ក្នុងសន្និសីទពិព័រណ៍រផ្នែកបច្ចេកវិទ្យា គមនាគមន៍ និងទូរស័ព្ទកំរិតពិភពលោកប្រចាំឆ្នាំ2016 ទីក្រុងបាសេឡូណា ប្រទេសអេស្ប៉ាញ កាលពីចុងខែកុម្ភៈ ២០១៦ កន្លងទៅនេះ ក្រុមហ៊ុន Huawei បានដាក់សម្ភោធ tablet ថ្មីរបស់ខ្លួន គឺ Huawei Matebook ដែលជាឧបករណ៍២រួមគ្នាតែមួយ ពោលគឺជា Tablet ផង ជាកំព្យូទ័រផង ដែលត្រូវបានរចនាឡើងយ៉ាងពិសេសសម្រាប់អ្នកប្រើប្រាស់ដែលជាអ្នកប្រកបមុខរបរជំនួញ ។ ការរចនាឡើងក្រោមបទពិសោធន៍ ជោគជ័យរបស់ Huawei ដើម្បីធ្វើឱ្យឧបករណ៍នេះ មានភាពប្រណីត និងមានសមត្ថភាពខ្ពស់បំផុតនោះ Huawei Matebook គឺជាឧបករណ៍មានមុខងារមានគុណប្រយោជន៍យ៉ាងច្រើន ដែលរួមផ្សំទាំងភាពងាយស្រួលក្នុងការដាក់តាមខ្លួន ទាំងប្រសិទ្ធភាពនៃការប្រើប្រាស់ទាំងសម្រាប់ធ្វើការងារ និងលេងកម្សាន្តផងដែរ។
លោក Richard Yu អគ្គនាយកប្រតិបត្តិជាន់ខ្ពស់ក្រុមហ៊ុន Huawei ផ្នែក Consumer Business Group បានឱ្យដឹងថា ជាមួយនឹង tablet នេះ Huawei កំពុងតែបង្ហាញនូវសក្តានុពលភាពនៃការរចនា និងគុណភាពនៃការផលិតដោយនាំយកនូវផលិតផលដែលរចនាឡើងយ៉ាងប្រណីតទៅកាន់ទីផ្សារដែល tablet នេះផ្តល់នូវមុខមាត់ថ្មីដល់ការធ្វើជំនួញ ហើយដែលអាចតភ្ជាប់ជាមួយឧបករណ៍ផ្សេងៗបានស្ទើគ្រប់កាលៈទេសៈ។ លោកបន្តទៀតថា «Huawei បានទទួលភាពជោគជ័យក្នុងការនាំយកនូវបទពិសោធន៍នៃយល់ដឹង និងភាពឥតខ្ចោះ ដើម្បីរចនាឡើងនូវផលិតផលឧបករណ៍ចល័តដែលទាំងគុណភាព និងការរចនាល្អដាច់គេ សម្រាប់បម្រើទីផ្សារ អតិថិជនប្រកបមុខជំនួញតាមរយៈការនាំយកនូវឧបករណ៍ដែលមានសមត្ថភាពខ្ពស់សម្រាប់ធ្វើការងារ និងមានមុខងារកម្សាន្តអារម្មណ៍ជាច្រើនផងដែរ។
កម្រាស់ស្តើងអស្ចារ្យ Tablet ដ៏ថ្មីសន្លាងជាមួយនឹងការរចនាទំនើបទាន់សម័យ
ជាមួយនឹងការច្របាច់បញ្ចូលគ្នារវាងមុខងារទូរស័ព្ទចល័តដែលមានសមត្ថភាពខ្ពស់ និងមុខងារកម្មវិធីដ៏សម្បូររបស់កំព្យូទ័រ laptop នោះ Matebook ត្រូវបានរចនាឡើងជាមួយនឹងភាពទាក់ទាញមិនអាចប្រកែកបាន ។ រចនាឡើងជាមួយកម្រាស់ដ៏ស្តើង និងរលោងចែងចាំង tablet នេះត្រូវបានបំពាក់ដោយតួអាលុយមីញ៉ូម គុណភាពខ្ពស់ដែលផ្តល់នូវភាពប្រណីត និងទាន់សម័យ កម្រាស់ដ៏ស្តើង និងទម្ងន់ដ៏ស្រាលត្រឹមតែ640 ក្រាម នោះធ្វើឲ្យអ្នកប្រើប្រាស់មានភាពងាយស្រួលក្នុងការដាក់តាមខ្លួន។
ស្រោមក្តារចុច ក្តារចុច និង Touchpad បង្កើតនូវភាពទាន់សម័យ និងភាពងាយស្រួលនៃការប្រើប្រាស់ ស្រោមក្តារចុចរបស់ Huawei Matebook ត្រូវបានរចនាឡើងដើម្បីភាពងាយស្រួលនៃការប្រើប្រាស់ដែលស្បែក PU ដ៏ស្រទន់នោះ គឺស៊ីគ្នាបំផុត ទៅនឹងការប្រើប្រាស់មុខងារដ៏សម្បូរលើឧបករណ៍នេះ។ ស្រោមក្តារចុចនេះទៀតសោតក៏មានភាពរឹងមាំធ្វើការ អាយុកាលប្រើប្រាស់ធន់ជាប់បានយូរផងដែរ។ ក្តារចុចនេះ មានកម្រាស់ត្រឹមតែ1.5មីលីម៉ែត្រតែប៉ុណ្ណោះ ជាមួយបន្ទះតួអក្សរដាច់ៗពីគ្នាធ្វើឲ្យបរិវេណលើក្តារចុចនេះ មានភាពទូលាយបញ្ចៀសនូវការរាលដៃវ៉ៃខុសតួអក្សរផងដែរ។
អេក្រង់ច្បាស់ត្រជាក់ភ្នែក ភាពភ្លឺច្បាស់ និងឆ្លាតវៃនឹកស្មានមិនដល់
អេក្រង់ touch screen ប្រភេទ IPS ទំហំ12អ៊ីញ ដែលអាចប្រើបានច្រើនបែបផែនរបស់ Matebook ត្រូវបានបំពាក់បន្ថែមជាមួយនឹងស៊ុមដ៏ស្តើងបំផុត ហើយដែលផ្ទៃអេក្រង់មិនជ្រៅចុះទៅក្នុងនោះទេ គឺស្ថិតមកលើ ដល់ទៅ84%។ អេក្រង់របស់ Matebook មានទំហំ Resolution ដល់ទៅ 2160×1440 និងមានមុំ160ដឺក្រេពេញភ្នែកតែម្តង។
ថ្មកាន់បានយូរ រចនាឡើងសម្រាប់ការប្រើប្រាស់គ្រប់ពេលវេលា
ដើម្បីធានាថា Huawei Matebook អាចផ្តល់នូវការប្រើប្រាស់ប្រកបដោយថាមពល និងសមត្ថភាពជា ឧបករណ៍ចល័តនោះ រយៈពេលដែលថ្មអាចកាន់ និងថាមពលថ្ម គឺជាចំណុចគុណសម្បត្តិអាទិភាពនៅពេល ដែលយើងរចនាឧបករណ៍នេះឡើង។ ថ្មដែលមានថាមពលដល់ទៅ 33.7 វ៉ាត់ម៉ោង ប្រភេទ Lithium របស់ Matebook ធ្វើឱ្យឧបករណ៍នេះ អាចដំណើរការបានរហូតដល់ទៅ៩ម៉ោងសម្រាប់ការប្រើប្រាស់បែបការងារ៩ម៉ោងជាប់ៗគ្នាសម្រាប់ការប្រើអ៊ីនធើណិត និងរហូតដល់ទៅ២៩ម៉ោងសម្រាប់ការចាក់តន្ត្រី។
ប្រសិទ្ធភាពនៃសមត្ថភាព និងភាពឆា្លតវៃ រចនាឡើងដើម្បីមុខងារកម្មវិធីច្រើនសម្បូរបែប
Huawei Matebook មានប្រព័ន្ធដំណើរការ Windows 10 និងបំពាក់ដោយអង្គប្រតិបត្តិរបស់ Intel ស៊េរីM Core ដែលផ្តល់នូវល្បឿនលឿន និងមុខងារកម្មវិធីសម្រាប់មុខជំនួញយ៉ាងច្រើន រួមទាំងកម្មវិធី Microsoft Office ដែលអ្នកអាចប្រើបានគ្រប់ពេល។ ឧបករណ៍នេះ អាចមានអង្គចងចាំរហូតដល់ទៅ 8GB ប្រភេទ LPDDR3 និងទំហំផ្ទុកប្រភេទ SSD រហូតដល់ទៅ 512GB។ ដោយប្រើប្រាស់ឧបករណ៍គុណភាពខ្ពស់ និងល្បឿន លឿន Huawei បានរចនា Matebook ឡើងដោយគ្មានកង្ហារជំនួយនោះទេ ដែលធ្វើឲ្យ tablet នេះអាចដំណើរ ការ ដោយគ្មាន សម្លេងរំខាននៅពេលប្រើប្រាស់។
MatePen លើសពីប៊ិច Stylus ធម្មតា
នៅពេលប៊ិច Stylus ធម្មតាអាចប្រើបានត្រឹមតែសរសេរកំណត់ត្រានោះ ប៊ិន Stylus MatePen របស់ Matebook មាននូវប្រព័ន្ធរំញោចដល់ទៅ 2048 កម្រិត ដែលអាចចាប់បានរាល់ចលនា និងការគូសវាស ឬប្រើប្រាស់តាមដែលអ្នកប្រើប្រាស់ចង់បានយ៉ាងលឿនបំផុតដូចផ្លេកបន្ទោ។
មុខងារប៉ះភ្លាមដោះសោរភ្លាមដ៏រហ័សដំបូងគេលើលោក
Huawei Matebook ផ្តល់នូវប្រព័ន្ធការពារដ៏រឹងមាំជាទីទុកចិត្ត ខណៈដែលមុខងារប្រើក្រយ៉ៅដៃមានល្បឿនលឿន ដែលមានប្រព័ន្ធប្រាសាទរំញោច360ដឺក្រេ ធ្វើឲ្យការស្កេនក្រយ៉ៅដៃអ្នករហ័សជាទីបំផុត។ ប៉ះ sensor ភ្លាម ដោះសោអេក្រង់ភ្លែត មុខងារប្រើក្រយ៉ៅដៃដ៏រហ័សបំផុត ក្នុងវិស័យឧបករណ៍ចល័ត។ Matebook នឹងមកដល់ទីផ្សារអាស៊ីអ៊ឺរ៉ុប និងអាមេរិកខាងជើងនៅប៉ុន្មានខែខាងមុខនេះ ហើយនឹងមានជម្រើសពណ៌ពីរ គឺប្រផេះ និងមាស។ ដោយមានតម្លៃចាប់ផ្តើមពី699ដុល្លារ MateBook ផ្តល់នូវតម្លៃសមរម្យបំផុតក្នុងលំដាប់ឧបករណ៍ចល័តឆ្លាតវៃ ។
ពានរង្វាន់ពី WMC 2016
Huawei Matebook បានទទួលការត្រួតពិនិត្យយ៉ាងម៉ត់ចត់ពីប្រព័ន្ធផ្សព្វផ្សាយជាច្រើន បណ្តាអ្នកនិពន្ធ និង សារព័ត៌មានល្បឺៗនៅលើពិភពលោក បានចាត់ទុកថា Huawei Matebook ជា «Tablet ដ៏គួរឲ្យចាប់អារម្មណ៍» ដោយអះអាងថា វាមានអេក្រង់ល្អអស្ចារ្យ ថាមពលថ្មល្អឥតខ្ចោះ ការរចនាល្អឯកកម្មវិធី ស្កេនម្រាមដៃមាន ល្បឿនលឿននៅលើទីផ្សារបច្ចុប្បន្ន ព្រមទាំងទទួលពាន់រង្វាន់ចំនួន13 ក្នុងពិព័រណ៍នោះដែរ។
ជាងនេះទៅទៀត ដោយសារការរចនាយ៉ាងល្អឯក រាងស្តើងឆើតឆាយ មុខងារល្អឥតខ្ចោះ លក្ខណៈពិសេសៗកម្រិតកំពូល និងពេញដោយអត្ថប្រយោជន៍ជាច្រើន ជាហេតុផលធ្វើឲ្យទូរស័ព្ទ Huawei Mate 8 ទទួលបានពានរង្វាន់បន្ថែមទៀតចំនួន12 ដូចជា «រង្វាន់ទូរស័ព្ទដៃល្អបំផុត» «រង្វាន់ស្មាតហ្វូនល្អបំផុត» «ពានរង្វាន់ ស្មាតហ្វូនល្អបំផុត» ពី WMC 2016 ៕
ចែករំលែកព័តមាននេះ