ភាសិតបុរាណពោលថា «សម្តីជាអាទិ៍កន្លង បានសុខទុក្ខផងព្រោះសម្តី» ពាក្យសម្តីបើកាលណាពោលឡេះឡោះច្រើនទៅដោយពាក្យឥតន័យ ឥតខ្លឹមសារ គ្មានប្រយោជន៍ដល់អ្នកស្តាប់ ជួនកាលធ្លោយនាំឱ្យប៉ះពាល់ដល់កិត្តិយសអ្នកដទៃក៏ជាហេតុនាំទុក្ខមកដាក់ខ្លួន ហេតុនេះមុននឹងហាមាត់និយាយគួរគិតថ្លឹងថ្លែងពាក្យនោះជាមុនសិន ហើយពោលតែពាក្យណាមានប្រយោជន៍ទៅបានហើយ ។…
ភាសិតបុរាណពោលថា «សម្តីជាអាទិ៍កន្លង បានសុខទុក្ខផងព្រោះសម្តី» ពាក្យសម្តីបើកាលណាពោលឡេះឡោះច្រើនទៅដោយពាក្យឥតន័យ ឥតខ្លឹមសារ គ្មានប្រយោជន៍ដល់អ្នកស្តាប់ ជួនកាលធ្លោយនាំឱ្យប៉ះពាល់ដល់កិត្តិយសអ្នកដទៃក៏ជាហេតុនាំទុក្ខមកដាក់ខ្លួន ហេតុនេះមុននឹងហាមាត់និយាយគួរគិតថ្លឹងថ្លែងពាក្យនោះជាមុនសិន ហើយពោលតែពាក្យណាមានប្រយោជន៍ទៅបានហើយ ។ សូមពិចារណានូវវាចាទាំង៨ចំណុចនេះ ត្រង់ណាល្អគួរកាន់យក ចំណុចណាឥតប្រយោជន៍គួរលះចេញ ។
១- សម្តីសំដៅជម្រៅចិត្ត ២- សម្តីល្អពិតមានមិត្តច្រើន ៣- សម្តីនាំទ្រព្យសម្បត្តិកើន ៤- សម្តីព្រហើនកើតជម្លោះ ៥- សម្តីល្អគាប់ជាប់ចិត្ដស្តាប់ ៦- សម្តីតែងប្រាប់ពីកេរ្តិ៍ឈ្មោះ ៧- សម្តីនាំស្លាប់ហើយនាំរស់ ៨- សម្តីពីរោះឈ្មោះប្រពៃ ។
សម្តីពីរោះពិសាជាវត្តបទមួយក្នុងចំណោមវត្តបទទាំង៧ដែលជាធម៌នាំឱ្យកើតជាព្រះឥន្ទ សូមសាធុជនពោលតែពាក្យមានន័យ ផ្តល់ប្រយោជន៍ដល់អ្នកដទៃ ហើយប្រកបដោយមធុវាចាផង នោះលោកអ្នកនឹងបានជាទីគោរពស្រឡាញ់អំពីមនុស្សគ្រប់ទីឋាន ៕ សាន សារិន
ចែករំលែកព័តមាននេះ