ធម៌បួនយ៉ាងនាំឲ្យគ្រហស្ថសម្រេចប្រយោជន៍ភ្លាមក្នុងបច្ចុប្បន្ន គឺមិនចាំបាច់ត្រូវរង់ចាំទៅជាតិមុខ ឬជាតិក្រោយនោះឡើយ ។
១- ព្យាយាមរកទ្រព្យដោយផ្លូវសុចរិតត្រឹមត្រូវ ។
២- រក្សាទ្រព្យដែលរកបានមកឱ្យបានគង់វង្ស ។
៣- សេពគប់មិត្តជាសប្បុរស ជាអ្នកមានកាយសុចរិត វចីសុចរិត និងមនោសុចរិត ។
៤- ចិញ្ចឹមជីវិតដោយល្មមស្មើ ពោលគឺការមិនលោភលន់ហួសប្រមាណ ។
កាលណាគ្រហស្ថមានធម៌បួនយ៉ាងនេះហើយ សេចក្ដីសុខបួនយ៉ាងនឹងកើតឡើងប្រាកដគឺ៖
១- សុខព្រោះមានទ្រព្យ ២- សុខព្រោះបានប្រើប្រាស់ទ្រព្យ ៣- សុខព្រោះមិនជំពាក់បំណុលគេ និង៤- សុខព្រោះមានការងារធ្វើដ៏ត្រឹមត្រូវ ជាការងារមិនមានទោស ៕ សាន សារិន
ចែករំលែកព័តមាននេះ