បើនិយាយអំពីបញ្ហាជីវិត មនុស្សម្នាក់ៗសុទ្ធតែបានកំណត់គោលដៅជីវិតរបស់ខ្លួនឯងរួចស្រេចទៅហើយ ដោយអ្នកខ្លះទៅថ្ងៃអនាគតចង់ធ្វើជាគ្រូបង្រៀន ខ្លះចង់ធ្វើជាអ្នកជំនួញ ឯអ្នកខ្លះទៀតចង់ធ្វើជាអ្នកខ្លាំងខាងច្បាប់ និងផ្សេងៗជាច្រើនតាមដែលខ្លួនយើងម្នាក់ៗជាអ្នកកំណត់ ។ តែការកំណត់គោលដៅរបស់គេទាំងអស់នោះ ខ្លះក៏បានសម្រេចតាមចិត្តប្រាថ្នា ខ្លះទៅក៏មិនបានដូចអ្វីដែលគិតទុកមកពីមុននោះឡើយ…
បើនិយាយអំពីបញ្ហាជីវិត មនុស្សម្នាក់ៗសុទ្ធតែបានកំណត់គោលដៅជីវិតរបស់ខ្លួនឯងរួចស្រេចទៅហើយ ដោយអ្នកខ្លះទៅថ្ងៃអនាគតចង់ធ្វើជាគ្រូបង្រៀន ខ្លះចង់ធ្វើជាអ្នកជំនួញ ឯអ្នកខ្លះទៀតចង់ធ្វើជាអ្នកខ្លាំងខាងច្បាប់ និងផ្សេងៗជាច្រើនតាមដែលខ្លួនយើងម្នាក់ៗជាអ្នកកំណត់ ។ តែការកំណត់គោលដៅរបស់គេទាំងអស់នោះ ខ្លះក៏បានសម្រេចតាមចិត្តប្រាថ្នា ខ្លះទៅក៏មិនបានដូចអ្វីដែលគិតទុកមកពីមុននោះឡើយ ។
បើតាមទ្រឹស្តីព្រះពុទ្ធសាសនា ការកំណត់គោលដៅរបស់ខ្លួនឲ្យបានជោគជ័យនោះគឺត្រូវមានការតាំងចិត្តអត់ធ្មត់ព្យាយាមយ៉ាងតឹងតែងព្រោះថាការងារអ្វីក៏ដោយបើមិនមានការអត់ធ្មត់និងការព្យាយាមទេនោះ នឹងមិនបានសម្រេចដូចការកំណត់ដូចដែលខ្លួនចង់បាននោះឡើយ ។
ឥទ្ធិបាទទាំងបួនជាធម៌នាំឱ្យបានសម្រេចទិសដៅរបស់ខ្លួនពិតប្រាកដគឺ ១. ឆន្ទៈ ស្រឡាញ់ពេញចិត្តនឹងកិច្ចការនោះៗ ២. វិរិយៈ ព្យាយាមធ្វើកិច្ចការនោះៗ ៣. ចិត្តៈ យកចិត្តទុកដាក់ចំពោះកិច្ចការនោះៗ និង៤. វិមំសា កិច្ចការនោះៗជាការងារដ៏ត្រឹមត្រូវ ជាការងារសុចរិត និងស្របទៅតាមតម្រូវការរបស់សង្គមផងដែរ ។
ទោះជាយ៉ាងណា ការចង់សម្រេចគោលដៅជីវិតរបស់យើង ពេលខ្លះវាមិនអាចបានដូចចិត្តដែលយើងប៉ងចង់បានឡើយ ដោយហេតុថាសេចក្ដីត្រូវការទាំងពួងទាំងឡាយនោះមិនមែនរត់មករកមនុស្សដែលមិនមានសកម្មភាពអ្វី ឬមិនមានសេចក្តីព្យាយាមនោះឡើយ វាទាល់តែមានការតស៊ូណាស់ទើបអាចសម្រេចគោលដៅជីវិតបាន ៕ សាន សារិន
ចែករំលែកព័តមាននេះ