ADផ្ទាំងផ្សព្វផ្សាយពាណិជ្ជកម្ម

Picture

ដា​ណឺ​ម៉ាក ក្រុម​ទី​២​បាន​កៅអី​ទៅ​លេង World Cup 2022 ជាមួយ​ស្ថិតិ​ដ៍​អស្ចារ្យ

1 អាទិត្យ មុន

ដា​ណឺ​ម៉ាក ៖ ក្រុមបាល់ទាត់​ជម្រើសជាតិ​ដា​ណឺ​ម៉ាក ទទួល​បាន​កៅអី​ឡើង​ទៅ​លេង​ព្រឹត្តិការណ៍ World Cup 2022 ដែល​រៀបចំ​ឡើង​

ដា​ណឺ​ម៉ាក ៖ ក្រុមបាល់ទាត់​ជម្រើសជាតិ​ដា​ណឺ​ម៉ាក ទទួល​បាន​កៅអី​ឡើង​ទៅ​លេង​ព្រឹត្តិការណ៍ World Cup 2022 ដែល​រៀបចំ​ឡើង​ដោយ​ប្រទេស​កា​តា ក្រោយ​យកឈ្នះ​ក្រុម​ជម្រើសជាតិ​អូ​ទ្រី​ស​ដោយ​លទ្ធផល ១-០ នៅ​ក្នុង​ការ​ប្រកួត​វគ្គ​ជម្រុះ​តាម​ពូ​ល​ប្រចាំ​តំបន់​អឺរ៉ុប​។ គួររំលឹកថា អា​ល្លឺ​ម៉​ង់​បាន​ក្លាយជា​ក្រុម​ដំបូង​គេ​ឡើង​ទៅ​លេង​ព្រឹត្តិការណ៍ World Cup 2022

គ្រាប់​បាល់​ជ័យជម្នះ​របស់​ម្ចាស់ផ្ទះ​ដា​ណឺ​ម៉ា​កលើ​អូ​ទ្រី​ស នៅ​ឯ​កីឡដ្ឋាន Parken កាលពី​យប់មិញ សម្រេច​បាន​ដោយ​ខ្សែការពារ Joakim Maehle នៅ​នាទី​៥៣​។ នៅ​ក្នុង​វគ្គ​ជម្រុះ World Cup 2022 ប្រចាំ​តំបន់​អឺរ៉ុប ដា​ណឺ​ម៉ាក​ជា​ក្រុម​តែ​១​គត់​មិន​ទាន់​ស្គាល់​ចាញ់ និង​ស្មើ​។ ដោយ​៨​ប្រកួត​កន្លង​មក​ក្នុង​ពូ​ល F ឈ្នះ​ទាំងអស់ ហើយ​កាន់តែ​ពិសេស​ថែម​ទៅ​ទៀត​នោះ ជ័យជម្នះ​ទាំង​៨​ប្រកួត​នេះ មិន​ទាន់​មាន​ក្រុម​ណា​ស៊ុត​បញ្ចូល​ពួក​គេ​បាន​នៅឡើយ​ទេ​។

ដា​ណឺ​ម៉ាក​ឈរ​នៅ​កំពូល​តារាង​ពូ​ល F មាន​២៤​ពិន្ទុ តាម​ពីក្រោយ​ដោយ​ស្កុ​តឡែ​ន​មាន​១៧​ពិន្ទុ​, អ៊ី​ស្រា​អែ​ល​មាន​១៣​ពិន្ទុ​, អូ​ទ្រី​សមាន​១០​ពិន្ទុ​, Faroe Islands មាន​៤​ពិន្ទុ និង​ម៉ុ​ល​ដា​វី​មាន​ត្រឹម​១​ពិន្ទុ​។ ខណៈ​សល់​២​ប្រកួត​ទៀត ទើប​បញ្ចប់​ការ​ប្រកួត​ក្នុង​ពូ​ល​នេះ​។

ទោះ​យ៉ាង​តាម​រយៈ​ជ័យជម្នះ​លើ​អូ​ទ្រី​ស បាន​ធានា​កៅអី​ឱ្យ​ដា​ណឺ​ម៉ាក​ឡើង​ទៅ​លេង​ព្រឹត្តិការណ៍ World Cup 2022 ដែល​នឹង​ត្រូវ​ចាប់ផ្តើម​ដំណើរការ​ប្រកួត​នា​ថ្ងៃ​ទី​២១ ខែវិច្ឆិកា រហូត​ដល់​ថ្ងៃ​ទី​១៨ ខែធ្នូ ឆ្នាំ​២០២២ ខាង​មុខ​។

ដា​ណឺ​ម៉ាក​ក្រោម​ការ​ដឹកនាំ​របស់​គ្រូបង្វឹក Kasper Hjulmand បាន​ក្លាយជា​ក្រុម​ទី​២ បន្ទាប់​ពី​អា​ល្លឺ​ម៉​ង់​ដែល​ជា​ក្រុម​ដំបូង​គេ​កក់​កៅអី​ឡើង​ទៅ​លេង​ព្រឹត្តិការណ៍ World Cup 2022 ក្រោយ​យកឈ្នះ​លើ​ម៉ា​សេ​ដូន​ខាងជើង​ដោយ​លទ្ធផល ៤-០ នៅ​វគ្គ​ជម្រុះ​ក្នុង​ពូ​ល J កាលពី​ថ្ងៃ​ទី​១១ ខែតុលា កន្លង​ទៅ​៕ (​ដកស្រង់​ចេញពី Reuters)

Picture
Picture
Picture
Picture
Picture
Picture
Picture
Picture