មេព្រៃបង្ក្រាបរថយន្ដដឹកឈើរាប់សិបមែត្រគូប ក្រាលដំឡូងពីលើ
ខេត្តក្រចេះ ៖ មន្ត្រីជំនាញសម្រេចធ្វើការរើបាវដំឡូងមីដើម្បីវាស់វែងរកចំនួនឈើខុសច្បាប់ ដែលឈ្មួញដឹកបង្កប់ក្រោមបាវដំឡូង នៅលើរថយន្តយីឌុបធុនយក្សមួយគ្រឿង
ខេត្តក្រចេះ ៖ មន្ត្រីជំនាញសម្រេចធ្វើការរើបាវដំឡូងមីដើម្បីវាស់វែងរកចំនួនឈើខុសច្បាប់ ដែលឈ្មួញដឹកបង្កប់ក្រោមបាវដំឡូង នៅលើរថយន្តយីឌុបធុនយក្សមួយគ្រឿង
ខេត្តក្រចេះ ៖ មន្ត្រីជំនាញសម្រេចធ្វើការរើបាវដំឡូងមីដើម្បីវាស់វែងរកចំនួនឈើខុសច្បាប់ ដែលឈ្មួញដឹកបង្កប់ក្រោមបាវដំឡូង នៅលើរថយន្តយីឌុបធុនយក្សមួយគ្រឿង ក្រោយពីក្រុមសមត្ថកិច្ចបានចាប់មករក្សាទុកបានរយៈពេលមួយថ្ងៃរួចមក។ នេះបើតាមការបញ្ជាក់ពីនាយផ្នែករដ្ឋបាលព្រៃឈើក្រចេះ លោក ប៊ួយ រតនា បានឲ្យដឹងនៅថ្ងៃទី២៥ មីនានេះ។ ក្រុមមន្ត្រីបានឲ្យដឹងទៀតថា រថយន្តដឹកឈើយីឌុបមួយគ្រឿង ដែលមានលួចដឹកឈើ ចំនួនមិនក្រោមពី៤០មែត្រគូប ដឹកបង្កប់ក្រោមបាវដំឡូង ក្រោមរូបភាពបន្លំភ្នែក ដំឡូងពី លើឈើពីក្រោម ត្រូវបានកម្លាំងមេព្រៃខេត្តក្រចេះ បង្ក្រាបបាននៅរសៀលថ្ងៃទី២៤ មីនា ខណៈដែលកំពុងតែបើកបរលើផ្លូវជាតិលេខ៧ ក្នុងស្រុកចិត្របុរី។
មិនមានសេចក្តីរាយការណ៍ឲ្យច្បាស់ណាមួយថា រថយន្តមួយគ្រឿងនេះបានដឹកឈើ បង្កប់ក្រោមបាវដំឡូងមានប្រភពចេញពីណានោះទេ។ តែបើតាមសេចក្តីរាយការណ៍មួយ ចំនួនឲ្យដឹងថា មានរថយន្តយីឌុបប្រភេទនេះ ប្រើប្រាស់រូបភាពបន្លំភ្នែកតែមួយមានចំនួនបីគ្រឿង បានលួចដឹកឈើចេញពីខេត្តរតនៈគីរី នាំចុះទៅលក់នៅស្រុកអូររាំងឱ ខេត្តត្បូងឃ្មុំ ។ ហើយរថយន្តទាំងនោះ គឺគេដឹងថាជាកម្មកសិទ្ធិរបស់ថៅកែតែមួយដែលគេស្គាល់ថាឈ្មោះ ទ្រី រស់នៅក្នុងស្រុកអូររាំងឱ ខេត្តត្បូងឃ្មុំ។ យ៉ាងណាកក៏ដោយក្នុងការចាប់ឃាត់រថយន្តដឹកឈើធុនយក្សរបស់មេព្រៃក្រចេះ គឺសមត្ថកិច្ចពុំបានចាប់ឃាត់ខ្លួនជនណាមួយនោះទេ។ បើទោះបីជាគេដឹងថា នៅក្នុងសកម្មភាពនៃការចាប់ គេក៏បានឃើញម្ចាស់រថយន្ត និងជាម្ចាស់ឈើឈ្មោះទ្រី គឺមានវត្តមាននៅកន្លែងរចាប់ថយន្តដឹកឈើមួយគ្រឿងនេះយ៉ាងណាក៏ក្តី។ មេព្រៃផ្នែករដ្ឋបាលព្រៃឈើក្រចេះ បានបញ្ជាក់ថា មន្ត្រីជំនាញ និងធ្វើការរើទម្លាក់ឈើទាំងនោះ ដើម្បីធ្វើការវាស់វែងតាមនីតិវិធីច្បាប់ស្តីពីព្រៃឈើ។
ដោយមានការកត់សម្គាល់ឃើញថា ក្នុងអំឡុរយៈពេលប៉ុន្មានខែចុងក្រោយនេះ ក្រោយពីស្ថានភាពការយុទ្ធនាការចុះបង្ក្រាបបទល្មើសព្រៃឈើ របស់គណៈកម្មាការថ្នាក់ជាតិទៅលើទីតាំងក្រុមហ៊ុនវិនិយោគព្រៃសម្បទាន និងមានវិធានការក្តៅទៅលើក្រុមហ៊ុនកាប់អារ ឈើខុសច្បាប់ និងស្របច្បាប់ក្នុងរូបភាពកន្ទេលធំបន្លំដេកបានធ្វើឲ្យការដឹកជញ្ជូនឈើ របស់រថយន្តក្រុមហ៊ុនដែលអះអាងថាមានច្បាប់ដឹកជញ្ជូនត្រឹមត្រូវនោះ ត្រូវបានស្ងប់ស្ងាត់។ ស្របពេលដែលការដឹកឈើរបស់ក្រុមហ៊ុនត្រូវបានស្ងប់ស្ងាត់ ការឆក់កណ្តៀត ឆ្លៀតឱកាសរបស់ឈ្មួញ បានកើតមានឡើងដោយធ្វើឡើងទៅតាមគ្រប់រូបភាព ដើម្បី លួចដឹកជញ្ជូនឈើខុសច្បាប់សម្រាប់យកមកផ្គត់ផ្គង់ទីផ្សារផ្នែកខាងក្រោម៕
ចែករំលែកព័តមាននេះ