ដឹកធ្ងន់បើកឆ្លង ស្រុតបាក់គល់ស្ពាន
ខេត្តរតនគិរី ៖ គោយន្តកែច្នៃដឹកដំឡូងមីលើសទម្ងន់មួយគ្រឿង បានបើកឆ្លងកាត់ស្ពាន បណ្តាលឱ្យបាក់គល់ស្ពានទៅមុខលែងរួចតែមិនក្រឡាប់នោះទេ ហើយក៏គ្មានមនុស្សរងគ្រោះថ្នាក់ដែរ ដែលហេតុការណ៍នេះ
ខេត្តរតនគិរី ៖ គោយន្តកែច្នៃដឹកដំឡូងមីលើសទម្ងន់មួយគ្រឿង បានបើកឆ្លងកាត់ស្ពាន បណ្តាលឱ្យបាក់គល់ស្ពានទៅមុខលែងរួចតែមិនក្រឡាប់នោះទេ ហើយក៏គ្មានមនុស្សរងគ្រោះថ្នាក់ដែរ ដែលហេតុការណ៍នេះ កើតឡើងកាលពីវេលាម៉ោង០៥ និង១៥នាទីល្ងាចថ្ងៃទី២៩ កុម្ភៈ ២០១៦ ស្ថិតត្រង់ចំណុចភូមិជ្រៀក ឃុំលុងឃុង ស្រុកបរកែវ ខេត្តរតនគិរី ។
បើតាមប្រភពពីពលរដ្ឋនៅភូមិជ្រៀកឱ្យដឹងថា ជារៀងរាលថ្ងៃ គាត់តែងតែឃើញគោយន្តកែច្នៃទាំងធំ-តូច ដឹកដំឡូងមី ដឹកឈើ និងដឹកជ្រលុងម្រេច បើកឆ្លងកាត់ស្ពានចាស់ទ្រុឌទ្រោមនេះ តែមិនដែលមានបញ្ហានោះឡើយ ។ ទើបតែពេលនេះ គោយន្តច្នៃមួយគ្រឿងដឹកដំឡូងមី បណ្តាលឱ្យបាក់ស្ពានតែម្តង ។
ប្រភពបន្តថា គោយន្តច្នៃជាច្រើនផ្សេងៗទៀត ដឹកច្រើនជាងគោយន្ត គាត់មិនដែលមានបញ្ហានោះទេ ដល់ពេលមានបញ្ហាគោយន្តរបស់គាត់ដឹកតិចតួចសោះ ក៏មានបញ្ហាបាក់ស្ពាននេះទៅវិញ ។ តាមសម្តីរបស់លោកធួន ភូន មេឃុំលុងឃុង ឱ្យយដឹងថា ស្ពាននេះ កសាងតាំងពីឆ្នាំ២០១៣មក ដោយអស់ទឹកប្រាក់ចំនួន៤៩,៧០១,៥០០រៀល គឺលុយបដិភាគឃុំនេះតែម្តង ហើយគម្រោងនៅឃុំរបស់លោកនេះ ត្រូវកសាងផ្លូវ៨គីឡូម៉ែត្រពីឃុំគាត់ ឆ្លងទៅឃុំ និងស្រុកផ្សេងៗនោះ ។
បញ្ហាគោយន្តច្នៃ បណ្តាលឱ្យបាក់ស្ពាននេះ លោកមេឃុំបានទូរស័ព្ទទំនាក់ទំនងអភិបាលស្រុកបរកែវ ជម្រាបជូនបញ្ហាខាងលើនេះហើយលោកអភិបាលស្រុកបានបញ្ជាឱ្យគាត់ឃាត់ម្ចាស់រថយន្តធ្វើស្ពាន និងជួសជុលឡើងវិញ ។ ហើយម្ចាស់គោយន្តកែច្នៃនោះ ក៏ព្រមទទួលធ្វើស្ពានដូចដើមវិញដែរ ។
នេះក៏ជាកំហុសរបស់លោកមេឃុំនោះដែរ បើដឹងថាស្ពានចាស់ទ្រុឌទ្រោមដោយសារទឹកជំនន់ នាពេលកន្លងទៅ ហេតុអ្វីក៏លោកមេឃុំមិនដាក់បំរាម ឬក៏ហៅម្ចាស់គោយន្តច្នៃទាំងធំ-តូចនោះមកប្រាប់ឱ្យដឹងថា ស្ពាននេះទ្រុឌទ្រោម ហើយដឹងល្មមៗបានហើយមិនគួរណា ឱ្យមានបញ្ហាបែបនេះកើតឡើងទេ អ្នករងគ្រោះ គឺប្រជាកសិករ ដែលដឹកកសិផលកសិកម្មនោះទៅវិញទេ ។
ចែករំលែកព័តមាននេះ