ADផ្ទាំងផ្សព្វផ្សាយពាណិជ្ជកម្ម

Picture

កម្មវិធី Hong Kong Film Gala Presentation ត្រលប់​មក​វិញ ក្នុង​គោលបំណង បង្កើត​ទំនាក់ទំនង​រឹង​មាំ និង​ប្រមូលផ្តុំ​អ្នកជំនាញ​ភាពយន្ត​ពី​បណ្តា​ប្រទេស ក្នុង​អាស៊ាន និង​ហុងកុង​សម្រាប់​ការ​ពិភាក្សា​ស៊ីជម្រៅ​អំពី​សិល្បៈ​ភាពយន្ត និង​កិច្ចសហការជាមួយ​គ្នា

4 ម៉ោង មុន
  • ភ្នំពេញ

រាជធានីភ្នំពេញ ៖ កម្មវិធី​ដាក់​បង្ហាញ​ភាពយន្ត​ហុងកុង (Hong Kong Film Gala Presentation) ក្រោម​ប្រធានបទ​ ៖…

រាជធានីភ្នំពេញ ៖ កម្មវិធី​ដាក់​បង្ហាញ​ភាពយន្ត​ហុងកុង (Hong Kong Film Gala Presentation) ក្រោម​ប្រធានបទ​ ៖ Together We Dare to Team Up គឺជា​កម្មវិធី​ភាពយន្ត​មួយ​ដែល​បង្ហាញ​ពី​ទេព​កោសល្យ​ច្នៃប្រឌិត​ដ៏​ឆ្នើម​របស់​អ្នក​ផលិតភាព​យន្ត​ហុងកុង​ទៅ​កាន់ ទស្សនិកជន​ចម្រុះ​នៅ​ទូ​ទាំង​តំបន់​ផ្សេង​ៗ​គ្នា ​។ បេសកកម្ម​របស់​កម្មវិធី គឺ​ដើម្បី​បង្កើត​ទំនាក់ទំនង​រឹង​មាំ និង​ប្រមូលផ្តុំ​អ្នកជំនាញ​ភាពយន្ត​ពី​បណ្តា​ប្រទេស ក្នុង​អាស៊ាន និង​ហុងកុង​សម្រាប់​ការ​ពិភាក្សា​ស៊ីជម្រៅ​អំពី​សិល្បៈ​ភាពយន្ត និង​កិច្ចសហកា​សម្រាប់​ពេល​បច្ចុប្បន្ន និង នា​ពេល​អនាគត ​។

កម្មវិធី​នេះ​ត្រូវ​បាន​រៀបចំ​ឡើង​ដោយ បណ្ឌិតសភា​ពានរង្វាន់​ភាពយន្ត​អាស៊ី (AFFA) និង​សហការ​រៀបចំ​ជាមួយ​ក្រុមហ៊ុន Westec Media Limited ជាមួយនឹង​ជំនួយ​ហិរញ្ញវត្ថុ​ពី ទីភ្នាក់ងារ​អភិវឌ្ឍន៍​ឧស្សាហកម្ម​ច្នៃប្រឌិត និង​វប្បធម៌​របស់​ហុងកុង (CCIDA) មូលនិធិ​អភិវឌ្ឍន៍​ភាពយន្ត (FDF) និង ដៃគូរ ទីតាំង រោង​ភាពយន្ត លេ​ជេន ​។

កម្មវិធី​សម្ពោធ បាន​ធ្វើ​ឡើង​នៅ​ថ្ងៃ​ទី​ ១៨ ខែធ្នូ ២០២៥ នៅ​រោង​ភាពយន្ត លេ​ជេន អេ​ដេ​ន ជាមួយ​ការ​ចាក់​ប​ញ្ចំ​ង​ភាពយន្ត បើក​កម្មវិធី គឺ​ភាពយន្ត “Behind the Shadows” នេះ ក៏​មានការ​ចូលរួម​ពី ភ្ញៀវ​កិត្តិយស សិស្ស និស្សិត ពី​វិទ្យាស្ថាន ប៉េ អេស អឺ និង អ្នកដឹកនាំ​រឿង តារា​សម្ដែង ហុងកុង ផង​ដែរ នោះ​គឺ

លោក . Jonathan Li, អ្នកដឹកនាំ​រឿង Behind the Shadows
លោក . Chou Man Yu, អ្នកដឹកនាំ និង​និពន្ធ​ស្គ្រី​ប រឿង Behind the Shadows
កញ្ញា Renci Yeung, តារា​សម្ដែង​រឿង Behind the Shadows

កម្មវិធី​ដាក់​បង្ហាញ​ភាពយន្ត​ហុងកុង (Hong Kong Film Gala Presentation) នឹង​ធ្វើការ​ចាក់​បញ្ចាំង​នូវ​ភាពយន្ត​ហុងកុង​ទាំង ៧ ដែល​បាន​ជ្រើ​ស​រើស​ជា​ពិសេស​នៅ​រោង​ភាពយន្ត លេ​ជេន សាខា អេ​ដេ​ន ហ្គា​ដេ​ន ចាប់ពី​ថ្ងៃ​ទី​ ១៨ ដល់​ថ្ងៃ​ទី ​២១ ខែធ្នូ ឆ្នាំ ​២០២៥ តម្លៃ​សំបុត្រ​ត្រឹមតែ ២,០០០​រៀល​ ។

1.​ ​ភាពយន្ត “Behind the Shadows” ចាក់​បញ្ចាំង ជាមួយ​កម្មវិធី​សម្ពោធ នា​ថ្ងៃ​ទី​ ១៨ ខែធ្នូ រួម​មាន​កម្មវិធី សំណួរចម្លើយ​រវាង អ្នកដឹកនាំ​រឿង អ្នកនិពន្ធ​ស្គ្រី​ប តារា​សម្ដែង បន្ទាប់​ពី​ការ​ចាក់​បញ្ចាំង​ចប់
2.​ ​ភាពយន្ត “Dust To Dust” ចាក់​បញ្ចាំង​ថ្ងៃ​ទី​ ១៩ ធ្នូ វេលា​ម៉ោង ៦:៣០​នាទី​ល្ងាច កម្មវិធី សំណួរចម្លើយ​រវាង អ្នកដឹកនាំ​រឿង អ្នកនិពន្ធ​ស្គ្រី​ប នឹង​ធ្វើ​ឡើង បន្ទាប់​ពី​ការ​ចាក់​បញ្ចាំង​ចប់
3.​ ​ភាពយន្ត “Good Game” ចាក់​បញ្ចាំង​ថ្ងៃ​ទី​ ១៩ ធ្នូ វេលា​ម៉ោង ៩:១៥​នាទី​យប់
4.​ ​ភាពយន្ត “Four Trails” ចាក់​បញ្ចាំង​ថ្ងៃ​ទី​ ២០ ធ្នូ វេលា​ម៉ោង ៣:០០​នាទី​រសៀល
5.​ ​ភាពយន្ត “My First of May” ចាក់​បញ្ចាំង​ថ្ងៃ​ទី ​២០ ធ្នូ វេលា​ម៉ោង ៥:០០​នាទី​ល្ងាច
6.​ ​ភាពយន្ត “Another World” ចាក់​បញ្ចាំង​ថ្ងៃ​ទី ​២១ ធ្នូ វេលា​ម៉ោង ៣:០០​នាទី​រសៀល
7.​ ​ភាពយន្ត “Spooky Encounter” ចាក់​បញ្ចាំង​ថ្ងៃ​ទី​ ២១ ធ្នូ វេលា​ម៉ោង ៥:១០​នាទី​ល្ងាច

គ្រប់​ភាពយន្ត​នឹង​ត្រូវ​ចាក់​បញ្ចាំង ជា​ភាសា​ចិន​កា​តាំង ជាមួយនឹង​អក្ស​ខ្មែរ អង់គ្លេស និង​ចិន​រត់​ពី​ខាងក្រោម សូម​ចូលរួម​ទស្សនា ទាំងអស់​គ្នា​ ។

អំពី Asian Film Awards Academy
បណ្ឌិត្យសភា​ពានរង្វាន់​ភាពយន្ត​អាស៊ាន (AFAA) ជា​អង្គការ​មិន​រក​ប្រាក់​ចំណេញ ត្រូវ​បាន​បង្កើត​ឡើង​ដោយ មហោស្រព​ភាពយន្ត​អន្តរជាតិ​ទីក្រុង​ប៊ូ​សាន ហុងកុង និង​ទីក្រុង​តូ​ក្យូ ដោយ​មាន​គោលដៅ​រួម​គ្នា​ដើម្បី​សាទរ ភាពល្អ​ឥត​ខ្ចោះ​នៅ​ក្នុង​វិស័យ​ភាពយន្ត​អាស៊ី ​។ គោលបំណង​ដើម្បី​ផ្សព្វផ្សាយ និង​ទទួលស្គាល់​ភាពយន្ត​អាស៊ី និង ទេព​កោ​លស្ស​របស់ AFAA តូ​សបញ្ជាក់ ពង្រឹង​បន្ថែម និង​អភិវឌ្ឍន៍​ឧស្សាហកម្ម​ភាពយន្ត​អាស៊ី​ប្រចាំឆ្នាំ និង​ការ ផ្តួចផ្តើម​គំនិត​ច្រើន​ឆ្នាំទៅ​មុខ​ទៀត ​។

កម្មវិធី នឹងព្រឹត្តិការណ៍​ពេញ​មួយ​ឆ្នាំ ត្រូវ​បាន​ប្រារព្ធ​ឡើង​ក្នុង​គោលបំណង​ជំរុញ​ភាពយន្ត​អាស៊ី​ទៅ​កាន់ ទស្សនិកជន​កាន់តែ​ទូលំទូលាយ ពង្រីក​ទីផ្សារ​ភាពយន្ត​ក្នុង​តំបន់​អាស៊ី ព្រមទាំង​កសាង និង​រក្សា​ទំនាក់ទំនង រវាង​អ្នកជំនាញ​ភាពយន្ត​ហុងកុង និង​អន្តរជាតិ ៕ អត្ថបទសហការ