ខេត្តបាត់ដំបង ៖ កាលពីថ្ងៃទី៥-៦ ខែមីនា ការប្រកួតវគ្គជម្រុះក្នុងក្របខ័ណ្ឌ Tiger Street Football Festival 2016 បានប្រារព្ធធ្វើឡើងនៅមណ្ឌលខេត្តបាត់ដំបង ផ្សារទំនើបភូពុយ ក្រោយពីបញ្ចប់ការប្រកួតជម្រុះនៅមណ្ឌល
ខេត្តបាត់ដំបង ៖ កាលពីថ្ងៃទី៥-៦ ខែមីនា ការប្រកួតវគ្គជម្រុះក្នុងក្របខ័ណ្ឌ Tiger Street Football Festival 2016 បានប្រារព្ធធ្វើឡើងនៅមណ្ឌលខេត្តបាត់ដំបង ផ្សារទំនើបភូពុយ ក្រោយពីបញ្ចប់ការប្រកួតជម្រុះនៅមណ្ឌលខេត្តសៀមរាប យ៉ាងជោគជ័យគួរឲ្យកត់សម្គាល់កាលពីសប្តាហ៍កន្លងទៅ ។
កម្មវិធីប្រកួតវគ្គជម្រុះនៅមណ្ឌលនេះ បានទាក់ទាញការចូលរួមពីសំណាក់ក្រុមបាល់ទាត់ចំនួន៥២ក្រុម សរុបកីឡាករចំនួន៣៦៤នាក់ និងទស្សនិកជនក្នុងស្រុក និងក្រៅស្រុកជាច្រើនកុះករចូលរួមគាំទ្រក្រុមរបស់ខ្លួន និងរីករាយជាមួយកម្មវិធីពិសេសៗជាច្រើនដែលបានរៀបចំឡើងដោយស្រាបៀរTiger ដូចជាលេងល្បែងកម្សាន្តដើម្បីឈ្នះរង្វាន់ ជាវសម្ភារកីឡាក្នុងតម្លៃពិសេស ថតរូបទុកអនុស្សាវរីយ៍ និងមានកម្មវិធីកម្សាន្តច្រើនបែបទៀត ។ នៅពេលល្ងាច មានកម្មវិធីលក់ពិសេសសម្រាប់ការជាវស្រាបៀរថៃហ្គ័រទទួលទាន រួមទាំងការប្រគំតន្ត្រី ដែលចូលរួមពីសំណាក់តារាចម្រៀងល្បីៗប្រចាំព្រះរាជាណាចក្រកម្ពុជាដូចជា លោក ឆន សុវណ្ណារាជ ,កញ្ញា ពេជ្រ សោភា ,លោក ឆាយ វីរៈយុទ្ធ ,កញ្ញា សុគន្ធ នីសា ,លោក ណុប បាយ៉ារិទ្ធ ,កញ្ញា អុីវ៉ា, កញ្ញា សួស វីហ្សា និងលោក ខាន់ ជេមស៍ ដែលញ៉ាំងឲ្យកម្មវិធីប្រកួតវគ្គជម្រុះនៅមណ្ឌលបាត់ដំបងបានបញ្ចប់ដោយទទួលបានភាពជោគជ័យយ៉ាងធំធេង ។
សម្រាប់ការប្រកួតនៅមណ្ឌលបាត់ដំបងរយៈពេលពីរថ្ងៃជាប់គ្នា គេបានរកឃើញក្រុមខ្លាំងចំនួន៥ក្រុមដែលត្រូវចូលប្រកួតវគ្គផ្តាច់ព្រ័ត្រនាថ្ងៃទី១៣ ខែមីនា រួមមានក្រុម FC Crown ដែលជាក្រុមជាប់ជ័យលាភីលេខ ១ បានទទួលរង្វាន់ជាប្រាក់១.៥០០ដុល្លារ, ក្រុម B.M.S Club ដែលជាក្រុមជាប់ជ័យលាភីលេខ២ បានទទួលរង្វាន់ជាប្រាក់១.០០០ដុល្លារ, ក្រុមធនាគារស្រូវដែលជាក្រុមជាប់ជ័យលាភីលេខ៣ បានទទួលរង្វាន់ជាប្រាក់៥០០ដុល្លារ ក្រុម FOX Zone (B) ដែលជាក្រុមជាប់ជ័យលាភីលេខ៤ បានទទួលរង្វាន់ជាប្រាក់២០០ដុល្លារ និងក្រុមលេខ៥ គឺក្រុម Tiger Night ។
ការប្រកួតជម្រុះក្នុងកម្មវិធី Tiger Street Football Festival 2016 នឹងធ្វើឡើងនៅមណ្ឌលចុងក្រោយគឺនៅរាជធានីភ្នំពេញមជ្ឈមណ្ឌលកោះពេជ្រខាងមុខសាលមហោស្រពនៅថ្ងៃទី១១-១២ ខែមីនា ។
ដូច្នេះសូមកុំភ្លេចចូលរួមទស្សនាការប្រកួតជម្រុះនៅរាជធានីភ្នំពេញឲ្យបានច្រើនកុះករ។
ស្តែងចេញនូវភាពអស្ចារ្យ ដណ្តើមយកក្តីសុបិនអ្នកជាមួយ Tiger Street Football Festival 2016៕
ចែករំលែកព័តមាននេះ