រាជធានីភ្នំពេញ ៖ បុរសម្នាក់ដើរឆ្លងផ្លូវមកពីទិញភេសជ្ជៈហូប ត្រូវរថយន្តបើកបុករងរបួសធ្ងន់ ពេលបញ្ជូនដល់មន្ទីរពេទ្យមិត្តភាពខ្មែរ-សូវៀតបានស្លា.ប់ ចំណែករថយន្តបង្កបើករត់បាត់ស្រមោល
រាជធានីភ្នំពេញ ៖ បុរសម្នាក់ដើរឆ្លងផ្លូវមកពីទិញភេសជ្ជៈហូប ត្រូវរថយន្តបើកបុករងរបួសធ្ងន់ ពេលបញ្ជូនដល់មន្ទីរពេទ្យមិត្តភាពខ្មែរ-សូវៀតបានស្លាប់ ចំណែករថយន្តបង្កបើករត់បាត់ស្រមោល កាលពីវេលាម៉ោង៦និង៥០នាទីយប់ថ្ងៃទី២៤ ខែមីនា ត្រង់ចំណុចមុខផ្ទះលេខ០៦៥ ផ្លូវ២១៧ ភូមិឫស្សី សង្កាត់ស្ទឹងមានជ័យ ខណ្ឌមានជ័យ ។
ជនរងគ្រោះមិនត្រូវបានគេស្គាល់ឈ្មោះនោះទេ មានអាយុជាង៣០ឆ្នាំ ជាកម្មករសំណង់ ។ ចំណែករថយន្តបង្កមិនចាំម៉ាក ។
សាក្សីនៅកន្លែងកើតហេតុបានឱ្យដឹងថា មុនពេលកើតហេតុ គេឃើញជនរងគ្រោះដើរឆ្លងផ្លូវទៅទិញភេសជ្ជៈហូបរួចដើរឆ្លងផ្លូវត្រឡប់មកវិញ ត្រូវរថយន្តមួយគ្រឿងបើកពីត្បូងទៅជើង ក្នុងល្បឿនលឿនបុកពេញទំហឹងតែម្តង រួចរថយន្តបង្កបានបន្ថែមល្បឿនបើករត់គេចបាត់ស្រមោល ។
ក្រោយកើតហេតុ សមត្ថកិច្ចមូលដ្ឋានមកដល់ក៏ទាក់ទងហៅរថយន្តរថយន្តសង្គ្រោះដឹកទៅព្យាបាល ប៉ុន្តែមុននឹងរថយន្តទៅដល់ជនរងគ្រោះស្រែកទឹកខ្លាំងពេកប្រជាពលរដ្ឋយកទឹកឲ្យហូប លុះមកដល់មន្ទីរពេទ្យមិត្តភាពខ្មែរ-សូវៀត បានប្រមាណ១ម៉ោង ក៏បានដាច់ខ្យល់ស្លាប់ ។
សពបានយកទៅតម្កល់ទុកនៅសាលសពមន្ទីរពេទ្យមិត្តភាពខ្មែរ-សូវៀត រង់ចាំសាច់ញាតិមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ