ខេត្តបាត់ដំបង ៖ ជុំវិញសំណុំរឿងចោរចូលលួចទូរស័ព្ទនៅក្នុងហាងពិភពអេឡិកត្រូនិក យកទូរស័ព្ទអស់ជិត២០០គ្រឿង កាលពីកន្លះខែមុននោះ នៅវេលាព្រឹកថ្ងៃទី២៨ មីនា ២០១៦ ត្រូវកម្លាំងសមត្ថកិច្ច ដឹកនាំដោយលោកឧត្តមសេនីយត្រី ជេត វណ្ណនី ស្នងការរង
ខេត្តបាត់ដំបង ៖ ជុំវិញសំណុំរឿងចោរចូលលួចទូរស័ព្ទនៅក្នុងហាង «ពិភពអេឡិកត្រូនិក» យកទូរស័ព្ទអស់ជិត២០០គ្រឿង កាលពីកន្លះខែមុននោះ នៅវេលាព្រឹកថ្ងៃទី២៨ មីនា ២០១៦ ត្រូវកម្លាំងសមត្ថកិច្ច ដឹកនាំដោយលោកឧត្តមសេនីយត្រី ជេត វណ្ណនី ស្នងការរងខេត្ត និងលោមហេង លុយ ព្រះរាជអាជ្ញារងអមសាលាដំបូងខេត្ត បានចុះធ្វើការឆែកឆេរលំនៅឋានឈ្មោះទី គឹមហេង ភេទប្រុសអាយុ៤៣ឆ្នាំ ជាម្ចាស់ផ្ទះជួលឱ្យហាងលក់ទូរស័ព្ទ «ពិភពអេឡិកត្រូនិក» ដែលមានទីតាំងស្ថិតនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ។ ចោរគាស់ហាងចូលលួចទូរស័ព្ទប្រមូលយកអស់អាទំនើបៗ
បើតាមសមត្ថកិច្ចឱ្យដឹងថា មូលហេតុដែលឈានដល់ការឆែកឆេរផ្ទះឈ្មោះទី គឹមហេង ដោយសារតែផ្ទះរបស់លោក នៅជាន់ខាងលើ មានជាប់ពាក់ព័ន្ធនឹងការទម្លុះទម្លាយរនាំងដែកបិតជណ្ដើរជាន់ទី២ចុះមកក្រោមជាន់ផ្ទាល់ដី ដើម្បីចូលលួចយកទូរស័ព្ទពីក្នុងហាងពិភពអេឡិកត្រូនិក ដែលមានម្ចាស់ឈ្មោះឈីម សាប៊ុន ជំនួយការលោកអភិបាលខេត្ត ប៉ុន្តែការឆែកឆេរនេះ សមត្ថកិច្ចរកមិនឃើញវត្ថុតាងដែលគួរឱ្យសង្ស័យនោះទេ ។
គួរបញ្ជាក់ថា លោកទី គឹមហេង បានជួលផ្ទះ២ល្វែងជាន់ទី១ និងជាន់ផ្ទាល់ដី ឱ្យទៅលោកឈីម សាប៊ុន បើកហាងលក់ទូរស័ព្ទ ។ រីឯជាន់ខាងលើ មិនមានមនុស្សស្នាក់នៅទេ ។ ដោយម្ចាស់ផ្ទះបានផ្សារនាំងដែកបិទគ្របជណ្ដើរត្រឹមជាន់ទី២ មិនអាចចុះក្រោម ឬឡើងលើបានឡើយ តែលោកទី គឹមហេង ដែលជាម្ចាស់ផ្ទះ តែងជួលមនុស្សឱ្យទៅបោសជូតផ្ទះជាន់ខាងលើជាប្រចាំ ។
ប៉ុន្តែនៅពេលមានចោរចូលលួចទូរស័ព្ទ ក្នុងហាង«ពិភពអេឡិកត្រូនិក» នៅជាន់ខាងក្រោម គឺសមត្ថកិច្ចបានរកឃើញមានការអារទម្លុះទម្លាយរនាំងដែកបិទជណ្ដើរជាន់ទី២ ហើយសមត្ថកិច្ចបានដាក់ការសង្ស័យថា ជនសង្ស័យអាចចុះតាមរនាំងដែក ដែលមានស្នាមកាត់នោះចុះមកក្រោម ហើយចូលលួចយកទូរស័ព្ទក្នុងហាងតែម្ដង ។
ដូច្នេះហើយ ទើបសមត្ថកិច្ច និងលោកព្រះរាជអាជ្ញា សម្រេចធ្វើការឆែកឆេរផ្ទះលោកទី គឹមហេង នៅជាន់ខាងលើ ដើម្បីឱ្យអស់មន្ទិលសង្ស័យ តែចំណាត់ការបន្តបែបណានោះ គេនៅមិនទាន់ដឹងនៅឡើយទេ។
ចែករំលែកព័តមាននេះ