ខេត្តន្ទាយមានជ័យ ៖ កម្លាំងចម្រុះបានចុះបង្ក្រាបចាប់បានឈើគ្រញូងចំនួន១៥ដុំ (ស្មើ១,១២៣គីឡូក្រាម) ដែលឈ្មួញលួចនាំចូលពីប្រទេសថៃមកស្តុកទុកដើម្បីនាំចេញ ហើយត្រូវបានយកប្រគល់ទៅជូនខណ្ឌរដ្ឋបាលខេត្តបន្ទាយមានជ័យ កាលពីល្ងាចថ្ងៃទី១៩ តុលា ឆ្នាំ២០២១ ។…
ខេត្តន្ទាយមានជ័យ ៖ កម្លាំងចម្រុះបានចុះបង្ក្រាបចាប់បានឈើគ្រញូងចំនួន១៥ដុំ (ស្មើ១,១២៣គីឡូក្រាម) ដែលឈ្មួញលួចនាំចូលពីប្រទេសថៃមកស្តុកទុកដើម្បីនាំចេញ ហើយត្រូវបានយកប្រគល់ទៅជូនខណ្ឌរដ្ឋបាលខេត្តបន្ទាយមានជ័យ កាលពីល្ងាចថ្ងៃទី១៩ តុលា ឆ្នាំ២០២១ ។
លោកវរសេនីយ៍ទោ រស់ អៀម នាយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តបន្ទាយមានជ័យបានប្រាប់ថា ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ដើម្បីពង្រឹងបទល្មើសសេដ្ឋហើយកម្លាំងជំនាញបានស្រាវជ្រាវកំណត់មុខសញ្ញាបានចុះប្រតិបត្តិការបង្ក្រាបទីតាំងស្តុកឈើគ្រញូងមួយកន្លែង ដែលរឹបអូសបានចំនួន១៥ដុំស្មើទម្ងន់១,១២៣គីឡូក្រាម និងឃាត់ម្ចាស់ផ្ទះម្នាក់ នៅរសៀលថ្ងៃទី១៩ តុលា ឆ្នាំ២០២១ ស្ថិតនៅចំណុចភូមិបឹងសុក្រម ឃុំគោករមៀត ស្រុកថ្មពួក ។
សូមបញ្ជាក់ដែរថា ការចុះប្រតិបត្តិការបង្ក្រាបបទល្មើសឈើគ្រញូងដឹកនាំនិងសម្របសម្រួលដោយលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តបន្ទាយមានជ័យ ចុះបង្ក្រាបដោយកម្លាំងនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តបន្ទាយមានជ័យ សហការជាមួយកម្លាំងអធិការនគរបាលស្រុកថ្មពួក និងមន្ត្រីមេព្រៃបានចុះបង្ក្រាបរឹបអូសឈើក្រញ៉ូងជាង១តោនបានប្រគល់ជូនខ័ណ្ឌរដ្ឋបាលព្រៃឈើខេត្តបន្ទាយមានជ័យរក្សាទុកនិងអនុវត្តតាមគោលការច្បាប់បន្ត។
លោកវរសេនីយ៍ទោ រស់ អៀម បានបញ្ជាក់ថា ឈើគ្រញូងដែលកម្លាំងចម្រុះបង្ក្រាបបានជាង១តោននេះ ត្រូវបានឈ្មួញលួចនាំចូលពីប្រទេសថៃ ដើម្បីយកមកស្តុកទុក ហើយនាំចេញទៅលក់នៅប្រទេសទី៣បន្តដែលត្រូវបានបង្ក្រាបរឹបអូសបាន ។
ចែករំលែកព័តមាននេះ