អតីតប្រធានាធិបតីអាមេរិក Bill Clinton ចូលមន្ទីរពេទ្យ ក្រោយឆ្លងរោគម្យ៉ាង
សហរដ្ឋអាមេរិក ៖ អតីតប្រធានាធិបតីទី ៤២របស់អាមេរិក លោក Bill Clinton ត្រូវបានគេបញ្ជូនទៅព្យាបាលនៅមន្ទីរពេទ្យ
សហរដ្ឋអាមេរិក ៖ អតីតប្រធានាធិបតីទី ៤២របស់អាមេរិក លោក Bill Clinton ត្រូវបានគេបញ្ជូនទៅព្យាបាលនៅមន្ទីរពេទ្យដោយសារការឆ្លងរោគនៅផ្លូវបង្ហូរទឹកនោមដែលរាលដាលដល់ចរន្តឈាម។ នេះបើតាមវេជ្ជបណ្ឌិតរបស់លោកថ្លែងប្រាប់គេហទំព័រ CNN កាលពីថ្ងៃព្រហស្បតិ៍។
បើតាមសេចក្តីប្រកាសរួមរបស់វេជ្ជបណ្ឌិត និងពេទ្យផ្ទាល់ខ្លួន លោក Bill Clinton ត្រូវបានបញ្ជូនទៅកាន់បន្ទប់ដែលមានការថែទាំងយ៉ាងយកចិត្តទុកដាក់ ដើម្បីតាមសុខភាពគាត់ឲ្យបានដិតដល់។
វេជ្ជបណ្ឌិត និងបុគ្គលិកនិយាយថា លោក Bill Clinton មានស្មារតីល្អ ដោយបានជជែកលេងជាមួយនឹងគ្រួសារ និងបុគ្គលិក និងបានក្រោកឈរឡើងដើរទៀតផង។
«ក្រោយពេលការព្យាបាលរយៈពេល ២ថ្ងៃ កោសិកាឈា.មក្រហមរបស់លោកបានថយចុះ ហើយលោកមានការឆ្លើយតបទៅនឹងថ្នាំអង់ទីប៊ីយោទិកបានយ៉ាងល្អ។ យើងសង្ឃឹមថាគាត់នឹងអាចត្រឡប់ទៅផ្ទះវិញឆាប់ៗ»។
វេជ្ជបណ្ឌិតបញ្ជាក់ថា ការបញ្ជូនលោកទៅកាន់មន្ទីរពេទ្យមិនទាក់ទងនឹងជំងឺបេះដូង ឬកូវីដ-១៩ឡើយ៕ (យោងតាមប្រភព៖ CNN)
ដើម្បីដឹងប្រវត្តិសង្ខេបរបស់លោក Bill Clinton សូមចុច Link នេះ ៖ https://www.facebook.com/watch/?v=440608603645963
ចែករំលែកព័តមាននេះ