តំណាងអយ្យការអមសាលាដំបូងរាជធានីភ្នំពេញ នៅរសៀលថ្ងៃទី១៧ ខែតុលា ឆ្នាំ២០២១នេះ បានបើកការស៊ើបសួរលើសំណុំរឿងរបស់បុរសម្នាក់ដែលជាតៃកុងរថយន្តបង្កជាគ្រោះថ្នាក់ចរាចរណ៍ រហូតបណ្តាលឲ្យ
រាជធានីភ្នំពេញ ៖ តំណាងអយ្យការអមសាលាដំបូងរាជធានីភ្នំពេញ នៅរសៀលថ្ងៃទី១៧ ខែតុលា ឆ្នាំ២០២១នេះ បានបើកការស៊ើបសួរលើសំណុំរឿងរបស់បុរសម្នាក់ដែលជាតៃកុងរថយន្តបង្កជាគ្រោះថ្នាក់ចរាចរណ៍ រហូតបណ្តាលឲ្យមនុស្ស៣នាក់បានស្លា.ប់ និង៣នាក់ទៀតរងរបួសធ្ងន់ កាលពីយប់ថ្ងៃទី១៦ ខែតុលា ឆ្នាំ២០២១ ស្ថិតក្នុងខណ្ឌពោធិ៍សែនជ័យ។
គួររំលឹកថា កាលពីយប់ថ្ងៃសៅរ៍ ទី១៦ ខែតុលា ឆ្នាំ២០២១ មនុស្សប្រុសស្រី៣នាក់បានស្លា.ប់ និងមនុស្សប្រុសស្រី៣នាក់ទៀតរងរបួសធ្ងន់ ហើយត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗ បន្ទាប់ពីមានបុរសម្នាក់ រួមដំណើរនឹងបុរសម្នាក់ទៀតបានបើករថយន្តធុនត្រាមួយគ្រឿងក្នុងល្បឿនលឿនដូចហោះ រួចក៏បានរេចង្កូតបុករះ កាលពីវេលាម៉ោងប្រមាណ១០និង៤០នាទីយប់ ថ្ងៃទី១៦ ខែតុលា ឆ្នាំ២០២១ ត្រង់ចំណុចខាងលិចសួនឧស្សាហកម្មកាណាឌីយ៉ា ប្រមាណ៥០ម៉ែត្រតាមបណ្ដោយផ្លូវវេងស្រេង ក្នុងសង្កាត់ចោមចៅទី១ ខណ្ឌពោធិ៍សែនជ័យ ។
សមត្ថកិច្ចបានឲ្យដឹងថា ស.ពជនរងគ្រោះទាំង៣នាក់ និងអ្នករងរបួសធ្ងន់-ស្រាលចំនួន៣នាក់ទៀត មិនទាន់ស្គាល់អត្តសញ្ញាណនៅឡើយ។
តាមប្រភពព័ត៌មាននៅកន្លែងកើតហេតុ បានប្រាប់ឲ្យដឹងថា មុនកើតហេតុ គេបានឃើញបុរសម្នាក់ រួមដំណើរនឹងបុរសម្នាក់ទៀតបើករថយន្ដមួយគ្រឿងម៉ាកធុនត្រា ពណ៌ខ្មៅ ពាក់ស្លាកលេខ ភ្នំពេញ 2AG-7060 ធ្វើដំណើរតាមបណ្តោយផ្លូវ២១៧ ក្នុងទិសដៅពីត្បូងទៅជើង បានប៉ះម៉ូតូមួយគ្រឿងរងការខូចខាតបន្តិចបន្តួច តែមិនព្រមឈប់ដោះស្រាយនោះទេ ហើយព្យាយាមបើករត់ឡើងទៅផ្លូវវេងស្រេង ក្នុងទិសដៅពីកើតទៅលិច ក្នុងល្បឿនលឿនដូចហោះ លុះមកដល់កន្លែងកើតហេតុ ស្របពេលមេឃកំពុងធ្លាក់ភ្លៀងផងនោះ ក៏បានរេចង្កូតមកទៅខាងស្ដាំដៃ រួចក៏ឡើងលើចិញ្ចើមផ្លូវ ហើយបុករះម៉ូតូរទេះលក់សាច់គោអាំង និងសំយ៉ាបផ្ទះប្រជាពលរដ្ឋ រួមទាំងស្លាកសញ្ញាចរាចរណ៍ បណ្ដាលឲ្យដួល និងបែកបាក់រាយពេញផ្លូវ ព្រមទាំងសម្ភារមួយចំនួនទៀតរងការខូចខាត ។
ចំណែកមនុស្សប្រុសស្រី៦នាក់ដែលកំពុងឈរនៅចិញ្ចើមផ្លូវនោះ បណ្ដាលឲ្យស្លា.ប់៣នាក់នៅនឹងកន្លែងកើតហេតុភ្លាមៗ រីឯមនុស្សប្រុស-ស្រី៣នាក់ទៀតបានរងរបួសធ្ងន់ ហើយត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យភ្លាមៗ។
ភ្លាមៗនោះម្ចាស់រថយន្តបង្ក និងអ្នករួមដំណើរ បាននាំគ្នារត់គេចខ្លួន តែត្រូវបានប្រជាពលរដ្ឋនាំគ្នាធ្វើការឃាត់ខ្លួន រួចប្រគល់ជូនសមត្ថកិច្ចបញ្ជូនទៅអធិការរដ្ឋានខណ្ឌពោធិ៍សែនជ័យភ្លាមៗ។ ដោយឡែកស.ពជនរងគ្រោះ សមត្ថកិច្ចបានធ្វើកំណត់ហេតុ រួចទំនាក់ទំនងរកសាច់ញាតិមកទទួលយកទៅធ្វើបុណ្យតាមប្រពៃណី។ បច្ចុប្បន្ននេះ ជនត្រូវចោទកំពុងស្ថិតក្នុងដំណាក់កាលតំណាងអយ្យការអមសាលាដំបូងរាជធានីភ្នំពេញ បើកការស៊ើបសួរនៅឡើយ ។
គួររំលឹកទៀតថា ៖ បុរសម្នាក់បើកលឿនដូចហោះបុករះ ធ្វើឱ្យមនុស្សស្លា.ប់៣នាក់ និង៣នាក់ទៀតរបួសធ្ងន់ ៕
ចែករំលែកព័តមាននេះ