ឌី សូនីតា ឆ្លើយតបអ្នករិះគន់រឿងជឿជាក់លើហុងស៊ុយពេក រហូតគ្មានមនុស្សល្អនៅក្បែរខ្លួន
- ភ្នំពេញ
រាជធានីភ្នំពេញ ៖ តារាសម្តែងអ្នកនាង ឌី សូនីតា បានធ្វើការឆ្លើយតបយ៉ាងចាក់ដោតទៅកាន់បុគ្គលដែលរិះគន់មកលើរូបនាងថា ដោយសារការជឿជាក់លើហុងស៊ុយពេក ទើបរហូតពេលនេះ នាងគ្មានមនុស្សល្អក្បែរខ្លួន ហេតុអ្វីមិនជឿលើខ្លួនឯងវិញ ។
តារាស្រីរូបនេះថា ហុងស៊ុយបានបញ្ជាក់នាងឆុងជាមួយបវិវាមួយឆាកជីវិត ហើយវាគ្មានចម្លែកទេ ដែលមិនមានមនុស្សនៅក្បែរខ្លួនខ្ញុំ បើមនុស្សនោះល្អ ប្រាកដជានៅក្បែរខ្លួនខ្ញុំ ។
នាងបន្តថា ពីព្រោះនាងជឿថា ខ្លួនឯងជាមនុស្សល្អនឹងហើយបានជានាងសម្រេចដើរចេញពីមនុស្សអាក្រក់ មិនមែនមនុស្សមិននៅក្បែរខ្លួនខ្ញុំទេ ប៉ុន្តែខ្ញុំជឿជាក់ថា ខ្ញុំល្អ អញ្ចឹងមនុស្សមិនល្អ គឺដើរចេញ ។
នាងបញ្ជាក់ថា ចង់អោយនាងទៅអោបក្រសោបមនុស្សមិនល្អធ្វើអ្វី មនុស្សមិនល្អ ធ្វើបាប និងបំផ្លាញយើង តើយើងទ្រាំទ្រែង និងដេកអោយគេធ្វើបាបធ្វើអ្វី ។
ឌី សូនីតា អះអាងបន្ថែមថា មនុស្សដែលមានមិត្តច្រើននៅក្បែរខ្លួនមិនប្រាកដថា ជោគជ័យនោះឡើយ មនុស្សគឺសាហាវជាងខ្មោច ជាងទេវតាទៀត អញ្ចឹងកុំសូវទុកចិត្តគេ ។
នាងថា សុខចិត្តមានមិត្តម្នាក់ ឬពីរនាក់ ប៉ុន្តែមានគុណភាព វាគ្រាន់បើជាងយកមនុស្សណាដែលបោកប្រាស់ ហើយកន្លងមក គ្មានមិត្តភក្តិណាយកលុយអោយនាងទេ គឺមានតែនាងយកលុយអោយគេ ខណៈពេលដែលនាងក៏គ្មានមិត្តភក្តិណាដែលមិនបានខ្ចីលុយនាងនោះដែរ ។
បើតាម ឌី សូនីតា តាំងពីមុនរហូតឥឡូវ នាងមិនដែលដាក់បន្ទុកទៅអោយអ្នកណាម្នាក់ឡើយ ព្រោះតាំងចិត្តឈរយ៉ាងមាំដោយខ្លួនឯង ។
នាងបញ្ជាក់ថា ការរិះគន់ថា នាងមិនមានមនុស្សល្អក្បែរខ្លួននោះត្រូវយល់ថា មនុស្សដែលមិននៅក្បែរខ្លួននាង គឺនាងចាត់ទុកជាមនុស្សមិនល្អ ព្រោះធាតុពិតមនុស្សមួយចំនួនដែលនាងធ្លាប់រាប់អាននោះ ភាគច្រើនគឺជាមនុស្សមើលឃើញតែពីរឿងផលប្រយោជន៍ និងលុយនាងជាធំ ។
នាងថា មនុស្សខ្លះដែលចេញពីនាងហើយ គឺមួយចំនួនមិនឃើញចម្រុងចម្រើនអ្វីឡើយ ហើយពួកគេនឹងរលាយដោយឯងៗ ដោយនាងមិនចាំបាច់ទៅធ្វើអ្វីឡើយ បើសិនជាមនុស្សមានគំនិតមិនល្អមកលើរូបនាង ៕
ចែករំលែកព័តមាននេះ