រាជធានីភ្នំពេញ ៖ កញ្ញា ខុម ចាន់ដារាទី ហៅស្រីមុំ អាយុ២៥ឆ្នាំ សង្ស័យជាស្ត្រីដែលរងការចោទប្រកាន់ពាក់ព័ន្ធរឿងរ៉ាវស្នេហាជាមួយលោកកឹម សុខា ត្រូវបាននាយកដ្ឋានប្រឆាំងភេរវកម្មក្រសួងមហាផ្ទៃ ហៅមកសាកសួរនៅថ្ងៃទី១១ មីនា ២០១៦ តាមការកោះរបស់ក្រសួងមហាផ្ទៃ ជាលក្ខណៈអសាធារណៈដែលមិនអនុញ្ញាតឱ្យអ្នកកាសែតដឹងទេ ។
រាជធានីភ្នំពេញ ៖ កញ្ញា ខុម ចាន់ដារាទី ហៅស្រីមុំ អាយុ២៥ឆ្នាំ សង្ស័យជាស្ត្រីដែលរងការចោទប្រកាន់ពាក់ព័ន្ធរឿងរ៉ាវស្នេហាជាមួយលោកកឹម សុខា ត្រូវបាននាយកដ្ឋានប្រឆាំងភេរវកម្មក្រសួងមហាផ្ទៃ ហៅមកសាកសួរនៅថ្ងៃទី១១ មីនា ២០១៦ តាមការកោះរបស់ក្រសួងមហាផ្ទៃ ជាលក្ខណៈអសាធារណៈដែលមិនអនុញ្ញាតឱ្យអ្នកកាសែតដឹងទេ ។
កញ្ញា ខុម ចាន់ដារាទី ហៅស្រីមុំ ត្រូវបាននាយកដ្ឋានប្រឆាំងភេរវកម្មកោះហៅចំនួន២ដងហើយ ដើម្បីសាកសួរតាមបណ្ដឹងរបស់កញ្ញា ធី សុវណ្ណថា ដែលប្ដឹងឱ្យរកម្ចាស់សំឡេងសន្ទនាជាមួយលោកកឹម សុខា បរិហារកេរ្តិ៍លើរូបនាង ។ បើទោះបីជាចូលទៅបំភ្លឺនៅក្រសួងមហាផ្ទៃក្តី មិនមានការបញ្ជាក់ថា កញ្ញាស្រីមុំបាននិយាយអ្វីខ្លះ និងប៉ូលិបានសួរយ៉ាងទេ ព្រោះប៉ូលិសកំពុងស៊ើបអង្កេត ។
ចុងបញ្ចប់នៅវេលាម៉ោង៩ព្រឹកថ្ងៃទី១១ មីនា នេះ កញ្ញាខុម ចាន់ដារ៉ាទី ហៅស្រីមុំ ដែលជាតួអង្គក្នុងរឿងសំឡេងសន្ទនាជាមួយលោកកឹម សុខា បានចូលខ្លួនឆ្លើយបំភ្លឺនៅនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែននៃក្រសួងមហាផ្ទៃ ។ កញ្ញាស្រីមុំ បានចូលបំភ្លឺនេះ ជាមួយនឹងលោកស្រី ទ្រី ឈួន មេធាវីរបស់សមាគមអាដហុក និងមានការតាមឃ្លាំមើលពីមន្ត្រីអង្គការលីកាដូ និងអង្គការអាដហុក រួមទាំងការសែតជាតិ និងអន្តរជាតិផងដែរ ។
ការចូលទៅកាន់ក្រសួងមហាផ្ទៃនេះ បានធ្វើឡើងបន្ទាប់បីកាលពីថ្ងៃទី៩ មីនា នាងបានចេញមុខបដិសេធថា នាងមិនមានពាក់ព័ន្ធរឿងរ៉ាវស្នេហាជាមួយលោកកឹម សុខា ដូចការចោទប្រកាន់ឡើយ ហើយនាងអះអាងថា សំឡេងនៅក្នុងខ្សែអាត់នោះ មិនមែនជាសំឡេងរបស់នាងនោះទេ ។
នៅថ្ងៃនេះដែរ ក៏មានយុវជនមួយក្រុមដែលអះអាងថា ជានិស្សិតមកពីសាកលវិទ្យាល័យនានា បានយកលិខិតមួយច្បាប់ យកទៅឱ្យកញ្ញាខុម ចាន់ដារាទី ដល់ក្រសួងមហាផ្ទៃ ដើម្បីអញ្ជើញកញ្ញាខុម ចាន់ដារាទី ចូលរួមសិក្ខាសាលារបស់ពួកគេ នៅរសៀលថ្ងៃទី១១មីនា ២០១៦ នេះ ។
និស្សិតនោះមិនបានបង្ហាញថា ជានិស្សិតមកពីណាច្បាស់ទេ កន្លងមកក្រុមយុវជនមួយក្រុមនេះ តែងតែទៅតាមវេទិកាសាធារណៈរបស់គណបក្សសង្គ្រោះជាតិ ដើម្បីជជីកសួរឱ្យប្រធានស្ដីទីបក្សប្រឆាំង លោកកឹម សុខា បកស្រាយពីខ្សែអាត់សំឡេងរឿងរ៉ាវស្នេហានោះ តែមិនបានសម្រេច ។
ចែករំលែកព័តមាននេះ