ដើម្បីចៀសផុតពីភាពអស់កម្លាំង ស្លេកស្លាំងរូបកាយ និងការខ្សោះជាតិទឹក ឬអាចឈានដល់ការដួលសន្លប់ដោយសារក្តៅខ្លាំង លោកអ្នកគ្រាន់តែអនុវត្តតាមវិធីមួយចំនួនដូចខាងក្រោមនឹងបានធូរស្រាល៖
ដើម្បីចៀសផុតពីភាពអស់កម្លាំង ស្លេកស្លាំងរូបកាយ និងការខ្សោះជាតិទឹក ឬអាចឈានដល់ការដួលសន្លប់ដោយសារក្តៅខ្លាំង លោកអ្នកគ្រាន់តែអនុវត្តតាមវិធីមួយចំនួនដូចខាងក្រោមនឹងបានធូរស្រាល៖
-ជ្រកក្រោមម្លប់ដើមឈឺឱ្យបានច្រើន
-កុំជ្រើសរើសខ្យល់កង្ហារជាអាទិភាព
-ចៀសវាងនៅក្រោមកម្តៅថ្ងៃផ្ទាល់
-ស្លៀកសម្លៀកបំពាក់ស្តើងៗ និងមានពណ៌ភ្លឺ (ស លឿង បៃតងខ្ចី…)
-ងូតទឹកត្រជាក់ឲ្យបានញឹកញាប់
-តាមដានក្រុមដែលងាយរងគ្រោះឱ្យបាន២ដងក្នុង១ថ្ងៃ(ក្មេងអាយុក្រោម៥ឆ្នាំ វ័យលើសពី៦៥ឆ្នាំ ស្ត្រីមានផ្ទៃពោះ ជនមានជំងឺរ៉ាំរ៉ៃ) ។
-ក្នុងខ្លួនត្រូវមានជាតិទឹកជានិច្ច
-បង្កើនការទទួលទានទឹកឲ្យបានច្រើន
-មិនត្រូវរង់ចាំដល់អ្នកស្រេកទឹកទើបផឹកទេ
-ទទួលទានទឹក២ទៅ៤កែវរៀងរាល់ម៉ោងនៅពេលកំពុងធ្វើការក្រោមកម្ដៅថ្ងៃ និងពេលហាត់ប្រាណ
-ចៀសវាងពិសាស្រា និងទឹកដែលមានកំហាប់ស្ករខ្ពស់
-ជួយរំលឹកអ្នកផ្សេងទៀតឲ្យឧស្សាហ៍ទទួលទានទឹកផង ព្រោះទាក់ទងនឹងអាកាសធាតុក្តៅខ្លាំងនេះ គ្មានឱសថណាមានប្រសិទ្ធភាពស្មើនឹងទឹកឡើយ
-ទឹកត្រូវតែដាំពុះជានិច្ចដើម្បីចៀសវាងជំងឺរាករូស ឬអាសន្នរោគ ។
ទោះជាយ៉ាងណាលោកអ្នកគប្បីតាមដានព័ត៌មានតាមបណ្តាញនានាទាក់ទងនឹងអាកាសធាតុដើម្បីត្រៀមលក្ខណៈបង្ការទុកជាមុនស្របទៅតាមកាលៈទេសៈ ៕
ចែករំលែកព័តមាននេះ