ក្រុងឡុងដ៍ ចក្រភពអង់គ្លេស(ថ្ងៃអង្គារ ទី៨ ខែមីនា ឆ្នាំ២០១៦)៖ Penfolds ត្រូវបានគេទទួលស្គាល់ថាជា «ម៉ាកស្រាទំពាំងបាយជូរល្អជាងគេលើសាកលលោក» ដោយទស្សនាវដ្តី Drinks International
ក្រុងឡុងដ៍ ចក្រភពអង់គ្លេស(ថ្ងៃអង្គារ ទី៨ ខែមីនា ឆ្នាំ២០១៦)៖ Penfolds ត្រូវបានគេទទួលស្គាល់ថាជា «ម៉ាកស្រាទំពាំងបាយជូរល្អជាងគេលើសាកលលោក» ដោយទស្សនាវដ្តី Drinks International ក្នុងព្រឹត្តិការណ៍ជ្រើសរើសភេសជ្ជៈប្រចាំឆ្នាំបន្ទាប់ពីភាពជោគជ័យដោយទទួលបានពានរង្វាន់កិត្តិយស ។ នៅក្នុងព្រឹត្តិការណ៍នោះ មានអ្នកជំនាញអន្ដរជាតិក្នុងវិស័យនេះប្រមាណ២០០នាក់ រួមទាំងអ្នកទិញ អ្នកបម្រើស្រា អ្នកនិពន្ធស្រា អ្នកឯកទេសផ្នែកស្រា ក្រុមអ្នកជំនាញនិងអ្នកវិភាគ បានចូលរួមក្នុងព្រឹត្តិការណ៍នេះដែលបានប្រមូលម៉ាកស្រាពីតំបន់ផ្សេងៗលើពិភពលោកទាំងអស់លើរចនាបថ និងការប្រៀបធៀបគុណភាព ។
Peter Gago នាយកផ្នែកផលិតរបស់Penfoldsបានបញ្ជាក់ថា៖«គ្រប់ប្រភេទស្រានៅPenfoldsត្រូវបានទទួលស្គាល់ជាសាកលលើគ្រប់ផ្នែកចាប់តាំងពីអ្នកថែ ទំពាំងបាយជូររហូតដល់ក្រុមផ្នែកលក់ និងទីផ្សារដ៏មានទេពកោសល្យនៅជុំវិញពិភពលោក ដែលពួកគេប្រៀបបានទ័ពជួរមុខដ៏មុតស្រួចសម្រាប់ការលក់ចេញស្រាទំពាំងបាយជូរ-ស ក្រហម និងប្រភេទស្រាផ្សេងៗ ។ បន្ទាប់ពីរយៈពេល១៧២ឆ្នាំក្នុងអាជីវកម្មស្រានេះ យើងនៅតែមានមហិច្ឆតាខ្ពស់ជាមួយក្តីរំភើបនិងនៅតែចង់អភិវឌ្ឍធ្វើឱ្យល្អប្រសើរជាងមុន និងក្លាយជាជើងឯកផ្នែកស្រានៅជំនាន់ក្រោយៗទៀត» ។
ការទទួលស្គាល់របស់ Drinks Internationalបាននាំក៏ដូចជាវិវត្តមុខមាត់របស់ Penfoldsឱ្យល្បីរន្ទឺជាសាកលបន្ថែមទៀតជាមួយពានរង្វាន់«ក្រុមហ៊ុនផលិតស្រាល្អជាងគេប្រចាំឆ្នាំ» ដែលPenfoldsបានឈ្នះជាប់ៗគ្នាហើយឆ្នាំនេះជាឆ្នាំលើកទី២៥ ដោយធ្វើការប្រគល់ដោយទស្សនាវដ្តី Wine & Spirits នៅចុងឆ្នាំ២០១៥នេះ-លើកដំបូងរបស់ពិភពលោក។ កាលពីឆ្នាំមុន Penfoldsទទួលពានរង្វាន់កិត្ដិយសឆ្នើមសម្រាប់១៩៧១Grangeដែលត្រូវបានដាក់នាមជាស្រាល្អបំផុតរបស់ពិភពលោកចាប់ពីឆ្នាំ១៩៧០ដោយទស្សនាវដ្តី FINE ។ ការទទួលស្គាល់បន្តទៀតក្នុងឆ្នាំ២០១៥ជាមួយនឹងពានរង្វាន់ការប្រកួតស្រាអន្តរជាតិ (International Wine Challenge) ប្រចាំឆ្នាំ International White Winemaker ។
ក្រុមគណៈកម្មការចូលរួមក្នុងព្រឹត្តិការណ៍DrinksInternational ត្រូវបានស្នើឲ្យបោះឆ្នោតនៅលើម៉ាកស្រាដែលគេសរសើរច្រើនជាងគេបំផុតដោយផ្អែកលើលក្ខណៈវិនិច្ឆ័យដូចខាងក្រោមនេះ ៖
•គុណភាពស្រាមិនប្រែប្រួល ឬការអភិវឌ្ឍឱ្យកាន់តែប្រសើរ
•ឆ្លុះបញ្ចាំងពីប្រភពដើមនៃតំបន់ឬប្រទេសរបស់ខ្លួន
•ឆ្លើយតបទៅនឹងតម្រូវការនិងចំណង់ចំណូលចិត្តរបស់អតិថិជនគោលដៅ
•មានចរាចរលើទីផ្សារបានយ៉ាងល្អរួមជាមួយការវេចខ្ចប់
•បង្ហាញជាលក្ខណៈទ្រង់ទ្រាយធំទៅកាន់ប្រជាសាស្ត្រ៕
ចែករំលែកព័តមាននេះ