ខេត្តបន្ទាយមានជ័យ ៖ កុមារាម្នាក់ ត្រូវឪពុកមារខឹងបានប្រើអំពើហិ.ង្សាវាយ និងធ្វើទារុណកម្មដោយបង្អត់បាយ ហើយត្រូវបានកម្លាំងកងរាជអាវុធហត្ថ ឃាត់ខ្លួនបុរសខាងលើកាលពីវេលាម៉ោង០៨ និង៣០នាទីយប់ថ្ងៃទី១៨ មីនា ២០១៦ ស្ថិតនៅភូមិសូភី សង្កាត់កំពង់ស្វាយ ក្រុងសិរីសោភ័ណ ។
ខេត្តបន្ទាយមានជ័យ ៖ កុមារាម្នាក់ត្រូវឪពុកមាប្រើអំពើហិង្សាវាយ និងធ្វើទារុណកម្មដោយបង្អត់អាហារ ហើយត្រូវកម្លាំងកងរាជអាវុធហត្ថឃាត់ខ្លួនបុរសខាងលើ កាលពីវេលាម៉ោង០៨ និង៣០នាទីយប់ថ្ងៃទី១៨ មីនា ២០១៦ ស្ថិតនៅភូមិសូភី សង្កាត់កំពង់ស្វាយ ក្រុងសិរីសោភ័ណ ។
បុរសជាឪពុកមាឈ្មោះលួស សាម៉ន ហៅចាង អាយុ៦៧ឆ្នាំ មានលំនៅក្នុងភូមិសូភី សង្កាត់កំពង់ស្វាយ ក្រុងសិរីសោភ័ណ ។ ចំណែកក្មេងប្រុសរងគ្រោះឈ្មោះ វឿន សុំកែវ អាយុ១២ឆ្នាំ ជាសិស្សថ្នាក់ទី២ មានម្តាយឈ្មោះវឿន មុំ អាយុ៤២ឆ្នាំ មានកូន៥នាក់
(ស្រី៣) កុមារងគ្រោះជាកូនពៅ ។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តឱ្យដឹងថា ក្រោយពីទទួលដំណឹងពីឈ្មោះវ៉ាន់ ស៊ីណាត អាយុ៣៥ឆ្នាំ (ជាអ្នកគ្រូបឋមសិក្សាកំពង់ស្វាយ) និងឈ្មោះនៅ ណាវី ភេទស្រី អាយុ៦៧ឆ្នាំ (ជាអ្នកជិតខាង) បានប្តឹងទៅលើបុរសឈ្មោះលួស សាម៉ន ហៅចាង ថា បានប្រើអំពើហិង្សាទៅលើកុមារ បណ្តាលឱ្យមានស្នាមរបួសជាច្រើនកន្លែង ។
យោងតាមសម្តីក្មេងប្រុសរងគ្រោះបានរៀបរាប់ទាំងទឹកភ្នែកថា ដោយសារជីវភាពក្រីក្រពេក ត្រូវម្តាយ និងឪពុកចុងរបស់ខ្លួនទៅធ្វើការនៅប្រទេសថៃ រយៈពេលជាច្រើនឆ្នាំមកហើយ ។ ដោយយកខ្លួនមកផ្ញើជាមួយម្តាយមីងឈ្មោះវឿន រ៉ា អាយុ៤០ឆ្នាំ និងឱពុកមាឈ្មោះ លួស សាម៉ន ហៅចាង ។ ហើយពេលម្តាយមីងមិននៅផ្ទះម្តងៗ ត្រូវបានឪពុកមារវ៉ៃធ្វើបាបបង្អត់អាហារ និងមិនឱ្យទៅរៀនជាញឹកញាប់ ។ ហើយលុះនៅវេលាម៉ោង០៥ និង៣០នាទីព្រឹកថ្ងៃទី១៧ មីនា ក្រោយពេលម្តាយមីងទៅភ្នំពេញ ត្រូវបានឪពុកមារវាយនិងបន្ទះឫស្សី រហូតដល់ប្រេះឆ្អឹង.កដៃស្តាំ និងរបួសជាំពេញខ្លួន ហើយបានបង្អត់បាយមិនឱ្យទៅសាលារៀនទៀត ។ តែខ្លួនបានលួចទៅរៀន ហើយត្រូវអ្នកគ្រូឈ្មោះវ៉ាន់ ស៊ីណាត ឃើញសួរនាំទើបដឹងរឿង ក៏នាំមកប្តឹងកម្លាំងកងរាជអាវុធហត្ថ ក្រុងសិរីសោភ័ណ ។
ក្រោយពេលអ្នកគ្រូនាំកុមាររងគ្រោះមកប្តឹង និងពិនិត្យមើលស្ថានភាពកុមារងគ្រោះ ដែលមានសភាពធ្ងន់ធ្ងរនោះ លោកវរសេនីយ៍ត្រី ព្រហ្ម ថេង នាយការិយាល័យព្រហ្មទណ្ឌទីបញ្ជាការកងរាជអាវុធហត្ថខេត្ត បានដឹកនាំកម្លាំងជំនាញ សហការជាមួយកម្លាំងកងរាជអាវុធហត្ថក្រុងសិរីសោភ័ណ ចុះទៅឃាត់ខ្លួនជនសង្ស័យឈ្មោះ លួស សាម៉ន ហៅចាង តែម្តង ។
តាមចម្លើយបុរសជាឪពុកមាបានសារភាពថា គឺខ្លួនពិតជាបានវាយ និងធ្វើទារុណកម្មទៅលើកុមាររងគ្រោះពិតមែន តែវាយនេះ គឺមកពីបង្រៀនអក្សរមិនព្រមស្តាប់ និងចេញពីសាលារៀនលើសម៉ោង ទើបវាយព្រមាន តែមិនឹកស្មានថា ជ្រុលដៃបណ្តាលរបួសពេញខ្លួនរហូតប្រេះឆ្អឹងក.ដៃទេ ។ ក្រោយពេលសាកសួរហើយ ត្រូវបានកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់ ៕
ចែករំលែកព័តមាននេះ