ប្រើទូរស័ព្ទដៃយូរឆ្នាំបង្កើនហានិភ័យមហារីកខួរក្បាល
ក្រុមអ្នកស្រាវជ្រាវស៊ុយអែតបានអះអាងថា បណ្តាបុគ្គលដែលប្រើប្រាស់ទូរស័ព្ទដៃចាប់ពី២៥ឆ្នាំឡើងទៅប្រឈមនឹងហានិភ័យកើតជំងឺមហារីកខួរក្បាល៣ដងធៀបនឹងអ្នកប្រើតិច ។
ក្រុមអ្នកស្រាវជ្រាវស៊ុយអែតបានអះអាងថា បណ្តាបុគ្គលដែលប្រើប្រាស់ទូរស័ព្ទដៃចាប់ពី២៥ឆ្នាំឡើងទៅប្រឈមនឹងហានិភ័យកើតជំងឺមហារីកខួរក្បាល៣ដងធៀបនឹងអ្នកប្រើតិច ។
វេជ្ជបណ្ឌិត Lennart Hardell អ្នកដឹកនាំការសិក្សាមកពីសាកលវិទ្យាល័យមន្ទីរពេទ្យ University Hospital ក្រុង Orebro ប្រទេសស៊ុយអែតបានថ្លែងក្នុងបទសម្ភាសថា ហានិភ័យគឺខ្ពស់ជាង៣ដងក្រោយពីប្រើប្រាស់ទូរស័ព្ទអស់រយៈពេល២៥ឆ្នាំ ។ យើងអាចមើលឃើញបញ្ហានេះបានយ៉ាងច្បាស់ ។
ការពិសោធលើមនុស្ស១ពាន់៣៨០នាក់រកឃើញថា អ្នកដែលប្រើទូរស័ព្ទចន្លោះពី២០-២៥ឆ្នាំប្រឈមនឹងការដុះសាច់ក្នុងខួរក្បាលជិតទ្វេដងខណៈអ្នកប្រើលើសពី២៥ឆ្នាំឡើងទៅ ការប្រឈមគឺមានជាង៣ដង ។ ក្រុមអ្នកស្រាវជ្រាវពន្យល់ថា ទូរស័ព្ទបានបញ្ចេញនូវថាមពលរលកហ្វ្រេកង់ ដែលអាចត្រូវបានស្រូបយកដោយបណ្តាជាលិកានៅកៀកបំផុតនឹងទូរស័ព្ទ ។ ចំពោះក្មេងៗគឺងាយនឹងរងគ្រោះបំផុត នេះពីព្រោះក្បាលរបស់ពួកគេមានទំហំតូច លលាដ៍ស្តើង និងលក្ខណៈចម្លងអគ្គិសនីមានកម្រិតខ្ពស់ ។
យ៉ាងណាក៏ដោយ លទ្ធផលខាងលើនេះហាក់ផ្ទុយគ្នាស្រឡះនឹងការរកឃើញពីលើកមុនដែលដឹកនាំដោយភ្នាក់ងារអន្តរជាតិសម្រាប់ការស្រាវជ្រាវពីជំងឺមហារីក ។ ការសិក្សាស្រាវជ្រាវដែលផ្តល់មូលនិធិដោយបណ្តាក្រុមហ៊ុនទូរស័ព្ទដៃនិងចេញផ្សាយក្នុងឆ្នាំ២០១០ បរាជ័យមិនបានរកឃើញភ័ស្តុតាងរឹងមាំណាមួយដែលបញ្ជាក់ថា ទូរស័ព្ទចល័តបង្កើនហានិភ័យដុះសាច់ក្នុងខួរក្បាលនោះឡើយ ៕
ចែករំលែកព័តមាននេះ