លាតសុវត្ថិភាពតាមវិធានសុខាភិបាល ដើម្បីការពារ និងទប់ស្កាត់ការឆ្លងរាលដាលជំងឺកូវីដ១៩៕
ចែករំលែកព័តមាននេះ