រាជធានីភ្នំពេញ ៖ សេចក្តីរាយការណ៍ឱ្យដឹងថា សំណង់បេតុងមួយកន្លែងត្រូវគេដឹងថា ជារបស់លោកជា ស៊ុនហាក់ ស្ថិតក្នុងភូមិទី២ សង្កាត់ជ្រោយចង្វា ខណ្ឌជ្រោយចង្វា ដែលបានសាងសង់រំលោភច្រាំងទន្លេ និងដីស្ថានីយបូកទឹក ហើយនៅព្រឹកថ្ងៃទី២៥ មីនា
រាជធានីភ្នំពេញ ៖ សេចក្តីរាយការណ៍ឱ្យដឹងថា សំណង់បេតុងមួយកន្លែងត្រូវគេដឹងថា ជារបស់លោកជា ស៊ុនហាក់ ស្ថិតក្នុងភូមិទី២ សង្កាត់ជ្រោយចង្វា ខណ្ឌជ្រោយចង្វា ដែលបានសាងសង់រំលោភច្រាំងទន្លេ និងដីស្ថានីយបូកទឹក ហើយនៅព្រឹកថ្ងៃទី២៥ មីនា ២០១៦ នេះ សាលារាជធានីភ្នំពេញ ក៏សម្រេចរុះរើដោយប្រើគ្រឿងចក្រឈូសឆាយចោល បន្ទាប់ពីមានពាក្យបណ្តឹងពីរបស់រដ្ឋាករស្វយ័ត ។
ការចុះរុះរើនេះ ធ្វើតាមរបៀបវិធានការរដ្ឋបាលរបស់អាជ្ញាធរតាមពាក្យបណ្តឹង ដែលគណៈកម្មការចម្រុះ ដឹកនាំដោយព្រះរាជអាជ្ញារងអមសាលាដំបូងលោក អ៊ឹង ប៊ុនថន ។ គួរបញ្ជាក់ថា សំណង់មួយកន្លែងនេះ កន្លងមកត្រូវបានខាងរដ្ឋករធ្លាប់ធ្វើការហាមឃាត់ជាច្រើនលើកហើយ ព្រោះវាធ្វើឱ្យប៉ះពាល់ខ្លាំងដល់ស្ថានីយបូមទឹក និងបំពង់បង្ហូរទឹកចូលទៅក្នុងទន្លេ តែខាងសំណង់នេះ នៅតែបន្តសាងសង់ទៀត ។
ទន្ទឹមនេះដែរ គេឃើញលោកជា ស៊ុនហាក់ បានព្យាយាមសម្របសម្រួលជាមួយខាងអាជ្ញាធរ ដោយដំបូងសុខចិត្តវាយកម្ទេចដោយខ្លួនឯង ។ ប៉ុន្តែបន្ទាប់ពីខាងអាជ្ញាធរត្រួតពិនិត្យ និងវាស់វែងមក ក៏សម្រេចយកគ្រឿងចក្រមកវាយកម្ទេចវិញ បន្ទាប់ទទួលបញ្ជាពីសាលារាជធានីភ្នំពេញ ។
ចែករំលែកព័តមាននេះ