ខេត្តក្រចេះ ៖ ជនជាតិចិន៧នាក់ដែលបានប្រព្រឹត្តល្បែងស៊ីសងដោយខុសច្បាប់ ត្រូវបានកម្លាំងនគរបាលព្រហ្មទណ្ឌនៃការដ្ឋាននគរបាលខេត្តក្រចេះ ចុះបង្ក្រាបដោយឃាត់ខ្លួននិងដកហូតវត្ថុតាងមួយចំនួន ធ្វើឡើងកាលពីសៀលថ្ងៃទី១១ តុលា ឆ្នាំ២០២១ ។ លោកវរសេនីយ៍ឯក…
ខេត្តក្រចេះ ៖ ជនជាតិចិន៧នាក់ដែលបានប្រព្រឹត្តល្បែងស៊ីសងដោយខុសច្បាប់ ត្រូវបានកម្លាំងនគរបាលព្រហ្មទណ្ឌនៃការដ្ឋាននគរបាលខេត្តក្រចេះ ចុះបង្ក្រាបដោយឃាត់ខ្លួននិងដកហូតវត្ថុតាងមួយចំនួន ធ្វើឡើងកាលពីសៀលថ្ងៃទី១១ តុលា ឆ្នាំ២០២១ ។
លោកវរសេនីយ៍ឯក គុណ សុភ័ណ្ឌ ស្នងការរងទទួលផែនការងារព្រេហ្មទណ្ឌបានឲ្យដឹងថា ដោយមានការចង្អុលបង្ហាញពីលោកឧត្តមសេនីយ៍ លន់ សុផាត ស្នងការនគរបាលខេត្តក្រចេះ កម្លាំងនគរបាលព្រហ្មទណ្ឌ សហការជាមួយកម្លាំងអធិការដ្ឋាននគរបាលស្រុកស្នួល ដឹកនាំដោយលោក វរសេនីយ៍ឯក គុណ សុភ័ណ្ឌ ស្នងការរងទទួលផែនការងារនគរបាលព្រហ្មទណ្ឌ និងសម្របសម្រួលនីតិវិធីដោយលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្តក្រចេះ បានចុះធ្វើការបង្ក្រាបករណី ល្បែងស៊ីសងខុសច្បាប់ (បៀរម៉ាជាំង) ០១កន្លែង នៅចំណុចរវៀងជ័យ ភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ ក្នុងនោះបានឃាត់ខ្លួនជនជាតិចិនចំនួន០៧នាក់ ស្រី០១នាក់ ព្រមទាំងដកហូតវត្ថុតាង តុម៉ាស៉ីនចែកបៀរ និងបៀរ(ម៉ាជាំង)មួយចំនួនទៀត ។
គួរបញ្ជាក់ថា បច្ចុប្បន្នអ្នកប្រព្រឹត្រល្បែងទាំង០៧នាក់ខាងលើ កំពុងត្រូវបានឃាត់ខ្លួនបណ្ដោះអាសន្ន និងបញ្ជូនទៅការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលខេត្តក្រចេះ ដើម្បីធ្ចើការសាកសួរតាមនិរិវិធី ។
ចែករំលែកព័តមាននេះ