រាជធានីភ្នំពេញ ៖ ជញ្ជ្រាំងស្រូវនៅក្នុងវាលស្រែជាង១ហិកតា ត្រូវបានភ្លើងឆេះបង្កឲ្យមានការភ្ញាក់ផ្អើលកាលពីវេលាម៉ោង៨យប់ថ្ងៃទី៩ ខែមីនា ស្ថិតនៅក្នុងភូមិព្រៃល្វាថ្មី សង្កាត់ចោមចៅ ខណ្ឌពោធិ៍សែនជ័យ ។
ប្រភពព័ត៌មានពីប្រជាការពារភូមិព្រៃល្វាថ្មី បានឱ្យដឹងថា មុនពេលកើតហេតុ ប្រជាការពារសង្ស័យថា អាចមានអ្នកលួចដុតលេង ហើយភ័យខ្លួនក៏រត់បាត់ទៅទុកឲ្យភ្លើងរាលដាលឆេះយ៉ាងសន្ធោសន្ធៅពាសពេញវាលស្រែតែម្តង ។ ដោយមានការភ័យខ្លាចអណ្តាតភ្លើងឆ្លងរាលដល់ឆេះដល់លំនៅឋានពលរដ្ឋដែលរស់នៅក្បែរកន្លែងកើតហេតុ កម្លាំងប្រជាការពាររួមជាមួយពលរដ្ឋបាននាំគ្នាជួយពន្លត់ សំណាងល្អហើយ ដែលវាលស្រែនោះមានទំនប់ប្រឡាយព័ទ្ធជុំវិញ តែមិនមានទឹកនោះឡើយ ។
ក្រោយពេលកើតហេតុ ប្រជាកាពារ និងប្រជាពលរដ្ឋបាននាំគ្នាជួយពន្លត់រយៈពេលកន្លះម៉ោងទើបរលត់ទៅវិញ មិនទាន់រាលដាលដល់ផ្ទះពលរដ្ឋនោះទេ គ្រាន់តែអណ្តាតភ្លើងឆាបឆេះជញ្ជ្រាំងក្នុងវាលស្រែអស់ជាង២ហិកតាប៉ុណ្ណោះ ៕
ចែករំលែកព័តមាននេះ