រាជធានីភ្នំពេញ ៖ តារាសម្តែងនាង កុយ អេនណា បានប្តេជ្ញានឹងលើកស្ទួយកីឡារាំអោយមានឈ្មោះល្បីលើសកលលោក បន្ទាប់ពីនាងត្រូវបានប្រកាសតែងតាំងជាទូតសុឆន្ទៈនៃសហព័ន្ធកីឡាមួយនេះ ។ ជាមួយនឹងការក្លាយជាទូសុឆន្ទះកីឡារាំនាពេលនេះកុយ អេនណា…
រាជធានីភ្នំពេញ ៖ តារាសម្តែងនាង កុយ អេនណា បានប្តេជ្ញានឹងលើកស្ទួយកីឡារាំអោយមានឈ្មោះល្បីលើសកលលោក បន្ទាប់ពីនាងត្រូវបានប្រកាសតែងតាំងជាទូតសុឆន្ទៈនៃសហព័ន្ធកីឡាមួយនេះ ។
ជាមួយនឹងការក្លាយជាទូសុឆន្ទះកីឡារាំនាពេលនេះកុយ អេនណា ក៏បានជួយឧបត្ថម្ភថវិកាផ្ទាល់ខ្លួនចំនួន៤លានរៀន ដើម្បីជួយទ្រទ្រង់ និងការបណ្តុះបណ្តាលសិស្សដែលជួបការលំបាក ។
កុយ អេនណា បានលើកឡើងថា កូនខ្មែរមានសមត្ថភាពខ្លាំង និងគួរតែទទួលបានការលើកទឹកចិត្ត និងការគាំទ្រទៅកាន់ឆាកអន្តរជាតិ ។ នាងខ្ញុំមានមោទកភាពយ៉ាងរំភើបដែលត្រូវបានជ្រើសតាំងជាទូតសុឆន្ទៈសហព័ន្ធកីឡារាំកម្ពុជា ក្រោមការវាយតម្លៃពីសមាជិកសមាជិការបស់សហព័ន្ធដែលមាន លោកជំទាវ ញ៉ែម មរកត ជាប្រធានសហព័ន្ធកីឡារាំកម្ពុជា។
នាងខ្ញុំសូមឧបត្ថម្ភថវិកា៤លានរៀល ពីមូលនិធិថ្មើរជើងសប្បុរធម៌ជូនដល់សហព័ន្ធ ដើម្បីជាការទ្រទ្រង់ដល់ការបណ្តុះបណ្តាល ការហាត់រៀនរបស់សិស្សានុសិស្សប្អូនៗដែលជួបភាពលំបាក ដើម្បីបន្តសម្រេចក្តីសុបិនក្លាយជាជើងឯកថ្នាក់ជាតិតំណាងប្រទេសកម្ពុជា ឆ្ពោះទៅការដណ្តើមមេដាយមាសពិភពលោក។
នាងបញ្ជាក់ថា នាងខ្ញុំប្តេជ្ញាចិត្តហាត់រៀន និងលើកស្ទួយកីឡារាំកម្ពុជានេះ ឲ្យកាន់តែល្បីរន្ទឺទៅកាន់សកលោក ។ កីឡាដើម្បីសន្តិភាព កីឡារស់ក្រោមសន្តិភាព ។
កុយ អេនណា បន្ថែមថា កន្លងមកនាង ក៏មិនបានដឹងថា នៅកម្ពុជាមានកីឡារាំបែបអន្តរជាតិនេះឡើយ ហើយរឹតតែមិនជឿថា ប្អូនៗដែលបានឃើញរាំផ្ទាល់ភ្នែកនាពេលនេះគឺជាកូនខ្មែរនោះឡើយ ។
នាងបញ្វាក់ថា នាងមិននឹកស្មានថា ប្អូនពិតជាមានសមត្ថភាព ហើយនាងពិតជាសុំកោតសសើរចំពោះប្អូនៗ ។ បើតាម កុយ អេនណា តាមរយៈទូតសុឆន្ទៈ លើកីឡារាំកម្ពុជា នាងនឹងខិតខំហាត់រៀន និងលើកស្ទួយវិស័យកីឡាមួយនេះ អោយកាន់តែរីកចម្រើន និងល្បីល្បាញលើសកលលោក ។
ចែករំលែកព័តមាននេះ