រាជធានីភ្នំពេញ ៖ អគ្គនាយកដ្ឋានពន្ធដារបានបើកកិច្ចគណៈកម្មាធិការសម្របសម្រួលរួមលើកទី២ នៃគម្រោងសម្រាប់ការភិវឌ្ឍន៍សមត្ថភាពរបស់អគ្គនាយកដ្ឋានពន្ធដារជំហានទី២ ដែលរៀបចំឡើងនៅសាលប្រជុំអគ្គនាយកដ្ឋានពន្ធដារ កាលពីព្រឹកថ្ងៃទី២៩ មីនា
រាជធានីភ្នំពេញ ៖ អគ្គនាយកដ្ឋានពន្ធដារបានបើកកិច្ចគណៈកម្មាធិការសម្របសម្រួលរួមលើកទី២ នៃគម្រោងសម្រាប់ការភិវឌ្ឍន៍សមត្ថភាពរបស់អគ្គនាយកដ្ឋានពន្ធដារជំហានទី២ ដែលរៀបចំឡើងនៅសាលប្រជុំអគ្គនាយកដ្ឋានពន្ធដារ កាលពីព្រឹកថ្ងៃទី២៩ មីនា ២០១៦ ដែលមានការចូលរួមពីលោកវ៉ាន់ ពុទ្ធិពល អគ្គនាយករងនៃអគ្គនាយកដ្ឋានពន្ធដារ, លោកហេង សុខ ណាង អគ្គនាយករងនៃអគ្គនាយកដ្ឋានពន្ធដារ តំណាងស្ថានទូតជប៉ុនប្រចាំនៅកម្ពុជា, តំណាងភ្នាក់ងារពន្ធដារជាតិជប៉ុន, តំណាងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុុន និងអ្នកជំនាញការជប៉ុន ។
នៅក្នុងកិច្ចនេះមានគោលបំណង៣សំខាន់ ១-ការពិភាក្សាលើកិច្ចព្រមព្រៀងកែសម្រួលតារាងគម្រោងម៉ាទ្រីស ដែលចង្អុលបង្ហាញលំអិតពីគោលដៅនិងការអនុវត្តគម្រោងជំហានទី២ ។ ២-ការបញ្ជាក់លើជំហាន និងមធ្យោបាយក្នុងការអនុវត្តគម្រោង និង៣-ការបញ្ជាក់ពីការរៀបចំក្រុមការងារស្នូល ដោយអគ្គនាយកដ្ឋានពន្ធដារ ដើម្បីគាំទ្រ និងជម្រុញការអនុវត្តផែនការសកម្មភាពនីមួយៗ ដែលបានដាក់ចេញ ។
ការកែសម្រួលលើតារាងគម្រោងម៉ាទ្រីស មិនត្រូវបានធ្វើឡើង ដើម្បីផ្លាស់ប្តូរគោលដៅជារួមនៃផែនការសកម្មភាពនោះទេ ប៉ុន្តែគឺក្នុងគោលបំណងបញ្ជាក់បន្ថែមឱ្យបានច្បាស់លាស់នូវផែនការសកម្មភាពក្នុងតារាងគម្រោងម៉ាទ្រីសនោះ និងដើម្បីឈានទៅអនុវត្តគម្រោងប្រកបដោយប្រសិទ្ធភាពខ្ពស់ឆ្លើយតបទៅនឹងតម្រូវការ និងស្ថានភាពជាក់ស្តែង ។
ចែករំលែកព័តមាននេះ