ខេត្តបាត់ដំបង ៖ ព្រឹត្តិការណ៍ដ៏កក្រើក តន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ2016 បានវិលត្រឡប់មកកម្ពុជាវិញហើយក្នុងរដូវកាលទីបីនេះ ។ ការប្រកួតវគ្គជម្រុះតាមតំបន់បានចាប់បើកការប្រកួតជាលើកដំបូងនៅខេត្តបាត់ដំបង
ខេត្តបាត់ដំបង ៖ ព្រឹត្តិការណ៍ដ៏កក្រើក តន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ2016 បានវិលត្រឡប់មកកម្ពុជាវិញហើយក្នុងរដូវកាលទីបីនេះ ។ ការប្រកួតវគ្គជម្រុះតាមតំបន់បានចាប់បើកការប្រកួតជាលើកដំបូងនៅខេត្តបាត់ដំបង ផ្សារទំនើបភូពុយ កាលពីថ្ងៃទី១៨ ដល់១៩ ខែមីនា ដោយមានការចូលរួមពីក្រុមបាល់ទះចំនួន៣២ក្រុមដើម្បីប្រកួតដណ្តើមកៅអីសម្រាប់ចូលប្រកួតវគ្គផ្តាច់ព្រ័ត្រនៅឆ្នេរអូរឈើទាល ខេត្តព្រះសីហនុ ។
ឆ្នេរខ្សាច់ដែលត្រូវបានរៀបចំយ៉ាងអស្ចារ្យ បានក្លាយជាទស្សនីយភាពថ្មីប្លែកដែលពុំធ្លាប់កើតមាននៅលើទឹកដីខេត្តបាត់បាត់ដំបង ធ្វើឱ្យទស្សនិកជនទទួលបាននូវភាពរំភើបរីករាយហួសពីការរំពឹង និងមិនអាចបំភ្លេចបាន ។ ការប្រកួតយ៉ាងស្វិតស្វាញក្រោមកម្ពៅថ្ងៃពេញដោយថាមពល និងការប្រគំតន្ត្រីដ៏កក្រើកជាមួយវត្តមានរបស់កំពូលតារាចម្រៀងល្បីៗ ដូចជា លោក ឆន សុវណ្ណារាជ អ្នកនាង ពេជ្រ សោភា កញ្ញា សុគន្ធ នីសា លោក នី រតនា លោក ហេង ពិទូ លោក នីកូ កញ្ញា ប៉ាច គីមមួយ លោក សៅ ឧត្តម លោក ដួង វីរៈសិដ្ឋ និងកញ្ញា បេប៊ី បានធ្វើឲ្យទឹកដីខេត្តបាត់ដំបងកាន់តែរស់រវើក អធិកអធម និងសប្បាយរីករាយហួសពីការរំពឹង និងបំភ្លេចមិនបាន ។
កម្មវិធីតន្ត្រីបាល់ទះឆ្នេរខ្សាច់របស់ស្រាបៀរ អាន់ឆ័រ មិនត្រឹមតែផ្តល់ជូនទស្សនិកជននូវសកម្មភាពប្រកួតបាល់ទះយ៉ាងស្វិតស្វាញនៅលើខ្សាច់នៅពេលថ្ងៃប៉ុណ្ណោះទេ ថែមទាំងមានសកម្មភាពសប្បាយរីករាយជាច្រើនដូចជា ការប្រគុំតន្ត្រីនៅពេលរាត្រីដែលចូលរួមសម្តែងដោយកំពូលតារាល្បីៗ តារាអន្តរជាតិ ព្រមទាំងមានកម្មវិធីពិសេសជាច្រើនផងដែរ។ កម្មវិធីនេះក៏មានការផ្សាយបន្តផ្ទាល់តាមកញ្ចក់ទូរទស្សន៍CTN ដោយមានអ្នកគាំទ្រកីឡាបាល់ទះ ទាំងភ្ញៀវទេសចរជាតិ និងអន្តរជាតិច្រើនកុះករ បានចូលរួមទស្សនាការប្រកួតយ៉ាងស្វិតស្វាញរបស់ក្រុមកីឡាករនៅពេលថ្ងៃ ក៏ដូចជាកម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រនាពេលរាត្រី និងកម្មវិធីពិសេសៗជាច្រើនដែលបានរៀបចំឡើងដោយស្រាបៀរអាន់ឆ័រដូចជា លេងល្បែងកម្សាន្ត ដើម្បីឈ្នះរង្វាន់ ជាវសម្ភារកីឡាក្នុងតម្លៃពិសេស ថតរូបទុកអនុស្សាវរីយ៍ និងមានកម្មវិធីកម្សាន្តច្រើនបែបទៀត ។ ស្រាបៀរ អាន់ឆ័រ មានគោលបំណងផ្តល់ជូនបទពិសោធន៍បាល់ទះ ដែលមានលក្ខណៈពិសេស និងមិនអាចបំភ្លេចបានចំពោះមហាជន និងអ្នកគាំទ្របាល់ទះកម្ពុជា ជាពិសេសជួយពង្រឹងវិស័យបាលទះនៅកម្ពុជា ។
សម្រាប់ការប្រកួតនៅមណ្ឌលបាត់ដំបងរយៈពេលពីរថ្ងៃជាប់គ្នា គេបានរកឃើញក្រុមខ្លាំងចំនួនបួនដែលត្រូវចូលប្រកួតវគ្គផ្តាច់ព្រ័ត្រនាថ្ងៃទី១៥ ខែមេសា នៅខេត្តព្រះសីហនុ រួមមានក្រុមម្ចាស់ជ័យលាភីលេខ១ប្រចាំខេត្តបាត់ដំបងបានទៅក្រុម ភ្នំយ៉ាត ទទួលបានទឹកប្រាក់រង្វាន់១.០០០ដុល្លារ និងមេដាយមាស ជ័យលាភីលេខ២បានទៅក្រុមយុវជនបាល់ទះបាត់ដំបង(A) ទទួលបានទឹកប្រាក់រង្វាន់៥០០ដុល្លារ និងមេដាយប្រាក់ ។ ជ័យលាភីលេខ៣បានទៅក្រុមTIGER KLUB ទទួលបានទឹកប្រាក់រង្វាន់៣០០ដុល្លារ និងមេដាយសំរិទ្ធ និងជ័យលាភីលេខ៣ស្ទួនបានទៅក្រុមយុវជនបាល់ទះបាត់ដំបង(C) ទទួលបានទឹកប្រាក់រង្វាន់៣០០ដុល្លារ និងមេដាយសំរិទ្ធ ។
ការប្រកួតជម្រុះក្នុងកម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ2016 នឹងធ្វើឡើងនៅខេត្តបន្ទាប់គឺ៖ សៀមរាបជាប់សារមន្ទីរអប្សរា(អង្គឃ្យុងយូ)ពីថ្ងៃទី25-26 មីនា 2016 ។
ដូច្នេះសូមកុំភ្លេចចូលរួមទស្សនាការប្រកួតជម្រុះនៅសៀមរាបឱ្យបានច្រើនកុះករ ។
ព័ត៌មានបន្ថែមអំពីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ2016 សូមចូលទៅកាន់ទំព័រហ្វេសប៊ុករបស់ស្រាបៀរអាន់ឆ័រ https://www.facebook.com/AnchorBeerKH/ ឬទំនាក់ទំនងតាមរយៈទូរស័ព្ទលេខ 077 777 928/ 012 798 504/ 081 888 779។
ចែករំលែកព័តមាននេះ