រាជធានីភ្នំពេញ ៖ យុវជន២ក្រុមផឹកស៊ីក្នុងបន្ទប់ជួល២ក្បែរគ្នា ក៏ឈ្លោះប្រកែកគ្នារហូតឈានដល់ការវាយតប់បែកក្បាល, ជាំមុខដោយគ្រាន់តែច្រៀងខារ៉ាអូខេបទដូចគ្នាប៉ុណ្ណោះ ដែលហេតុការណ៍នេះបានកើតឡើង កាលពីវេលាម៉ោង០៨យប់ថ្ងៃទី៧ មីនា ២០១៦ នៅក្នុងបន្ទប់ជួលក្បែរបន្ទាយកងពលតូចលេខ៧០ ក្នុងភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ ។
រាជធានីភ្នំពេញ ៖ យុវជន២ក្រុម ផឹកស៊ីក្នុងបន្ទប់ជួល២ក្បែរគ្នា ក៏ឈ្លោះប្រកែកគ្នារហូតឈានដល់ការវាយតប់បែកក្បាល, ជាំមុខដោយគ្រាន់តែច្រៀងខារ៉ាអូខេបទដូចគ្នាប៉ុណ្ណោះ ដែលហេតុការណ៍នេះបានកើតឡើង កាលពីវេលាម៉ោង០៨យប់ថ្ងៃទី៧ មីនា ២០១៦ នៅក្នុងបន្ទប់ជួលក្បែរបន្ទាយកងពលតូចលេខ៧០ ក្នុងភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះឈ្មោះវណ្ណ ដេត ភេទប្រុស អាយុ២២ឆ្នាំ មានទីលំនៅក្បែររោងចក្រ QMI (របួសបែកក្បាល) និងម្នាក់ទៀតឈ្មោះញ៉ន ប៉េងសៀរ ភេទប្រុស អាយុ២២ឆ្នាំ ជាកម្មកររោងចក្រ មានទីលំនៅបន្ទប់ជួលភូមិ-ឃុំកើតហេតុខាងលើ (របួសស្នាមជាំមុខ) ។ ចំណែកខាងជនបង្កមិនត្រូវស្គាល់អត្តសញ្ញាណទេ ។
តាមការរៀបរាប់របស់ជនរងគ្រោះបានឱ្យដឹងថា មុនពេលកើតហេតុ រូបគេបានផឹកស៊ីជាមួយបងជនដៃដល់តាំងពីថ្ងៃត្រង់មកម្ល៉េះ ឯជនដៃដល់ ក៏ផឹកស៊ីនៅបន្ទប់ជាប់គ្នានោះដែរ ។ ពេលផឹកស៊ីរហូតដល់យប់ បន្ទប់ទាំង២ ក៏ចាប់ផ្តើមច្រៀងខារ៉ាអូខេ តែដោយសារតែបន្ទប់ជួលទាំង២ មិនមានពិដានដំបូល ទើបធ្វើឱ្យសំឡេងច្រៀងឮទៅវិញទៅមក ។
ជនរងគ្រោះបន្តថា លុះពេលច្រៀងបទដូចគ្នា ខាងជនដៃដល់មកគោះទ្វារបន្ទប់របស់ខ្លួន ហើយនិយាយថា ម៉េចឯងច្រៀងបទតាមអញអ៊ីចឹង ឯងចង់ឌឺអញមែនទេ? រួចក៏មានការប្រកែកគ្នាមួយប្រាវ ហើយជនដៃដល់ក៏ចូលទៅក្នុងបន្ទប់វិញ ឯជនរងគ្រោះមិនទាន់បានចូលបន្ទប់ទេ គឺនៅឈរខាងក្រៅ និងបាននិយាយប្រាប់បងជនដៃដល់ថា ឱ្យជួយប្រាប់ប្អូនផង ថ្ងៃក្រោយកុំឱ្យមកគោះទ្វារបន្ទប់គេផ្តេសផ្តាសទៀត មិនទាន់និយាយចប់ផង ស្រាប់តែជនដៃដល់ចេញមកវិញ ព្រមទាំងយកខ្សែក្រវ៉ាត់មកវាយក្បាលឈ្មោះវណ្ណ ដេត បណ្តាលឱ្យបែក ។ ឃើញដូចនេះឈ្មោះប៉េង សៀ ក៏ស្ទុះទៅជួយ ក៏ប្រវាយប្រតប់គ្នា ហើយក៏ត្រូវមួយដៃចំមុខដែរ ។
ក្រោយពេលកើតហេតុ ខាងជនរងគ្រោះបានមកដាក់ពាក្យបណ្តឹងនៅប៉ុស្តិ៍ចោមចៅ តែត្រូវបងជនរងគ្រោះដែលជាមិត្តភក្តិអង្វរថាមិនបាច់ប្តឹងទេ សុទ្ធតែគ្នាឯង ។ ឯខាងជនរងគ្រោះ ក៏សុខចិត្តមិនដាក់ពាក្យប្តឹងដែរ តែទាមទារជំងឺចិត្តចំនួន១៥០ដុល្លារ ដើម្បីបញ្ចប់រឿង ៕
ចែករំលែកព័តមាននេះ