រាជធានីភ្នំពេញ ៖ ហាងលក់សម្លៀកបំពាក់មួយកន្លែងដែលមានទីតាំងនៅម្តុំផ្សារតាប៉ាងយីហោ «ឌីយ៉ាម៉ង់» បានបង្កការភ្ញាក់ផ្អើលបន្ទាប់ពីមានករណីទុស្សេខ្សែភ្លើងក្នុងហាង បណ្តាលឱ្យឆេះខោអាវ និងស្បែកជើងអស់ជិត១០០% ។
រាជធានីភ្នំពេញ ៖ ហាងលក់សម្លៀកបំពាក់មួយកន្លែងដែលមានទីតាំងនៅម្តុំផ្សារតាប៉ាងយីហោ «ឌីយ៉ាម៉ង់» បានបង្កការភ្ញាក់ផ្អើលបន្ទាប់ពីមានករណីទុស្សេខ្សែភ្លើងក្នុងហាង បណ្តាលឱ្យឆេះខោអាវ និងស្បែកជើងអស់ជិត១០០% ។
ហេតុការណ៍នេះ កើតឡើងកាលពីវេលាម៉ោង០៣ និង៣០នាទីទៀបភ្លឺថ្ងៃទី១៥ មីនា ២០១៦ ស្ថិតនៅតាមបណ្តោយផ្លូវ១៣៦ កែងផ្លូវ៥១ ចំណុចហាងលក់សម្លៀកបំពាក់បុរសឌីយ៉ាម៉ង់ ស្ថិតនៅក្នុងផ្ទះលេខ៤០Eo ក្នុងសង្កាត់ផ្សារថ្មី៣ ខណ្ឌដូនពេញ ។
តាមប្រភពឱ្យដឹងថា មុនពេលកើតហេតុ បុគ្គលិកក្នុងហាងមានទាំងអស់៨នាក់ (ប្រុស៥) កំពុងដេកលង់លក់ ។ មួយសន្ទុះ ស្រាប់តែមានផ្សែងហ៊ុយចេញមកពីខាងក្រោយផ្ទះ ផ្អើលដល់ម្ចាស់ហាង និងបុគ្គលិកនាំគ្នារត់មក និងរកកូនសោចាក់ទ្វាររត់ចេញ តែរកមិនឃើញទៀត ព្រោះភ័យស្លន់ស្លោ និងផ្សែងហ៊ុយខ្លាំងពេក ហើយក៏ត្រូវអ្នកជិតខាងនាំគ្នាជួយអន្តរាគមន៍យកបំពង់ពន្លត់មកវាយឱ្យ
របូតសោ ទើបនាំគ្នារត់ចេញមកបាន ។
ក្នុងហេតុការណ៍នោះ គេឃើញមានរថយន្តពន្លតអគ្គិភ័យមកជួយអន្តរាគមន៍បាញ់ពន្លត់អស់រយៈពេលជាង២ម៉ោង តាំងពីម៉ោង៣ និង៣០នាទី ទៀបភ្លឺរហូតដល់ម៉ោង០៥ និង៥០នាទីព្រឹកថ្ងៃដដេល ។
ចែករំលែកព័តមាននេះ