រាជធានីភ្នំពេញ ៖ លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចបានអញ្ជើញជាតំណាងដ៏ខ្ពង់ខ្ពស់សម្តេចមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីបិទសូត្រ
រាជធានីភ្នំពេញ ៖ លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចបានអញ្ជើញជាតំណាងដ៏ខ្ពង់ខ្ពស់សម្តេចមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីបិទសូត្រគម្ពីរអាល់គួរ៉ាអនុលការីមទូទាំងប្រទេសលើកទី២៦ ឆ្នាំ២០១៦ ដែលរៀបចំនៅម៉ាស្ជិទធំឥស្លាមអាល់សៀរកាល ស្ថិតក្នុងសង្កាត់ស្រះចក ខណ្ឌដូនពេញ កាលពីរសៀលថ្ងៃទី២៧ មីនា ២០១៦ ។
ក្នុងឱកាសនោះ លោកជំទាវបានមានប្រសាសន៍ថា ជ័យលាភី ករី ករីអះ ដែលបានជាប់ជម្រើសទៅចូលរួមសូត្រនៅលើឆាកអន្តរជាតិ សូមចងចាំក្នុងចិត្តជានិច្ចថា ប្អូនៗជាតំណាងឱ្យព្រះរាជាណាចក្រកម្ពុជា ជាមុខមាត់របស់ប្រទេសជាតិ ដូច្នេះ សូមរក្សាឲ្យបាននូវសេចក្តីថ្លែថ្នូររបស់ប្រទេសជាតិ ធ្វើទំនាក់ទំនងល្អជាមួយប្រទេសជាម្ចាស់ផ្ទះ និងករី ករីអះ របស់ប្រទេសនានា ដែលបានចូលរួមដើម្បីបាននាំឧត្តមប្រយោជន៍ជូនសង្គមជាតិ។
ជារៀងរាល់ឆ្នាំ រាជរដ្ឋាភិបាលដែលមានក្រសួងធម្មការ និងសាសនាជាសេនាធិការបានសហការ និងគាំទ្រចំពោះការជួបជុំគ្នារបស់បងប្អូនសាសនិកអ៊ិស្លាម ដើម្បីប្រារព្ធពិធីប្រពៃណីផ្សេងៗ ។ នេះពិតជាបង្ហាញអំពីការយកចិត្តទុកដាក់របស់រាជរដ្ឋាភិបាល ចំពោះសាសនិកអ៊ិស្លាមកម្ពុជា ស្របតាមគោលនយោបាយបង្រួបបង្រួមជាតិ ដែលមានសកម្មភាពយ៉ាងផុលផុស និងសស្រាក់សស្រាំ ។ ជាមួយនេះដែរ អានុសាសន៍របស់សម្តេចតេជោតែងតែបានលើកឡើងអំពីប្រទេសកម្ពុជាមានមោទភាពយ៉ាងខ្លាំង ដោយហេតុថាប្រទេសកម្ពុជា មិនដែលមានជម្លោះជាតិសាសន៍ និងមានសុខដុមនីយកម្មផ្នែកសាសនា ។
ចែករំលែកព័តមាននេះ