អូស្ត្រាលីបើកក្រុង Melbourne ឡើងវិញហើយ ក្រោយបិទអស់ជាង២០០ថ្ងៃ
អូស្ត្រាលី ៖ ប្រទេសអូស្ត្រាលីបានប្រកាសបើកក្រុង Melbourne ឡើងវិញ បន្ទាប់ពីធ្វើការបិទខ្ទប់អស់រយៈពេល២៦០ថ្ងៃ ដើម្បីទប់
អូស្ត្រាលី ៖ ប្រទេសអូស្ត្រាលីបានប្រកាសបើកក្រុង Melbourne ឡើងវិញ បន្ទាប់ពីធ្វើការបិទខ្ទប់អស់រយៈពេល២៦០ថ្ងៃ ដើម្បីទប់
អូស្ត្រាលី ៖ ប្រទេសអូស្ត្រាលីបានប្រកាសបើកក្រុង Melbourne ឡើងវិញ បន្ទាប់ពីធ្វើការបិទខ្ទប់អស់រយៈពេល២៦០ថ្ងៃ ដើម្បីទប់ស្កាត់ការរាតត្បាតរបស់វីរុសកូវីដ ១៩។
មនុស្សជាង៥លាននាក់បានធ្វើការអបអរចំពោះសេរីភាពថ្មីរបស់ពួកគេ ដូចជាការទៅលេងហាងកាហ្វេ ធ្វើពិធិជប់លៀងនៅក្នុងបារ និងអបអរតាមដងផ្លូវ។
អាជ្ញាធរនិយាយថា ការបើកក្រុង Melbourne ឡើងវិញដោយសារតែប្រជាជនចំនួន៧០ភាគរយ អាយុលើស១៦ឆ្នាំឡើងទទួលបានការចាក់វ៉ាក់សាំងពេញលេញ។
សូមបញ្ជាក់ថា Melbourne ដែលជាក្រុងធំបំផុតទី ២របស់អូស្ត្រាលីបានឆ្លងកាត់ការបិទខ្ទប់ដ៏តឹងរឹងចំនួន ៦លើកមានរយៈពេលជាង ២៦០ថ្ងៃ។ ទោះបីការបិទខ្ទប់ទទួលបានការរិះគន់ក្តី វិធានការរបស់អូស្ត្រាលីត្រូវបានគេទទួលស្គាល់ថាបានជួយសង្គ្រោះជីវិតមនុស្សជាច្រើន។
កាលពីពេលថ្មីៗនេះ អូស្ត្រាលីបានប្រកាសថាទីក្រុង Sydney នឹងបើកទទួលយកអ្នកទេសចរអន្តរជាតិដែលចាក់វ៉ាក់សាំងរួចឡើងវិញ ដោយមិនចាំបាច់ត្រូវធ្វើចត្តាឡីស័កទៀតឡើយ។ វិធានការបើកទទួលយកអ្នកដំណើរអន្តរជាតិនោះនឹងត្រូវអនុវត្តន៍ចាប់ពីថ្ងៃទី១ ខែវិច្ឆិកាខាងមុខនេះ។
អូស្ត្រាលីមានអ្នកឆ្លងវីរុសកូវីដ-១៩ សរុបជាង១៣០.០០០នាក់ និងស្លា.ប់ ១.៥៩០នាក់៕ (យោងតាមប្រភព៖ BBC)
ចែករំលែកព័តមាននេះ