ADផ្ទាំងផ្សព្វផ្សាយពាណិជ្ជកម្ម

Picture

រឿង​បំណុល​! នឹក​ដល់ខាត់ សុ​ឃី​ម ធ្លាប់​ផុងខ្លួន​អស់​លុយ​ក្បែរ​លាន​ដុល្លារនៅ​រឹង​មាំ​តស៊ូ​យកឈ្នះ

2 ឆ្នាំ មុន
  • ភ្នំពេញ

មហាជន​មួយ​ចំនួន​បាន​សរសើរ​ដល់ ខាត់ សុ​ឃី​ម​ជា ស្ត្រី​ប្រកបដោយ​ភាពរឹងមាំ​យ៉ាង​ខ្លាំង​ដែល​ប្រឈម​នឹង​ឧបសគ្គ រហូត​អាច​ដោះស្រាយ​ពី​មួយ​ជំហាន​ទៅ​មួយ​ជំហាន ដោយ​ប្រាជ្ញា​របស់​ខ្លួន​។ ខ្ញុង ជា​សិល្បៈ​រលក​ក្រោយ ដែល​

រាជធានី​ភ្នំពេញ ៖ មហាជន​មួយ​ចំនួន​បាន​សរសើរ​ដល់ ខាត់ សុ​ឃី​ម​ជា ស្ត្រី​ប្រកបដោយ​ភាពរឹងមាំ​យ៉ាង​ខ្លាំង​ដែល​ប្រឈម​នឹង​ឧបសគ្គ រហូត​អាច​ដោះស្រាយ​ពី​មួយ​ជំហាន​ទៅ​មួយ​ជំហាន ដោយ​ប្រាជ្ញា​របស់​ខ្លួន​។ ខ្ញុង ជា​សិល្បៈ​រលក​ក្រោយ ដែល​ផុង​ដោយ​បំណុល​រាប់​ម៉ឺន​ដុល្លារ ហើយ​ចុះចាញ់​មិន​មាន​សង្ឃឹម បាន​មក​ថា រក​វិធី​ណា​បង្វិល​អោយ​គេ​។ ខ្ញុង ចាញ់​តួលេខ​ប្រាក់​ខាតបង់ ដែល​ខាត់ សុ​ឃី​ម ជូរ​ចត់​ជាមួយ​ថៅកែ​ដី​ម្នាក់ សហការ​គ្នា​រកស៊ី​នៅ​ខេត្តសៀមរាប​។

អ​ម្រែ​ក​ដ៏​ធ្ងន់​នេះ ធ្វើ​អោយ ខាត់ សុ​ឃី​ម កាន់តែ​លំបាក តែ​កាន់តែ​មិន​ចុះចាញ់ ប្រឹងប្រែង​រើបំរះ រហូត​អាច​បក​មក​ញញឹម​បាន​។ ខាត់ សុ​ឃី​ម បាន​ទិញ​កាដូ​លួង​ចិត្ត​ខ្លួនឯង​តាម​រយៈ​ការ​ពាក់​មាសធំ​ៗ បន្ទាប់​ពី​នាង​សម្រេច​បំណង​បើកហាង Cosmetic បាន​ដូច​គម្រោង​នៅ​រដូវ​កូ​វី​ដ​នេះ ដោយ​ចំណាយ​លុយ​អស់​ជា​ច្រើន​ម៉ឺន​ដុល្លារ​។

ការ​បង្កើត​អាជីវកម្ម​ថ្មី និង​ជះ​លុយ​ទិញ​គ្រឿងអលង្ការ​នោះ សុ​ឃី​ម ចង់​បំភ្លេច​ចោល​រឿង​ដែល​នាង​ចាញ់បោក​ក្រុមហ៊ុន​អ៊ី​ណា​រី​តា អស់​ទឹក​លុយ​ដល់​ទៅ​៩០​ម៉ឺន​ដុល្លារ ធ្វើ​ឲ្យ​នាង​ធ្លាក់​ចូល​ស្ថានភាព​ក្នុង​បំណុល និង​លក់​សម្អាងការ​ជា​បន្ទាន់​បង់ការ​ធនាគារ​ទៀត​ផង​។ ប៉ុន្ដែ​អ្វី​ដែល សុ​ឃី​ម កាន់តែ​ឈឺក្បាល​ថែម​ទៀត​នោះ គឺ​កាលពី​ពេល​ថ្មី​ៗ​នេះ នាង​ទិញ​រថយន្ដ​ស៊េរី​ទំនើប Lexus Lx570 ពណ៌​ខ្មៅ ដែល​មាន​តម្លៃ​ជិត​២០​ម៉ឺន​ដុល្លារ​នោះ ស្រាប់តែ​រង​ការ​ខកចិត្ត ព្រោះតែ​ទើប​ជិះ​បាន​២៦​ថ្ងៃ គេ​ឲ្យ​ខាត​អស់​២​ម៉ឺន​ដុល្លារ​។

អ្នក​នាង សុ​ឃី​ម បាន​ចាត់​ទុក​រឿង​នេះ​ថា ជា​បទ​ពិសោធន៍​ក្នុង​ជីវិត​ថ្មី​មួយទៀត សម្រាប់​រូប​នាង​ក្នុង​ការ​ទិញ​ឡាន​ពី​មនុស្ស​ដែល​ស្គាល់គ្នា ដោយ​នាង​ចាត់​ទុក​ថា «​លុយ មិន​យល់​មិត្ត​» ហើយ​គេ​បឺត​ឈាម​នាង​សា​.​ហាវ​តែ​ម្ដង​។ យ៉ាងណា តារា​ពហុ​ជំនាញ​រូប​នេះ​ថា នៅ​ពេល​ចុង​ក្រោយ​នេះ រូប​នាង​ដូច​ជា​ទទួល​បាន​បទ​ពិសោធន៍​ក្នុង​ជីវិត​ច្រើន​ពេក​ហើយ​…​។

សំណួរ​ដែល​មហាជន​លើក​ឡើង​ថា តើ​ខាត់ សុ​ឃី​ម ពេល​នេះ​រាសី​ឡើង​វិញ​ហើយ ឬ​ក៏​នាង​នៅ​តែ​មាន​យ៊ី​អ៊ុ​ន​ដាក់​តទៅ​ទៀត? ការ​និយាយ​បែប​នេះ ដោយសារ​តែ​ពេល សុ​ឃី​ម បង្ហាញ​ស្នាមញញឹម​បើកហាង​ថ្មី​បាន​ដូច​ក្ដី​ស្រ​ម៉ៃ​នោះ គេ​ថា នាង​មាន​រាសី​ឡើង​វិញ​ហើយ តែ​ដឹង​អី​ឡើង​ធ្វើ​ថៅកែ​ស្រី​មិន​បាន​ប៉ុន្មាន​ថ្ងៃ​ផង សុ​ឃី​ម បែរជា​ត្រូវ​ខាត​លុយ​ដុល្លារ​អស់​២​ដុំ​ធំ​ទៀត ព្រោះតែ​ការ​លេង​ម៉ូ​ដ​រថយន្ដ​ដែល​នាង​ទិញ​ពី​អ្នក​ស្គាល់គ្នា​នោះ​។

តាម​ព័ត៌មាន​ថា ខាត់ សុ​ឃី​ម មិន​ទាន់​ដល់​ពេលវេលា​អំណោយផល​ក្នុង​ការ​លេង​ម៉ូ​ដ​ឡាន​នៅ​ពេល​នេះ​ទេ ព្រោះ​នាង​ធ្លាក់​ក្នុង​បំណុល​ដោះ​ធនាគារ​មិន​ទាន់​រួច​ឡើយ ប៉ុន្ដែ​មូលហេតុ​ដែល សុ​ឃី​ម ត្រូវ​ទិញ​Lexus Lx570 ពេល​នេះ​ជិះ​ឲ្យ​ផ្អើល​មេឃ​នោះ ដោយសារ​តែ​នាង​ចង់​ប្រឆាំង​ទៅ​នឹង​រឿង​ដែល​មាន​មនុស្ស​មួយ​ចំនួន​ពេបជ្រាយ​ឲ្យ​នាង​ថា ធ្លាក់ខ្លួន ឬ​ដោយសារ​តែ​នាង​ល្ងង់​បានជា​ត្រូវ​គេ​បោក​បាន​អស់​លុយ​ជិត​១​លាន​ដុល្លារ​នោះ​។

តែ​សុ​ឃី​ម ព្រមាន​ថា អ្នក​ដែល​ចាំ​សើចចំអក​ឲ្យ​នាង​នោះ ប្រយ័ត្ន​ឈរ​លេខ​រៀង​បន្ទាប់​ពី​នាង ព្រោះ​មូលហេតុ​ដែល​នាង​ត្រូវ​គេ​បោក​បាន​បែប​នេះ ដោយសារ​តែ​ចិត្ត​លោភលន់​ចង់បាន​១​ម៉ឺន​ដុល្លារ​ស៊ី​ការ​២​ពាន់​ដុល្លារ ទើប​នាង​ជួប​រឿងរ៉ាវ​ដ៏​ឈឺចាប់​មួយ​នេះ​។ សុ​ឃី​ម ថា បើ​នាង​នៅ​តែ​ដេក​ស្ដាយ​លុយ​ជិត​១​លាន​ដុល្លារ​នោះ​ទៀត មិន​អាច​ធ្វើ​អ្វី​កើត​នោះ​ទេ ហេតុនេះ​ហើយ​នាង​ចាត់​ទុក​ថា គ្មាន​លុយ​ទាំងនោះ​ទៅ​ចុះ ទើប​ចាប់តាំងពី​ថ្ងៃ​ទី​១៥ ខែឧសភា ឆ្នាំ​២០២០ នាង​តាំងចិត្ត​ថា លែង​ចង់បាន​លុយ​ទាំងនោះ​ហើយនឹង​ចាប់ផ្ដើម​ជីវិត​សារ​ជា​ថ្មី​ឡើង​វិញ​។

ថ្វី​ត្បិត​តែ​អ្នកសិល្បៈ​រួម​អាជីព​ជាមួយ ខាត់ សុ​ឃី​ម និង​ទស្សនិកជន​មួយ​ចំនួន​មើលឃើញ​ថា ខាត់ សុ​ឃី​ម ហាក់​ធ្លាក់ខ្លួន ក្រោយ​ត្រូវ​គេ​បោក​បាន​សម្រេច​អស់​លុយ​៩០​ម៉ឺន​ដុល្លារ ព្រោះ​នាង​ប្រកាស​លក់​សម្អាងការ និង​ផ្ទះ​ជា​បន្ទាន់​ក្ដី ប៉ុន្ដែ​តាម​អ្នក​ស្និត សុ​ឃី​ម ថា តារា​មាន​ប្ដី​ក្មេង​រូប​នេះ​មិន​ដល់​ថ្នាក់​ដាច់​បាយ​នោះ​ទេ ព្រោះ​នាង​នៅ​មានផ្ទះ​ជួល​នៅ​ភ្នំពេញ និង​ដីធ្លី​មួយ​ចំនួន​ទៀត​នៅ​ស្រុក​កំណើត​របស់​នាង​នៅ​ភូមិ​ព្រៃ​ពង្រ សង្កាត់​ពញា​ពន់ ខណ្ឌ​ព្រែក​ញ្នៅ ក្រុងភ្នំពេញ ហេតុនេះ​ហើយ​បើ​នាង​លក់​ចេញ​ដី​ខ្លះ​នោះ​នឹង​នៅ​តែ​មាន​ប្រាក់​ច្រើន​សម្រាប់​ធ្វើ​ជំនួញ​។

អត្ថបទសរសេរ ដោយ

កែសម្រួលដោយ