ផ្សព្វផ្សាយច្បាប់ស្តីពីសុវត្ថិភាពចំណីអាហារដល់សិស្សានុសិស្ស
ខេត្តបន្ទាយមានជ័យ ៖ សិស្សានុសិស្សជាច្រើនរយនាក់នៅក្រុងប៉ោយប៉ែត បានទទួលការផ្សព្វផ្សាយ និងអប់រំច្បាប់ស្តីពីសុវត្ថិភាពចំណីអាហារតាមសាលាពីសមត្ថកិច្ច
ខេត្តបន្ទាយមានជ័យ ៖ សិស្សានុសិស្សជាច្រើនរយនាក់នៅក្រុងប៉ោយប៉ែត បានទទួលការផ្សព្វផ្សាយ និងអប់រំច្បាប់ស្តីពីសុវត្ថិភាពចំណីអាហារតាមសាលាពីសមត្ថកិច្ចចម្រុះដឹកនាំដោយសាខាកាំកុងត្រូលខេត្ត កាលពីព្រឹកថ្ងៃទី៩ មីនា ។
ការចុះផ្សព្វផ្សាយច្បាប់ខាងលើនេះ គេឃើញមានការចូលរួមពីនគរបាលប្រឆាំងបទល្មើសសេដ្ឋកិច្ចខេត្ត និងក្រសួង មន្ត្រីមន្ទីរពាណិជ្ជកម្ម ក្នុងនោះក៏មានមន្ត្រីមកពីមន្ទីរនិងការិយាល័យអប់រំយុវជន និងកីឡាខេត្ត និងក្រុងប៉ោយប៉ែតផងដែរ ។
សមត្ថកិច្ចចម្រុះមុនធ្វើការផ្សព្វផ្សាយផ្ទាល់ដល់សិស្សានុសិស្ស ក៏បានត្រួតពិនិត្យរាល់ទំនិញ និងចំណីអាហារតាមតូបដែលអាជីវករលក់តាមសាលា និងបានណែនាំដល់អ្នកលក់ទាំងអស់មិនត្រូវនាំយកទំនិញ ឬចំណីអាហារហួសកាលបរិច្ឆេទប្រើប្រាស់ ឬខូចគុណភាពមកលក់នោះទេ ព្រោះធ្វើឲ្យប៉ះពាល់ដល់សុខភាពអ្នកទិញហូប ជាពិសេសសិស្សានុសិស្សនៅក្នុងសាលានេះតែម្តង ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ