អាហ្វហ្គានីស្ថាន ៖ ទារិកាកម្សត់ម្នាក់ក្នុងប្រទេសអាហ្វហ្គានីស្ថាន ត្រូវបានគ្រួសាររបស់នាងល.ក់ឲ្យបុរសម្នាក់ ក្នុងតម្លៃ ៥០០ដុល្លារ ដោយសារពួកគេកំពុងដាច់ស្បៀងយ៉ាងខ្លាំង។ នេះបើតាមសេចក្តីរាយការណ៍របស់ BBC
ម្តាយទារិកានោះបាននិយាយថា «កូនៗរបស់ខ្ញុំផ្សេងទៀតបានស្លា.ប់ដោយសារគ្រោះអត់ឃ្លាន ដូច្នេះពួកយើងត្រូវល.ក់កូនស្រី។ ខ្ញុំមិនចង់លក់កូនស្រីខ្ញុំទេ» ។
ឪពុករបស់នាងតូចនោះ ធ្លាប់រើសសម្រាប់ដើម្បីជីវភាពគ្រួសារ ប៉ុន្តែឥឡូវនេះ គាត់គ្មានរកបានអ្វីឡើយ។ គាត់និយាយថា «យើងកំពុងអត់ឃ្លាន។ ឥឡូវនេះ យើងគ្មានម្សៅ គ្មានប្រេងនៅផ្ទះទេ យើងគ្មានអ្វីទាំងអស់»។
នៅពេលសួរពីជោគវាសនារបស់កូនស្រី លោកបានឆ្លើយថា «កូនស្រីខ្ញុំមិនដឹងថាអនាគតនឹងទៅជាយ៉ាងណាទេ។ ខ្ញុំមិនដឹងថានាងមានអារម្មណ៍បែបណាទេ ប៉ុន្តែខ្ញុំត្រូវតែធ្វើវា»។
អ្នកកាសែតម្នាក់របស់ BBC ឈ្មោះ Yogita Limaye ដែលបានធ្វើដំណើរទៅកាន់មន្ទីរពេទ្យ Médecins Sans Frontières ក្នុងទីក្រុង Herat បានរាយការណ៍ថា «នៅពេលទារិកានោះចេះដើរ នាងនឹងត្រូវបុរសម្នាក់ដែលទិញនាងយកនាងទៅ»។
លោកនិយាយថា «បុរសនោះបានបង់ប្រាក់ជាងពាក់កណ្តាលនៃតម្លៃ ៥០០ដុល្លារដែលគាត់ទិញនាង។ ប្រាក់បង់មុននោះនឹងជួយឲ្យគ្រួសារនាងរស់នៅបានពីរបីខែដែរ។ បុរសដែលទិញនាងនិយាយថា ទារិកានោះនឹងរៀបការជាមួយកូនរបស់គាត់»។
សូមរម្លឹកថា កាលពីពេលថ្មីៗនេះ កម្មវិធីស្បៀងអាហារពិភពលោករបស់អង្គការសហប្រជាជាតិបានធ្វើការព្រមានថា ប្រជាជនអាហ្វហ្គានីស្ថានរាប់លាននាក់នឹងប្រឈមមុខនឹងការអត់ឃ្លានអាហារនៅរដូវរងារនេះ ប្រសិនជាមិនមានការចាត់វិធានការជាបន្ទាន់។
ប្រជាជនអាហ្វហ្គានីស្ថានប្រហែល ២២,៨លាននាក់ ដែលស្មើជាងពាក់កណ្តាលប្រទេសប្រឈមនឹងបញ្ហាសន្តិសុខស្បៀង ខណៈដែលកុមារចំនួន ៣,២លាននាក់ដែលមានអាយុក្រោម ៥ឆ្នាំអាចនឹងជួបបញ្ហាកង្វះអាហាររូបត្ថម្ភធ្ងន់ធ្ងរ។
អាហ្វហ្គានីស្ថានបានធ្លាក់ចូលក្រោមការគ្រប់គ្រងរបស់ពួកតាលីបង់ ក្រោយពេលអាមេរិកបានដកទ័ពទាំងស្រុងចេញពីប្រទេសនេះ។
ការក្តោបក្តាបអំណាចរបស់ពួកតាលីបង់បានធ្វើឲ្យសេដ្ឋកិច្ចរបស់អាហ្វហ្គានីស្ថានផុយស្រួយរួចទៅហើយ ដែលប្រទេសនេះពឹងផ្អែកខ្លាំងលើជំនួយបរទេស។ ប្រទេសមហាអំណាចលោកខាងលិចបានផ្អាកជំនួយរបស់ពួកគេដល់អាហ្វហ្គានីស្ថាន ហើយធនាគារពិភពលោក ព្រមទាំងមូលនិធិរូបិយវត្ថុអន្តរជាតិក៏បានបញ្ឈប់ការទូទាត់ក្នុងប្រទេសនេះផងដែរ។
ប្រជាជនអាហ្វហ្គានីស្ថានជាច្រើនបានល.ក់អ្វីៗដែលពួកគេមានដើម្បីទិញអាហារ។ រដ្ឋាភិបាលថ្មីរបស់ពួកតាលីបង់ ត្រូវបានគេបិទមិនឲ្យប្រើប្រាស់ទ្រព្យសម្បត្តិនៅបរទេសឡើយ៕ (យោងតាមប្រភព៖ BBC)
ចែករំលែកព័តមាននេះ