ខេត្តព្រៃវែង ៖ យុវជនម្នាក់ត្រូវចាស់ទុំដែលជាឪពុកម្តាយទាំងសងខាង (កូនប្រុស និងកូនស្រី) បានយល់ព្រមគ្នាផ្តាច់ពាក្យមិនរៀបការវិញ ព្រោះតែត្រូវលោកហោគន់គូរជើងលេខមើលទៅឃើញថា ខែឆ្នាំមិនត្រូវគ្នា និងមិនអាចយកគ្នាជាប្តី-ប្រពន្ធបានទេ បើរៀបការ ទៅ គឺមិនមានសេចក្តីសុខទៅថ្ងៃក្រោយ ។
ខេត្តព្រៃវែង ៖ យុវជនម្នាក់ត្រូវចាស់ទុំដែលជាឪពុកម្តាយទាំងសងខាង (កូនប្រុស និងកូនស្រី) បានយល់ព្រមគ្នាផ្តាច់ពាក្យមិនរៀបការវិញ ព្រោះតែត្រូវលោកហោគន់គូរជើងលេខមើលទៅឃើញថា ខែឆ្នាំមិនត្រូវគ្នា និងមិនអាចយកគ្នាជាប្តី-ប្រពន្ធបានទេ បើរៀបការ ទៅ គឺមិនមានសេចក្តីសុខទៅថ្ងៃក្រោយ ។
គ្រាន់តែឮបែបនោះ យុវជនខាងលើ ក៏មានការតូចចិត្ត និងសោកស្តាយ ក៏សម្រេចចិត្តផឹកថ្នាំពុល (ថ្នាំបាញ់សត្វ) បញ្ចប់ជីវិត ដោយផឹកអស់មួយកូនដបតូច បណ្តាលឱ្យពុលប្រកាច់បែកពពុះមាត់ តែត្រូវក្រុមគ្រួសារដឹងទាន់ ដឹកមកកាន់មន្ទីរពេទ្យបង្អែកអ្នកលឿង ជួយសង្គ្រោះភ្លាមៗនៅវេលាម៉ោង១០និង១០នាទី ថ្ងៃទី៣០ មីនា ២០១៦ ។
ប្រភពឱ្យដឹថា ជនរងគ្រោះឈ្មោះវឿន ជា អាយុ២២ឆ្នាំ រស់នៅភូមិថ្មី ឃុំពាមរក៍ ស្រុកពាមរក៍ ។ ជនរងគ្រោះបានផឹកថ្នាំពុលថ្នាំបាញ់សម្លាប់សត្វល្អិតអស់មួយកូនដប នៅឯស្រែខាងក្រោយផ្ទះក្រោមដើមរាំង ដើម្បីធ្វើអត្តឃាត ។ ក្រោយពីផឹកថ្នាំពុលរួច ជនរងគ្រោះបានទូរស័ព្ទប្រាប់ប្អូនស្រីជាកម្មការិនីរោងចក្រនៅរាជធានីភ្នំពេញ ។
ដោយជនរងគ្រោះនិយាយថា ប្រាប់ឪម៉ែផង បងលាគាត់ហើយ ។ ពេលប្អូនឮដូច្នោះ ក៏សួរវិញថា លាទៅណា? ត្រូវបងឆ្លើយថា បងបានផឹកថ្នាំពុលសម្លាប់ខ្លួននៅស្រែប្រាំងក្រោយផ្ទះរបស់យើង ។ បន្ទាប់ពីប្អូនស្រីឮហើយ ក៏បានទូរស័ព្ទមកប្រាប់ឪពុកតាមដំណើររឿង ហើយត្រូវឪពុករកគ្នីគ្នា៤-៥នាក់ ទៅជួយកូនបញ្ជូនមកកាន់មន្ទីរពេទ្យបង្អែកអ្នកលឿង ។ ប្រភពបន្តថា ឪពុកបានព្យាយាមលួងចិត្តកូន ដោយទិញម៉ូតូថ្មីឱ្យជិះ ហើយនឹងរកនារីដែលល្អជាងនេះរៀបការឱ្យ ។
ចែករំលែកព័តមាននេះ