ខេត្តបាត់ដំបង ៖ បើតាមសមត្ថកិច្ចស្រុកថ្មគោលរាយការណ៍ថា ក្មេងស្រីអាយុ១៦ឆ្នាំម្នាក់ បានរងរបួសយ៉ាងធ្ងន់ធ្ងរ ដែលត្រូវគេសង្ស័យថា ជាករណីរំលោភរួចប៉ុនប៉ងសម្លាប់បំបិទមាត់ កាលពីវេលាម៉ោង១១យប់ថ្ងៃទី០៦ មីនា ២០១៦ ស្ថិតនៅផ្ទះជនរងគ្រោះក្នុងស្រុកថ្មគោល ខណៈឪពុក-ម្តាយមិននៅផ្ទះ ។
ប្រភពបន្តថា បើតាមពិនិត្យ ក្មេងស្រីរងគ្រោះទំនងត្រូវជនសង្ស័យចាប់រំលោភបានសម្រេច រួចវាយបណ្ដាលឱ្យរងរបួសជាទម្ងន់ ក្នុងគោលបំណងសម្លាប់បំបិទមាត់ តែនាងមិនស្លាប់ ត្រូវបានអ្នកភូមិ និងសមត្ថកិច្ចជួយបញ្ជូនទៅមន្ទីរពេទ្យទាំងយប់ ។
បើតាមសមត្ថកិច្ចបានបញ្ជាក់ថា ក្រោយពីធ្វើការសួរនាំនៅព្រឹកថ្ងៃទី០៧ មីនា កម្លាំងជំនាញបានឃាត់ខ្លួនជនសង្ស័យម្នាក់ឈ្មោះពឿន មកសួរនាំ តែមិនទាន់មានការចោទប្រកាន់ថា ជននោះជាអ្នកប្រព្រឹត្តនោះទេ ព្រោះកំពុងសួរនាំនៅឡើយ ។
ចែករំលែកព័តមាននេះ