សមរភូមិមុខ និងសមរភូមិក្រោយដែលមិនអាចខ្វះគ្នាបាន
ខេត្តព្រះវិហារ ៖ នៅថ្ងៃទី១៩ ខែមីនា ឆ្នាំ២០១៦ គណៈប្រតិភូសាលារាជធានីភ្នំពេញដឹកនាំដោយលោកប៉ា សុជាតិវង្ស អភិបាលនៃ គណៈអភិបាលរាជធានីភ្នំពេញ
ខេត្តព្រះវិហារ ៖ នៅថ្ងៃទី១៩ ខែមីនា ឆ្នាំ២០១៦ គណៈប្រតិភូសាលារាជធានីភ្នំពេញដឹកនាំដោយលោកប៉ា សុជាតិវង្ស អភិបាលនៃ គណៈអភិបាលរាជធានីភ្នំពេញ និងលោកជំទាវ រួមជាមួយមន្ត្រីរាជការ ក្រុមយុវជន អាជ្ញា ធរដែនដីទាំង១២ខណ្ឌក្នុងរាជធានីភ្នំពេញ បានអញ្ជើញទៅសួរសុខទុក្ខនាយទាហាន នាយទាហានរង និងពលទាហានរួមទាំងក្រុមគ្រួសារកងទព័ នៅកងពលតូចអន្តរាគមន៏ លេខ៩ចំណុះឲ្យកងពលធំអន្តរាគមន៏លេខ៣ឈរជើងនៅទិសមុំ៣ ស្រុកជាំក្សាន្ត ខេត្តព្រះវិហារ ។
ស្របពេលដែលអាជ្ញាធរខណ្ឌទាំង១២ក៏បានចាត់តាំងជាប្រតិភូចុះសួរសុខទុក្ខ និងនាំយកអំណោយ១ចំនួនធំទៅផ្តល់ជូនកងទព័ និងក្រុមគ្រួសារតាមបណ្តាវរៈសេនាតូចដែលបានចងសម្ពន្ធ័ភាពជាមួយគ្នា ដើម្បីចូលរួមអប អរសាទរបុណ្យចូលឆ្នាំថ្មីប្រពៃណីជាតិនាពេលដ៏ខ្លីខាងមុខនេះ។ ក្នុងឱកាសនោះលោកប៉ា សុជាតិវង្ស មានប្រសាសន៏ថា នេះជាលើកទី៤ហើយដែលគណៈអភិបាល រាជធានីភ្នំពេញអណត្តិទី២ បានចុះមកសួរសុខទុក្ខ និងនាំយកអំណោយមកជូនដល់កង ទព័នៅសមរភូមិមុខទិសប្រាសាទព្រះវិហារ ពិសេសកងពលធំអន្តរាគមន៏លេខ៣ កងពល តូចអន្តរាគមន៏លេខ៩ ក៏ដូចវរៈនគរបាលការពារព្រំដែន៧៩៣ដែលជាអង្គភាពសម្ពន្ធ័មិត្ត ជាមួយសាលារាជធានីភ្នំពេញ ស្របពេលដែលសន្តិសុខ ស្ថេរភាពនយោបាយមាន ភាពល្អប្រសើរជាការផ្តល់ឱកាសដល់ដំណើរការអភិវឌ្ឍន៏ប្រទេសជាតិ។
ជាមួយនឹងការគោរពដឹងគុណចំពោះវីរៈភាព ការលះបង់ និងការធ្វើពលីកម្មគ្រប់បែបយ៉ាងដើម្បីបុព្វហេតុ ការពារបូរណៈភាពទឹកដីរបស់វីរៈកងទព័របស់យើង ។ អភិបាលរាជធានីបាន កោតសរសើរ ដល់កងទព័ និងគ្រួសារ ដែលបានរួមចំណែកអភិវឌ្ឍន៏មូលដ្ឋាន ការបង្កបង្កើនផល ការចិញ្ចឹមសត្វជាដើម ដែលបានប្រែក្លាយជីវភាពរបស់បងប្អូនកាន់តែប្រសើរឡើង និងបានរួមចំណែកធ្វើឲ្យតំបន់ឈរជើងរបស់កងទព័ មានការ អភិវឌ្ឍន៏ប្រែមុខមាត់ថ្មី ពីតំបន់ដែលមានតែការខ្ទេចខ្ទាំដោយសារសង្គ្រាម មកជាពណ៌បៃតងស្រស់បំព្រងក្រោមនយោបាយឈ្នះឈ្នះរបស់សម្តេចអគ្គមហាសេនាបតីតេជោហ៊ុនសែន។
លោកប៉ា សុជាតិវង្ស បញ្ជាក់ថា កម្ពុជាមាន២ គឺទី១.កម្ពុជាលើទំព័រសារព័ត៌មាន ដែលមានសារព័ត៌មានខ្លះ បានធ្វើការផ្សព្វផ្សាយក្នុងរូបភាពមិនសុច្ចរិត មូលបង្កាច់ខុសការពិតបង្កការញុះញង់ ដើម្បីមហិច្ឆិតានយោបាយអូសទាញកម្ពុជាឲ្យធ្លាក់ចូលទៅក្នុងបដិវត្តពណ៌ទៅតាមការចង់ បានរបស់ពូកអគតិ ទី២.កម្ពុជាពិតដែលយើងកំពុងមានសុខសន្តិភាព មានការអភិវឌ្ឍន៍ កំណើនសេដ្ឋកិច្ចកើនឡើង ការបែងចែកផលនៃកំណើនសេដ្ឋកិច្ចនោះ ដោយសមត្ថភាពរយៈពេល ជាង ៣០ខែនៃអណត្តិទី៥ រាជរដ្ឋាភិបាលបានខិតខំធ្វើកំណែទម្រង់ច្រើន វិស័យដែលជា គន្លឹះក្នុងការធ្វើឲ្យកាន់តែប្រសើរឡើងនូវការអភិវឌ្ឍន៏សេដ្ឋកិច្ច និងតម្រូវការជាក់ស្តែងរបស់ប្រជាពលរដ្ឋហើយសន្តិភាព ស្ថិរភាព និងសន្តិសុខសង្គមគឺជាឳកាសមាសសំរាប់ការអភិវឌ្ឍន៏ ដូច្នេះទោះក្នុងកាលៈទេសៈណាក៏ដោយ សាលារាជធានីភ្នំពេញតែងស្ថិតនៅជាប់ជាមួយវីរៈកងទព័របស់យើងជានិច្ច តាមអនុសាសន៏ដ៏ខ្ពង់ខ្ពស់របស់សម្តេចអគ្គមហាសេនាបតីជោហ៊ុនសែន ជានាយករដ្ឋមន្ត្រី និងសម្តេចគតិព្រឹទ្ធបណ្ឌិតប៊ុនរ៉ានី ហ៊ុនសែន ដែលសម្តេចតែងបានគិតគូរពីសុខទុក្ខរបស់ កងទព័ និងគ្រួសារកងទព័នៅគ្រប់កងឯកភាពដែលកំពុងឈរជើងការពារបូរណៈភាពទឹកដីដ៏អង់អាចក្លាហាន ក៏ដូចជាការបង្កើននូវមនោសញ្ចេតនាគោរពស្រឡាញ់ដ៏ជ្រាលជ្រៅ រវាងកងទព័នៅសមរភូមិមុខ និងសមរភូមិក្រោយដែលមិនអាចខ្វះគ្នាបាន។
លោកអភិបាលរាជធានី ក៏បានលើកឡើងពីការបន្តចងសម្ពន្ធ័មេត្រីភាពរវាងអាជ្ញាធរខណ្ឌមន្ទីរ អង្គភាពជាមួយ អង្គភាពកងទ័ពនៅសមរភូមិមុខថែមទៀត។ ក្នុងពេលនោះអភិបាលរាជធានីភ្នំពេញ បាននាំយកអំណោយដ៏ថ្លៃថ្លា របស់សម្តេចអគ្គមហាសេនាបតីតេជោ និងសម្តេចគតិព្រឹទ្ធបណ្ឌិតទៅផ្តល់ជូនអង្គភាពកងទព័ដាច់ដោយឡែកៗពីគ្នាដែលក្នុងនោះមាន កងពលធំអន្តរាគមន៏លេខ៣ចំនួន២០លានរៀល ជូននាយទាហាន នាយទាហានរងចំនួន៦០នាក់ក្នុងម្នាក់២០ម៉ឺនរៀល ថ្នាំពេទ្យ១៧មុខ មី៣០០កេស ទឹកត្រី១៥០យួរ ទឹកស៊ីអ៊ីវ១៥០យួរ សៀង៨កាន ទឹកសុទ្ធ៦០០កេស និងផ្តល់ថវិកា១៨.៨៤០ដុល្លារ សម្រាប់សាងសង់ដំបូលអាគារសាលប្រជុំ។ ជូនកងពលតូចអន្តរាគមន៏លេខ៩ មានម៉ាស៊ីនច្រូតស្រូវ១គ្រឿង ត្រាក់ទរ័១គ្រឿង ថវិកា១០លានរៀល ឧបត្ថម្ភលោកមេបញ្ជាការ បញ្ជាការរង៦៨នាក់ក្នុងម្នាក់២០ម៉ឺនរៀល ជូននាយ និងពលទាហាន ១៨៨៩នាក់ ក្នុងម្នាក់៥ម៉ឺនរៀល ថ្នាំពេទ្យ១៧មុខ មី៥០០កេស ទឹកត្រី១៥០យួរ ទឹកស៊ីអ៊ីវ១៥០យួរ សៀង១០កាន ទឹកសុទ្ធ៩០០កេស។
ជូនវីរៈនគរ បាលការពារព្រំដែន៧៩៣នូវថវិកា១០លានរៀល មេបញ្ជាការ បញ្ជាការរង៥នាក់ក្នុងម្នាក់២០ម៉ឺនរៀល ពលនគរបាល ៣២៣នាក់ក្នុងម្នាក់៥ម៉ឺនរៀល ថ្នាំពេទ្យ១៧មុខ ទឹកត្រី ទឹកស៊ីអ៊ីវ សៀង ទឹកសុទ្ធរួមទាំង ការឧបត្ថម្ភថវិកា៣លានរៀលសម្រាប់ទិញប្រេងម៉ាស៊ូត១ ០០០លីត្រ។ ចូលបច្ច័យសម្រាប់កសាងសាលាធម្មសភាមួយកន្លែង១០លានរៀល។ ឧបត្ថម្ភដល់បញ្ជាការដ្ឋានអង្គរក្សចំនួន២០លានរៀល ជូនគ្រឿងឧបភោគបរិភោគដូចនៅអង្គភាពកងទព័ និងបានឧបត្ថម្ភថវិកាចំនួន៦០០ ដុល្លារដល់ស្ថានីយវិទ្យុអែហ្វអឹម ស្រអែមផងដែរ។
ក្នុងដំណើរចុះសួរសុខទុក្ខកងទ័ពនៅតំបន់ប្រាសាទព្រះវិហារនេះដែរ គណៈប្រតិភូរ សាលារាជធានីភ្នំពេញ ក៏បានអញ្ជើញឡើងទៅលើប្រាសាទព្រះវិហារដើម្បីប្រារព្វពិធីតាមបែបសាសនាមានការបន់ស្រន់សុំសេចក្តីសុខពីទស្សបារមីបុព្វបុរសខ្មែរ និងបួងសួងសុំសេចក្តីសុខនៅប៉ូយតាឌីដែលជាមេទព័ដ៏ខ្លាំងពូកែរបស់ខ្មែរដែលបានលះ បង់អាយុជីវិតក្នុងបុព្វហេតុការពារទឹកដីមិនចុះញ៉មជាមួយសត្រូវឈ្លានពានជាដាច់ខាត និងសូមឲ្យបារមីវីរៈបុព្វបុរសតាមជួយបីបាច់ថែរក្សាកងទព័ដែលកំពុងឈរជើងការពារបូរណៈទឹកដីឲ្យមានជោគជ័យជានិច្ចហើយរាល់ការប៉ុនប៉ងណាមួយរំលោភមកលើបូរណៈ ភាពទឹកដីខ្មែរ សូមឲ្យវិនាសអន្តរាយ និងសុំឲ្យព្រះរាជាណាចក្រកម្ពុជាទទួលបានសុខ សន្តិភាព និងការអភិវឌ្ឍន៏ជានិរន្តរ៍ ៕
ចែករំលែកព័តមាននេះ