ខេត្តព្រះសីហនុ ៖ កាលពីព្រឹកថ្ងៃទី២ មីនា កម្លាំងសមត្ថកិច្ចមូលដ្ឋានសង្កាត់លេខ៣ ក្រុងព្រះសីហនុ សហការជាមួយកម្លាំងនគរបាលព្រហ្មទណ្ឌខេត្ត បានឃាត់ខ្លួនជនជាតិរុស្ស៊ីម្នាក់ឈ្មោះ
ខេត្តព្រះសីហនុ ៖ កាលពីព្រឹកថ្ងៃទី២ មីនា កម្លាំងសមត្ថកិច្ចមូលដ្ឋានសង្កាត់លេខ៣ ក្រុងព្រះសីហនុ សហការជាមួយកម្លាំងនគរបាលព្រហ្មទណ្ឌខេត្ត បានឃាត់ខ្លួនជនជាតិរុស្ស៊ីម្នាក់ឈ្មោះ Alexander Sherbakov ភេទប្រុស អាយុ៣៤ឆ្នាំ ពាក់ព័ន្ធគ្មានលិខិតឆ្លងដែន និងលិខិតស្នាមផ្សេងៗជាប់ខ្លួន ។
តាមការសាកសួរ ជនបរទេសរូបនេះបានចូលមកកម្ពុជាតាមច្រកទ្វារអន្តរជាតិប៉ោយប៉ែត និងបានបាត់លិខិតឆ្លងដែនតាំងពីចុងឆ្នាំ២០១៥ និងបានមកស្នាក់នៅក្នុងក្រុងព្រះសីហនុ តាមទីសាធារណៈ តាមឆ្នេរសមុទ្រ… ។ ជនបរទេសរូបនេះបានទទួលស្គាល់ថា ខ្លួនពិតជាស្នាក់នៅដោយខុសច្បាប់ប្រាកដមែន (ព្រោះគ្មានលិខិតឆ្លងដែន) ។
ជនបរទេសខាងលើ ត្រូវបានបញ្ជូនខ្លួនទៅអគ្គនាយកដ្ឋានអន្តោប្រវេសន៍ ដើម្បីចាត់ការបន្តតាមនីតិវិធី ៕
ចែករំលែកព័តមាននេះ